He̍briyu 6:12 - Ya Baru nga Tulag

¹² Ta madi kayu kuma agsadsadut, no di lugud tuladen nu diya nagtawidin kadiya nikari ne̍ Apu Diyus. Nagtawid da ngarud gapu iya panamati se̍ panaganus da.

He̍briyu 6:12 Iomraidhean Croise

Matyu 22:32

Ta kinunen na, ‘Iyaken ya Diyus ne̍ Abraham, se̍ ya Diyus ne̍ Isaac, se̍ ya Diyus ne̍ Hakub,’ kunen na. Ngarud, diya kameng ne̍ Apu Diyus, bekken da met nga maibilang nga natey, no di lugud maibilang da nga sibibiyag,” kunen na.

Matyu 25:26

“Ket to amu na, kinunen na igina, ‘Dake̍c se̍ nasadut ka met nga tagabu! No tutu nga naemmuwam nga ganiyec ya bekken ku nga niraep, se̍ agurnung ngac ka in-gikan nga bekken ku nga nisap,

Lukas 16:22

“Ket ya napasamac, natey to panglaw. Ket nimet diya anghe̍l, se̍ da nipaabay ito Abraham, nga itu to pakaliwliwaan nito Lasaru enna pennan diya natey. Ket natey met pe̍ to bacnang, ket naitamen ngarud.

Lukas 8:15

Ket dito bukel nga nagdessag iya napaw-is nga ginet, itu diya maiyarig kadiya toley nga makagicna pe̍ iya kagi ne̍ Apu Diyus, ket napudnu se̍ nadalus met ya nakem da no magicna da, ket agtalec da ngarud. Naanus da, ket agbanag ka nabaru ya panamati da,” kunen na.

Ruma 12:11

Masapul nga madi kayu agsadut, no di lugud aggaget kayu. Ket agpasnec kayu kuma gapu iya Ispiritu, se̍ agsirbi kayu iya Apu.

Ruma 2:7

Agten idi ya pananggun-guna na kadiya toley: Uwed da toley nga siaanus nga agwangwangel ka nabaru, gapu ta ipateg da ya panangpadayaw se̍ panangparaem ne̍ Apu Diyus igida, se̍ ya awan patingga na nga biyag nga ipaay na. Ket didi nga toley met diya pangipaayan nad ne̍ Apu Diyus iya biyag nga agnanayun.

Ruma 4:12

Ket dactida nga Hudyu nga nagtungpalin iya panagkugit, to Abraham met pe̍ ya maibilang nga ama tida, no tungpalen tida to nipasingen na nga pagtuladan tida, nga itu ya panamati na orey madi pekkem nga nagpakugit itun.

1 Te̍salunika 1:3

Ta iya imatang ne̍ Apu Diyus nga Diyus se̍ Ama tida, pe̍yeng nga laglagipen mi diya nabaru nga wangwanglen nu gapu iya panamati nu, se̍ ya kinagaget nu gapu iya panagayat nu se̍ ya kinabaked niya namnama nu iya Apu tida nga Je̍su Kristu.

2 Te̍salunika 1:4

Itu nga no dakami, ipasindayaw dakayu, nga ipadpadamag dakayu met kadiya duduma nga bungguy diya mamati e̍ Apu Diyus. Ipakaemmu mi igida ya panaganus nu iya panamati nu, ta orey adu diya rigrigat nu se̍ pakairurumnan nu gapu iya panamati nu, maanusan nu latta.

He̍briyu 1:14

Ngem no diya anghe̍le̍s, emmu tida nga igida nga amin diya madi masingen nga eb-ebbonen ngas ne̍ Apu Diyus. Ket ibon ne̍ Apu Diyus da nga tumulung kadiya amin nga maipaayan ka pannakaisalakan.

He̍briyu 10:36

Masapul nu ngarud ya agten iyan nga panaganus, tasun nad no naariman nun ya tartarigagayan ne̍ Apu Diyus, ket maalac nu ngarudin to nikari na.

He̍briyu 11:33

Ta gapu ta uwed panamati ditun nga toley, nangabac da kadiya pagpagariyan nga nakigubgubatan da. Ket diya duduma igida, nagturay da nga nangpalinteg kadiya toltoley da. Ket diya duduma igida, nagkari met nge̍ Apu Diyus igida. Ket uwed da pe̍ igida diya nangabac ka liyun ket madi da met nakagat.

He̍briyu 12:1

Ket no dactida ita, arig nga nale̍cbut tidan kadito adu nga toley, ta uwed pekkem dactida ita diya pammanecnec da maipanggep ito panamati da. Itu nga ipac tida kuma ngarudin diya amin nga manggapus dactida iya panamati tida, se̍ ya pakabasulan tida nga mangsipar iya panamati tida. Ket se̍ an-anusan tida ngarud nga itultuluy ya panagtungpal tida iya rebbeng niya panamati tida, nga maiyarig iya panagtarus niya isa nga makilumba nga sisingen nan ya pagpatinggaan niya pannakilumba na.

He̍briyu 13:7

Laglagipen nu kuma pe̍ dito non-ona nga nangipangulu nga nangipakaemmu iya kagi ne̍ Apu Diyus dakayu itun. Panunuten nu kuma no kumaan nito ugali da, se̍ to nabaru nga nagbanagan dito ugali da, ket tuladen nu to panamati da.

He̍briyu 5:11

Adu kuma pekkem ya gabay ku nga ilawlawag dakayu maipanggep idi nga banag, ngem narigat nga mailawlawag dakayu, ata narigat kayu met nga makaawat.

He̍briyu 6:15

Ket iya agten iyan, nagun-ud ngarud nito Abraham itun to nikari ne̍ Apu Diyus igina, gapu ta sinanama nga nagan-anus.

Santiyagu 1:3

Ta emmu nu nga no anusan nu ya amin diyan nga pakapadasan iya panamati nu e̍ Apu Diyus, lumaing kayu met iya kabaellan nu nga aganus.

2 Pe̍dru 1:10

Itu nga kakabsat, sipapasnec kayu kuma ngarud nga mangpatalged iya pannakapili se̍ pannakaisaad nu. Ket no agten iyan ya wanglen nu, awan ngarud pakairraduwan nu iya imatang ne̍ Apu Diyusin.

1 Juan 2:25

Ket laglagipen nu pe̍ ya nikari ne̍ Kristu dactida, nga itu ya agnanayun nga biyag.

Paltiing 13:10

Diya makadateng iya pannakaipanaw da gapu kadiya manggura igida, ket tutu met nga maipanaw da ngas met. Se̍ diya makadateng met iya pannakatey da gapu kadiya mangispada igida, ket tutu met nga matey da ngas ka ispada. Itu nga masapul nga bumileg diya toltoley ne̍ Apu Diyus iya panaganus se̍ panamati da.