He̍briyu 6:10 - Ya Baru nga Tulag

¹⁰ Ta emmu tida nga gapu ta kustu ya pananglinteg ne̍ Apu Diyus, silalagip ngarud kadiya nabaru nga winangel nu. Ket se̍ silalagip pe̍ iya panagayat nu igina, nga ipasingen nu gapu iya panangtulung nu kadiya pada tida nga mamati, nga itu ya winangwangel nu itun, se̍ orey ita pe̍.

He̍briyu 6:10 Iomraidhean Croise

Matyu 10:42

Ket tutu met nga siguradu nga magun-gunaan nad ya orey mangpainum ngas ka danum iya isa kadidi nga naibilang nga nababa ngas nga toley, no painumen na gapu ta emmu na nga pasurut ku,” kunen ne̍ Je̍sus.

Matyu 20:7

“Ket kinunen da igina, ‘Awan met ngamin mangpategged dakami,’ kunen da. “Ket to makin-kuwa ito kaubasan, kinunen na ngarud igida, ‘Ala, mawe̍ kayu pe̍ agwangel enna kaubasac,’ kunen na.

Matyu 25:17

Agten met pe̍ iyan ya winangel nito nae̍cdan ka duwa nga ribu, ket nakaganansiya met pe̍ ka duwa nga ribu.

Markus 9:41

Ta tutu met nga siguradu nga magun-gunaan nad ya orey nagan na nga toley nga agwangel ka nabaru nga maipaay iyaken, orey no yan nas mangpainum da dakayu ka isa nga tasa nga danum, no painumen dakayu gapu ta emmu da nga pasurut nakayu ya Kristu,” kunen na.

Juan 13:20

“Pudnu met yani nga ibagac dakayu: Ya umawat iya ibon ku, maibilang nga iyaken mettas ya awaten na. Ket iya agten iyan, ya umawat iyaken, awaten na met pe̍ ya nangibon iyaken,” kunen na.

Aramid 10:31

Ket kinunen nito lalaki iyaken, ‘Kurne̍lyu, inannamungan ne̍ Apu Diyus ya kararag mu, se̍ laglagipen na diya panangaasim kadiya makasapul.

Aramid 10:4

Ket nakam-amutleng ngarud nge̍ Kurne̍lyu ito anghe̍l, ta nakigtut mettin, ket kinunen ne̍ Kurne̍lyu, “Nagan na, apu?” kunen na. Ket kinunen nito anghe̍l, “Silalagip nge̍ Apu Diyus ikew, ta inannamungan na dito karkararag mu, se̍ emmu na pe̍ ya panangaasim kadiya makasapul.

Aramid 11:29

Ket dito pasurut niya Apu enna Antiyakiya nga bekken nga Hudyu, nalagip da ya mangipakagtu ka tulung da kadito kakabsat da ka pammati enna pagiliyan diya Hudyu. Nange̍cde̍ ya tunggal isa, sigun iya kabaellan na nga e̍cde̍.

Ruma 12:13

Biyangan nu kuma diya kapada nu nga mamati, nga tulungan nu da kadiya kasapulan da. Ket managsangaili kayu kuma.

2 Kurintu 9:1

Madic masapul ya agsurat pekkem dakayu maipanggep iya rebbeng tida nga tumulung kadiya makasapul nga mamati.

Galasiya 5:13

Ngem dakayu, kakabsat, napili nakayu ngarud nge̍ Apu Diyus nga mawayawayaan kadiya agten iyan nga paglinteggan. Ngem orey uwed yani nga wayawaya nun, madi kayu kuma gundawayan yani kadiya kumpurmi nga wanglen nu nga tarigagayan niya kinatoley nu, no di lugud gundaway nu kuma yani nga wayawaya nu nga agsisinnirbi, gapu iya panagiinnayat nu.

Galasiya 5:6

Ta diya toley nga naitipun e̍ Kristu Je̍sus gapu iya panamati da, bekken met nga ya ugali diya toley nga agpakugit winno ya ugali da nga madi agpakugit ya napateg. Ta ya nasken lugud, itu ya panamati nga mangipasingen ka panagayat.

Galasiya 6:10

Dikad pe̍ gapu ta uwed gundaway tida nga agwangel ka nabaru ita, ipaay tida kuma ngarud kadiya amin nga toley, nangruna kadiya kakabsat tida ka pammati.

Kulusas 3:17

Ngarud, sipapati kayu kuma ngas e̍ Apu Je̍sus iya orey nagan na nga ar-arimanen nu, orey kadiya kagkagiyen winno wangwanglen nu. Ket sigun iya kinaturay ne̍ Apu Je̍sus, agyaman kayu kuma ngarud e̍ Apu Diyus nga Ama.

1 Te̍salunika 1:3

Ta iya imatang ne̍ Apu Diyus nga Diyus se̍ Ama tida, pe̍yeng nga laglagipen mi diya nabaru nga wangwanglen nu gapu iya panamati nu, se̍ ya kinagaget nu gapu iya panagayat nu se̍ ya kinabaked niya namnama nu iya Apu tida nga Je̍su Kristu.

1 Timutyu 6:18

Itu nga ibagam igida nga wanglen da kuma nga pe̍yeng ya nabaru para kadiya makasapul, nga ibilang da kuma nga kinabacnang dan ya panangtulung da ka toley. Ngarud, managkaasi da kuma nga bekken nga nakirmet.

2 Timutyu 4:8

Ket itan, uwed naisagana para iyaken nga arig nga gun-gunac. Itu ya kinalinteg niya Apu nga ikutac nad mettas, nga arig nga isa nga kuruna nga igun-guna niya Apu iyaken nad no Timpu na nga manglinteg kadiya toltoley. Ket bekken nas nga iiyaken ya magun-gunaan nad ka agten iyan, no di pe̍ diya amin nga siaayat nga mangpadpadaan iya umbe̍t na manin.

He̍briyu 10:32

Ngem ita, laglagipen nu kuma to kasasaad nu ito damu nu pekkem ya makaawat maipanggep iya pammati tida, nga arig nga nawadaan kayun. Ta itun, situtured nga inan-anusan nu to panagsagaba nu gapu iya nakaru nga panagrigat nu itun.

He̍briyu 13:16

Ket di nu kuma pe̍ liwayan ya panagariman ka nabaru, se̍ ya panagtitinnulung nga siaasi. Ta diya agten kadiyan, arig da nga datun nu nga makaay-ayu e̍ Apu Diyus.

1 Juan 1:9

Ngem no situtulnug tida nga mangipakaemmu kadiya basbasul tida, siguradu tida nga wanglen ne̍ Apu Diyus ya nalinteg, nga pakawanen nactida kadiya basbasul tida, se̍ dalusan nactida ka amin nga kinadake̍c.