He̍briyu 6:4 - Ya Baru nga Tulag

⁴ Agten tida kuma ngarud iyan, ta emmu tida nga diya toley nga sumina iya panamati da, awan lugud pagbabawiyan dan no tutu nga nakaawat dan. Ngarud, no naglak-am dan iya panangaasi ne̍ Apu Diyus se̍ iya kauwed niya Ispiritu Santu,

He̍briyu 6:4 Iomraidhean Croise

Matyu 12:45

Itu nga mawe̍ to sairu nga mangibulun ka pitu nga kabulun na nga sairu nga dacdake̍c pekkem ngem igina, ket mawe̍ da ngarud met aglugan ito toley, nga igina ya pagedyanan dan. Ket iya agten iyan, agbanag nga dacdake̍c manin ya kasasaad niyan nga toley yin ngem ito nona nga kasasaad na. Ket agten nad ngarud pe̍ iyan ya kasasaad diya dake̍c nga toltoley ita nga timpu,” kunen na.

Matyu 5:13

“Dakayu, ket maiyarig kayu ka asin nga mange̍cde̍ ka nabaru kadiya toltoley iya lubung. Ngem no maipac ya silem niya asinin, kumaan ngarud niya panangpasilem manin iyan nga asin? Awan ngarud sirsirbi nan. Ket maitemsit ngas nga gudgudlan diya toley nga manalan iyanin.

Juan 15:6

Ket ya madi manglaglagip iyaken, maitemsit ngas nga arig mettas nga isa nga sanga, ket macrit nad ngarudin. Ket diya agten iyan nga sanga, urnungen diya toley, se̍ da ngas itemsit iya apuy, ket mapooran da ngarudin.

Juan 3:27

Ket kinunen nito Juan igida, “E̍ Apu Diyus ngas met ya makae̍cde̍ iya pannakabalin niya toley.

Juan 4:10

Ket kinunen ne̍ Je̍sus igina, “No emmum kuma ngas ya sagut nga ipaay ne̍ Apu Diyus, se̍ no nagan ku nga agad-adeng ikew ka inumec nga danum, ikew kuma ngin ya umadeng iyaken, ket e̍cdan naka ka makabiyag nga danum,” kunen na.

Juan 6:32

Dikad pe̍ kinunen ne̍ Je̍sus igida, “Ibagac ya kinapudnu na dakayu: Bekken ngarud nga ito Muyse̍s ya nange̍cde̍ igida ito pagbiyag da nga gayat ka langit itun, no di lugud ya Amac. Tutu met, ket ya Amac, igina met ya mange̍cde̍ dakayu iya pudnu nga pagbiyag nga gayat ka langit.

Aramid 10:45

Ket dito mamati nga Hudyu nga nibulun e̍ Pe̍dru nga gayat ka Huppa, nasdaaw dan kadito iSe̍sarya. Ta orey bekken da nga Hudyu, inalubuwan met pe̍ ne̍ Apu Diyus da iya Ispiritu Santu.

Aramid 11:17

Ket iya agten iyanin, diya bekken nga Hudyu met pe̍ ya pangipaayan ne̍ Apu Diyus iya Ispiritu Santu, agten pe̍ yin dactida nga Hudyu, ito namati tida pe̍ e̍ Apu Je̍su Kristu. Dikad pe̍ ya kunec, madic kuma ngarud kuntraen ya wangwanglen ne̍ Apu Diyus kunec,” kunen ne̍ Pe̍dru.

Aramid 15:8

Ket e̍ Apu Diyus nga makailasin iya panpanunut diya toley, nipasingen na met ya panangannamung na kadito bekken nga Hudyu, ito nipabulun na ya Ispiritu Santu igida nga agten pe̍ dactida itun.

Aramid 8:20

Ngem kinunen ne̍ Pe̍dru igina, “Maimpiye̍rnu ka kuma ngarud agraman ya kuwartam! Ta pagarup mu no mabalin mu nga nginaan ya sagut ne̍ Apu Diyus.

Ruma 1:11

Ta tarigagayac nga unay nga masingen nakayu, tasun mapabileg kayu kuma gapu kadiya ipakaemmuc nad dakayu nga banbanag nga ipaay niya Ispiritu Santu.

2 Kurintu 4:4

Ket diyan nga madi mamati, sinikapan niya diyus da nga agturay idi nga timpu. Ta arig nga kinulap na da tasun madi da makasingen iya wada. Itu ya gapu na nga madi da maawatan ya kinapateg niya Makaparagsac nga Damag maipanggep iya kinadayaw ne̍ Kristu, nga igina ya pakasingnan e̍ Apu Diyus.

2 Kurintu 4:6

E̍ Apu Diyus ya nagkunen itun nga, “Lumtuwad kuma ya wada iya gicbet,” kunen na. Ket igina mettas ya arig nga nangpawada kadiya panpanunut mi, tasun ipasingen mi nge̍ Kristu dakayu. Ket itu ya pakaemmuwan mi iya kinadayaw ne̍ Apu Diyus.

Galasiya 3:2

Ita, uwed das isa nga damagec dakayu: Kumaan nito panangawat nu iya Ispiritu ne̍ Apu Diyus itun? Gapu iya panagtungpal nu iya Linteg, winno gapu iya panamati nu iya kinapudnu nga nagicna nu?

Galasiya 3:5

Ngarud, e̍ Apu Diyus met ya mangipaay dakayu iya Ispiritu na, se̍ ya mangariman ka nakaskasdaaw iya imatang nu. Ngem ape̍ ngata nga arimanen na didi dakayu? Gapu ngata iya panagtungpal nu iya Linteg? Winno gapu iya panamati nu iya kinapudnu nga nagicna nu?

E̍pe̍su 1:18

Ngarud, ikarkararag ku nga ipakaawat kuma ne̍ Apu Diyus kadiya panpanunut nu, tasun maawatan nu kuma ya banag niya namnama nga uwed dakayu sigun ito panangpili na dakayu. Ket itu ya nipatawid ne̍ Apu Diyus kadiya toley na, ket idi nga tawid, nakaskasdaaw ya pammadayaw na.

E̍pe̍su 2:8

Ta gapu was iya siaayat nga asi ne̍ Apu Diyus, ket naisalakan kayu ngarud gapu iya panamati nu. Ket ya pannakaisalakan nu, bekken ngarud nga gapu iya bukud nu nga winangel, no di lugud gapu ta nikaasi ne̍ Apu Diyus dakayu.

E̍pe̍su 3:7

Ket no iyaken, gapu iya siaayat nga asi ne̍ Apu Diyus, nagbalin nac nga agsirsirbi nga mangikaskasaba idi nga Makaparagsac nga Damag. Ta itu to saad nga ne̍cde̍ ne̍ Apu Diyus iyaken sigun iya inariman na iyaken gapu iya pannakabalin na.

E̍pe̍su 4:7

Ngem orey is-isa kuma ya panpanunut tida, nadumaduma met ya pannakabalin nga nae̍cde̍ iya tunggal isa dactida, sigun iya gabay nga e̍cde̍ ne̍ Kristu dactida.

1 Timutyu 4:14

Ket madi ka kuma ngarud liwayan ya pannakabalin nga nitalec ne̍ Apu Diyus ikew. Itu pe̍ ya nipakaemmu dito panglakayen ito nipatey da ikew diya ima da tasun ipasingen da nga mae̍cdan kan ka turay.

2 Timutyu 2:25

Masapul pe̍ nga naannad ya panagbagbaga na kadiya mangkuntra igina, bareng no e̍cdan ne̍ Apu Diyus ka gundaway da nga agbabawi, tasun maawatan da ya pudnu.

2 Timutyu 4:14

To Ale̍handru nga mammanday, adu diya rigrigat nga nipaay na iyaken. Emmuc nga subalitan ne̍ Apu Diyus ka maitutup diya winangel na nga dake̍c.

He̍briyu 10:32

Ngem ita, laglagipen nu kuma to kasasaad nu ito damu nu pekkem ya makaawat maipanggep iya pammati tida, nga arig nga nawadaan kayun. Ta itun, situtured nga inan-anusan nu to panagsagaba nu gapu iya nakaru nga panagrigat nu itun.

He̍briyu 2:4

Ket e̍ Apu Diyus, nipanecnec na met pe̍ maipanggep iyan, gapu kadiya nipasingen na nga pagilasinan, se̍ duduma nga nakaskasdaaw, se̍ diya nadumaduma nga nipawangel na gapu iya pannakabalin na. Ket pammanecnec pe̍ to panangiwaras ne̍ Apu Diyus ka nadumaduma nga pannakabalin nga ipaay niya Ispiritu Santu, sigun iya tarigagayan ne̍ Apu Diyus nga panangiwaras.

1 Juan 5:16

Ket iya agten iyan, no uwed isa dakayu nga makasingen iya kabsat na ka pammati nga agar-ariman ka basul, agpacpakaasi kuma e̍ Apu Diyus maipanggep iyan nga agbasbasul. Ket no bekken nga itu ya panagbasbasul nga agbanag ka patey, mae̍cdan ka biyag. Uwed met panagbasbasul nga agbanag ka patey, ngem bekken nga itu ya kunec nga ikararagan nu kuma.