He̍briyu 6:2 - Ya Baru nga Tulag

² Se̍ madi tida pe̍ masapul nga adalen manin ya maipanggep kadiya nadumaduma nga al-alagaden maipanggep iya pannakadalus, winno ya panangipatey ka ima iya ulu niya maikararagan, se̍ ya panursuru maipanggep iya panagungar nad diya natey, se̍ ya panursuru maipanggep iya pannakaukum nga agnanayun ya dusa na.

He̍briyu 6:2 Iomraidhean Croise

Matyu 28:19

Itu nga mawe̍ kayu kuma ngarud agpasurut kadiya toltoley kadiya amin nga pagpagiliyan, tasun umapu da iyaken. Bautisaran nu diya pasurut gapu iya turay nga uwed iya Ama, Anac, se̍ iya Ispiritu Santu.

Matyu 3:14

Ngem e̍ Juan, gabay na nga lapdan, nga kinunen na, “Rebbeng ku met ya pabautisaran kuma ikew. Bekken met nga rumbeng nga ikew ya umbe̍t agpabautisar iyaken!” kunen na.

Markus 16:16

Ket ya mamati se̍ mabautisaran, maisalakan met. Ngem ya madi mamati, ket maukum met.

Markus 7:4

Se̍ ugali da pe̍ nga no naggayat da iya tindaan, madi da pe̍ mangan, no madi da pekkem tungpalen ya panagdalus sigun iya alagaden da. Ket adu pekkem pe̍ diya duduma nga tungtungpalen da nga ug-ugali da, nga agten iya panagugas kadiya paginuman, papayan ka mainum, se̍ pagutuwan nga burinsi.

Markus 7:8

“Maipanggep ngarud dakayu yan. Ta dakayu, adeyyuwan nu ngarud diya bilbilin ne̍ Apu Diyus, ket diya ug-ugali toley ya ipatpateg nu nga gennungin.”

Lukas 11:38

Ket to Parisiyu, nasdaawan met ito nadlaw na nga madi nagbeggu nge̍ Je̍sus maikanatad iya ugali diya Hudyu age̍ niya pannangan.

Lukas 12:50

Ngem masapul nga malak-am mac pekkem ya panagsagabac nga arig nga pannakabautisar ku, ket awan met talnac agingga nga di pekkem matungpal yani iyaken.

Lukas 14:14

Ket no agten iyan, nagasat ka ngarud, ta diya agten kadiyan nga toley, madi daka masupapakan. Masupapakan ka met nad no panagungar diya napalinteg nga toley,” kunen na.

Lukas 3:16

Itu nga kinunen ne̍ Juan igida nga amin, “Ket iyaken ita, danum ya pamautisar ku dakayu. Ngem uwed nad umbe̍t nga sumarunu iyaken nga dacdackel ya pannakabalin na ngem iyaken, ket di yac pe̍ maikari nga orey no mangukas ngas kadiya listun diya palloka na. Ket igina, ya Ispiritu Santu se̍ apuy met ya pamautisar na nad dakayu.

Juan 1:33

Madi yac pe̍ emmu itun no nagan na yani nga nibon ne̍ Apu Diyus. Ngem e̍ Apu Diyus nga nangibon pe̍ iyaken nga mamautisar ka danum, ket kinunen na met iyaken itun nga, ‘Masingem nad ya Ispirituc nga sumegged nga makitipun iya isa nga toley. Ket itu yanin ya mamautisar ka Ispiritu Santu,’ kunen na iyaken.

Juan 5:29

ket rumwar da nad met kadiya tamtamen da. Ket diya nangtungpal kadiya nabaru ito kauwed da nga biyag, mapagungar da nad nga agbiyag manin. Ngem diya nagwangel kadiya dake̍c, mapagungar da nad tasun maukum da.

Aramid 10:47

Ket kinunen ne̍ Pe̍dru kadito kabulun na, “Uwed met pe̍ kadidi ya Ispiritu Santu win, nga agten pe̍ dactida. Dikad pe̍ madi tida ngarud nga maiparit ya panagbautisar da ka danum,” kunen na.

Aramid 13:3

Ket iya agten iyan, ito nalpas da nga nagkarkararagin nga di nangnangan, nipatey da ngarud ya ima da kade̍ Be̍rnabe̍ nge̍ Saulu, se̍ da da nibonin.

Aramid 16:15

Ket itun, nabautisaran de̍ Lidya nga amin nga sangabaley. Ket kalpasan na, inawis nakami ka baley da, nga kinunen na, “No mapnec kayu nga tutu nga mamati yac kun iya Apu, ya baley mi kuma ya pagedyanan nun,” kunen na dakami. Dikad pe̍ nawe̍ kamin, ta nipapilit na dakami.

Aramid 16:33

Ket orey tengnga niya gabi pekkem, inugadan nito agbanbantay dito baled da, ket kalpasan na, nabautisaran da nga amin nga sangabaley yin.

Aramid 17:18

Ket uwed da pe̍ antuni diya manursuru nga pasurut niya panursuru E̍pikuryu se̍ Istuwiku, ket nakidiskutir da e̍ Pablu. Ket kinunen da pe̍, “Eppes ngas met ya kagkagiyen niya agbuwabuwakaw nga idi,” kunen da. Ket dito duduma, kinunen da, “Maipanggep kadiya sabsabali nga didiyusen kid ya kagkagiyen niyan,” kunen da, ta nikasaba ne̍ Pablu ya Makaparagsac nga Damag maipanggep e̍ Je̍sus, se̍ ya panagungar na.

Aramid 2:38

Ket kinunen ne̍ Pe̍dru igida, “Agbabawi kayu ngarudin, se̍ pabautisaran ya tunggal isa dakayu gapu iya panamati nu e̍ Je̍su Kristu win, tasun mapakawan diya basbasul nu. Ket mae̍cdan kayu pe̍ iya Ispiritu Santu nga sagut ne̍ Apu Diyus.

Aramid 2:41

Ket dito namati kadito kinagi ne̍ Pe̍dru, nagpabautisar da ngarud. Ket itun mettas nga algew, uwed sumaggatlu nga ribu nga naidga iya bungguy dito sigud nga mamati e̍ Je̍sus itun.

Aramid 23:6

Ket itunin, nalagip ne̍ Pablu win nga makikamkameng dito duduma nga kunse̍hale̍s iya bungguy diya Sadusiyu, se̍ dito duduma, iya bungguy diya Parisiyu. Itu nga ginewweng ne̍ Pablu da, ta nibileg na ya timec na nga kinagi na, “Wawagi, iyaken, Parisiyu wac met pe̍, se̍ Parisiyu met pe̍ dito nagputputut iyaken. Ket emmuc met ya kagura nu iyaken nin, ta namnamaec nga uwed nad panagungar diya natey,” kunen na.

Aramid 24:15

Namnamaec pe̍ ya panangpagungar ne̍ Apu Diyus kadiya amin nga toley, nga dake̍c man se̍ nalinteg. Ket orey pe̍ didi nga mangipabasul iyaken, itu met pe̍ ya namnamaen da.

Aramid 24:21

Ngem yan nas emmuc ket kaynun no to panangagic ka nabileg ito naisangu wac igida ya gabay da nga ipabasul iyaken, ta nibagac itun nga kagura dac gapu ta patiyec nga agungar diya natey,” kunen ne̍ Pablu.

Aramid 24:25

Ket e̍ Pablu, nikaskasaba na ya maipanggep iya panagtungpal kadiya nalinteg se̍ iya panagtimbeng iya beggi, se̍ iya panangukum pe̍ ne̍ Apu Diyus nad mettas. Ket to Gube̍rnadur Pe̍lic, mansingin ito nikasaba ne̍ Pablu, itu nga kinunen na, “Kustu nan! Mame̍nsan nad manin, ta palbe̍ten naka manin no uwed nad wayac,” kunen na.

Aramid 26:8

“Dakayu nga padac nga Hudyu, ape̍ ta madi kayu lugud gabay nga patiyen nga paungaren ne̍ Apu Diyus diya natey?

Aramid 4:2

Ta nakaunget da gapu kadito isursuru de̍ Pe̍dru kadiya toltoley, gapu ta nikasaba da nga nagungar nge̍ Je̍susin, itu nga mabalin pe̍ kanu nga agungar nad met diya duduma nga nat-atey.

Aramid 6:6

Ket ito nibaga da kadito apustule̍sin, nikararagan dito apustule̍s dito lalaki se̍ nipatey da diya ima da igida nga inannamungan da dan.

Ruma 2:16

Ket sigun iya ikaskasabac nga Makaparagsac nga Damag, ukumen nad ngarud ne̍ Apu Diyus diya basbasul diya toley, gapu e̍ Kristu Je̍sus. Ket no iyan nad nga Timpu, itu nad met ya pannakaukum diya toltoley kadiya nalimed nga pangpanggep dan.

1 Kurintu 10:2

Ket to panangsurut da ito Muyse̍s ito naidalan da ito ulep se̍ ito nakalasat da ito baybay, itu ya arig nga pannakabautisar niya tunggal isa igida nga pasurut nito Muyse̍s.

1 Kurintu 12:13

Ta amin tida, Hudyu man winno bekken nga Hudyu, tagabu man winno bekken, ket agpapada tida nga nabautisaran nga nakikamkameng e̍ Kristu, gapu mettas iya is-isa nga Ispiritu Santu. Se̍ is-isa yani nga Ispiritu nga nae̍cde̍ dactida, nga arig nga is-isa ya naipainum dactida.

2 Kurintu 5:10

Ta uwed nad met pannakaisangu tida nga amin e̍ Kristu iya tugew nga pangukuman na. Ket awaten nad niya tunggal isa dactida ya maitutup igina, sigun iya winangel tida ito sibibiyag tida pekkem idi nga lubung, nabaru man winno dake̍c.

Pilipus 3:21

Ket igina met ya mangbaliw nad kadiya kackaasi nga beggi tida. Pagbalinen na da nad nga agten mettas iya napadayaw nga beggi na ita. Ket ya pannakabalin nga usaren na nad iya panangbaliw na dactida, ket itu ya agten mettas nga pannakabalin nga usaren na tasun pagbalinen na nga agpaituray igina diya amin.

Kulusas 2:12

Ket itu ngarud ya kaipapennan niya panagbautisar nu, ta naibilang kayu nga kabulun ne̍ Kristu ito pannakaitamen na. Ket pakaiyarigan na pe̍ ya pannakaibulun nu ito pannakapaungar na, gapu mettas iya panamati nu ito inariman ne̍ Apu Diyus, ta igina met ya nangpaungar e̍ Kristu.

2 Timutyu 2:18

Ta igida nga duwa, imadeyyu dan iya pudnu nga sursuru, ket riribuken da mettin ya panamati diya duduma. Ta kunen da nga nalpasin ya panagungar diya natey.

He̍briyu 11:35

Ket uwed da pe̍ babey itun, nga gapu ta uwed pe̍ panamati da, napagungar dito duduma kadito minminatey da, ket naiyawat mettas igida. Ket uwed da pe̍ lalaki itun, nga gapu mettas iya panamati da, nitured da ya naparparigat agingga nga napatey da, orey uwed met gundaway da nga mawayawayaan. Ngem madi da latta nagbabawi iya panamati da, ata ninamnama dan ya pannakapagungar da nad iya namaymayat nga biyag.

He̍briyu 9:10

Ta dito datdatun da itun, al-alagaden ngas met nga agpaay ngas kadiya masingen nga banbanag, nga agten kadiya pannangan, panaginum, se̍ nadumaduma nga al-alagaden maipanggep iya pannakadalus. Ket napateg diyan agingga ngas iya timpu niya panangbangun ne̍ Apu Diyus iya kabarbaru nga panggep na.

2 Pe̍dru 3:7

Ket gapu pe̍ iya kagi mettas ne̍ Apu Diyus, matungpal nad met pe̍ ya panggep na iya abac lawa se̍ lubung, ta mapooran da nad ngarud. Ngem tengtenglen pekkem mas ne̍ Apu Diyus yan nga panggep na agingga iya timpu niya panangukum se̍ panangpukaw na kadiya toley nga madi agdayaw igina.