He̍briyu 5:9 - Ya Baru nga Tulag

⁹ Ket ito nakasagana nge̍ Je̍susin para iya awan pagkurangan na nga saad na, igina ya nagbalin nga pakaisalakanan ka agnanayun diya amin nga agtungpal igina.

He̍briyu 5:9 Iomraidhean Croise

Matyu 17:5

Ket ito madama pekkem nga agkagkagi nge̍ Pe̍dru, uwed met gayam nadarang nga ulep nga nangbugus igida. Ket uwed met pe̍ nagicna da nga timec nga gayat ito ulep, nga kinunen na, “Itu yani ya Anac ku nga dungdungnguwec. Igina ya pakaay-ayuwac. Ipangag nu ngarud ya kagi na!” kunen na.

Lukas 13:32

Ket kinunen ne̍ Je̍sus igida, “Mawe̍ kayu lugud ibaga iyan nga nasikap nga arig nga musang, nga madi pekkem nalpas ya gagarac ki. Ibaga nu ngarud igina nga maemmuwan na kuma nga ita nga algew se̍ no damlag pekkem, pagtalawec met diya sairu kadiya linuganan da, se̍ mangagas sac pe̍ kadiya agsakit. Ket iya maikatlu nga algew, malpas kun ya wangel kun.

Juan 19:30

Ket ito nasepsep ne̍ Je̍sus to suka ngin, ket kinunen na, “Natungpal ngarudin!” kunen na. Ket kalpasan na, nagdumug, ket nipalubus na ya anges na nga simina ngin.

Aramid 3:15

Ket iya agten iyan, nipapatey nu met ya pagtaudan niya biyag. Ngem pinagungar mettas ne̍ Apu Diyus. Ket dakami, nasacsiyan mi met yan.

Aramid 4:12

Itu nga e̍ Je̍sus ngas met ya makaisalakan ka toley, ta awan sabali nga kinaturay iya lubung nga nipaay ne̍ Apu Diyus nga mangisalakan dactida,” kunen na.

Aramid 5:32

Ket dakami diya mangibagbaga iya pudnu maipanggep kadidi nga banbanag. Se̍ bekken nas nga dakami ya mangibagbaga, no di lugud pe̍ ya Ispiritu Santu nga nipaay ne̍ Apu Diyus dakamin nga sumurut igina.” Itu yan to nisungbat de̍ Pe̍dru ito kangatuwan nga agsirsirbi iya Te̍mplu.

Ruma 1:5

Ket gapu igina, se̍ tasun madayaw ya kinaturay na, nipaay ne̍ Apu Diyus nga siaayat ya saad nga kinaapustul. Nipaay na ngarud iyaken, tasun mangipadamag gac iya maipanggep iya panamati igina kadiya bekken nga Hudyu kadiya amin nga il-ili, tasun sumurut da kuma igina.

Ruma 10:16

Ngem diya duduma nga Israe̍lita nga napadamagan iya Makaparagsac nga Damag, madi da met nipangag. Ta agten pe̍ ito kunen nito mammadtu nga Isayas itun nga kinunen na, “Awan namati kadiya nikasaba mi, Apu,” kunen na.

Ruma 15:18

Ta di yac met agtured nga agkagi maipanggep kadiya duduma nga banbanag, malacsid ngas maipanggep kadiya nipawangel ne̍ Kristu iyaken nga mangawis kadiya bekken nga Hudyu, tasun sumurut da pe̍ e̍ Apu Diyus. Ket diya kinagic se̍ diya winangel ku, itu ya nangawis ku igida.

Ruma 2:8

Ngem uwed da pe̍ toley nga mayat nga maipangatu ya kaipapennan da, se̍ mangdellaw iya pudnu tasun suruten da ya dake̍c. Ket didi nga toley met diya pangipaayan nad ne̍ Apu Diyus iya gura se̍ unget na.

Ruma 6:17

Ngem agyaman nac e̍ Apu Diyus, ta orey arig kayu nga tagabu itun niya basul, ket itan, nagbalin kayun nga napasnec nga pasurut niya panursuru nga naipakaemmu dakayun. Ket naitalec kayu met pe̍ iya turay nan.

2 Kurintu 10:5

Itu met ya pangpirdi mi iya sirib diya mangpilusupu. Itu pe̍ ya pangipac mi kadiya amin nga kinatangsit nga makasirra iya pannakaemmu diya toley iya kinapudnu maipanggep e̍ Apu Diyus. Se̍ itu pe̍ ya pangiturung mi pe̍ yin kadiya amin nga pangpanggep toley iya tarigagay ne̍ Kristu.

Pilipus 2:12

Dikad pe̍ idi ya ibagac dakayu nga patpatgec: Ket itun, gangey nu ya pe̍yeng dac nga ipangpangag. Ket gabay ku no bekken kuma ngas nga iya kauwed ku ya agten iyan, no di lugud ad-adda kuma ya panangipangag nu iyaken ita nga kinaawan ku. Itu nga dakayu kuma mettasin ya makaemmu nga sidadayaw se̍ siaannad iya panangannung nu iya banag niya pannakaisalakan nu.

2 Te̍salunika 1:8

Uwed met pe̍ gumilgilab nga apuy nad no umbe̍t nge̍ Apu Je̍sus nga mangariman iya pakaukuman diya madi makaem-emmu e̍ Apu Diyus se̍ kadiya madi agtungpal iya Makaparagsac nga Damag maipanggep iya Apu tida nga Je̍sus.

2 Te̍salunika 2:16

Ket uwed kuma adngen mi iya Apu tida nga Je̍su Kristu se̍ e̍ Apu Diyus nga Ama tida nga mangayat dactida. Ta gapu iya siaayat nga asi na, liwliwaan nactida ka liwliwa nga madi agpatingga, se̍ namnama nga nabaru.

2 Timutyu 2:10

Itu nga anusac ngas ya orey nagan na, para kadiya pinili ne̍ Apu Diyus nga toley na. Agten ngarud iyan ya wanglec, tasun maisalakan da pe̍ gapu e̍ Kristu Je̍sus nga mangiraman igida iya pannakapadayaw na nga madi agpatingga.

He̍briyu 1:14

Ngem no diya anghe̍le̍s, emmu tida nga igida nga amin diya madi masingen nga eb-ebbonen ngas ne̍ Apu Diyus. Ket ibon ne̍ Apu Diyus da nga tumulung kadiya amin nga maipaayan ka pannakaisalakan.

He̍briyu 11:40

Ta uwed namaymayat nga panggep ne̍ Apu Diyus para igida nga maigapu met dactida. Itu ya panangiraman na igida iya kasasaad tida nga awan pagkurangan iya imatang ne̍ Apu Diyus.

He̍briyu 11:8

Ket to Abraham pe̍, gapu ta uwed panamati na, tinungpal na to bilin ne̍ Apu Diyus igina, nga nawe̍ ito lugar nga nikari ne̍ Apu Diyus nga tawiden na. Pimanaw ngarud to Abraham ito ili na nga nawe̍ yin, orey di na pekkem emmu ya pagpatinggaan na.

He̍briyu 12:2

Ket e̍ Je̍sus kuma ngas ya namnamaen tida, nga arig nga igina ya sisingen tida. Ta igina met ya nangariman iya pangnamnamaan niya panamati tida, se̍ igina met pe̍ ya mangtungpal. Ket e̍ Je̍sus, niturtured na met nga siaanus to pannakatey na ito krus, nga madi na linaglagip to nakaiyal-alyewwan na. Ta laglagipen na nga gennung ya pakaanggemman na nga naikari igina. Ket ita, uwed met nga tutu win nga agtugtugew iya kadayawan nga edyan, nga itu ya madiwanan niya trunu nga pagtugawan ne̍ Apu Diyus.

He̍briyu 2:10

Mayat met ya agten iyan, ta e̍ Apu Diyus, igina ngarud ya pagpaayan diya amin nga naparsuwa, se̍ igina pe̍ ya paggayatan diya amin. Itu nga tumutup met to inariman na iya makaigapu iya pannakaisalakan tida, nga itu nge̍ Je̍sus. Ta inanayan ne̍ Apu Diyus ya kasasaad ne̍ Je̍sus gapu ito panaglak-am na ito rigat na. Ket agten iyan met tasun adu diya maibilang nga an-anac ne̍ Apu Diyus, se̍ tasun iturung ne̍ Je̍sus da iya pakaidayawan da.

He̍briyu 2:3

Dikad pe̍ ita, madi tida ngarud met pe̍ makalisi iya pannakadusa tida, no liwayan tida ya panangipateg idi nga pannakaisalakan tida. Ta ya Apu nga mismu ya nona nga nangipakaemmu idi nga pannakaisalakan nga ipaay na. Ket dito nakagicna igina itun, igida mettas ya nangipanecnec dactida nga pudnu yan nga pannakaisalakan.

He̍briyu 9:12

Ket ito imuneg nge̍ Kristu iya Kasantuwan nga Edyan iyan nga pagdaydayawan, nam-ame̍nsan ngas nga masapul nga imuneg iyan, ket kustu win para iya amin nga timpu. Se̍ bekken nga ya daga kalding winno ya daga niya urbun baka to nitarey na nga nidatun na, no di lugud ya daga mettas niya mismu nga beggi na. Ket iya agten iyanin, pinatalgeddan ne̍ Kristu ya pannakasubbut tida nga agnanayunin.

He̍briyu 9:15

Dikad pe̍ e̍ Kristu ngarud met ya mangibabaet nga nangirugi iya baru nga tulag. Itu nga diya pinili ne̍ Apu Diyus nga katulag na, matawid da ngarudin to nikari na nga agnanayun nga tawid. Ta gapu ito pannakatey ne̍ Kristu, nawayawayaan dan iya pannakaukum da gapu kadito basbasul da, nga naariman da ito uwed da pekkem iya masakupan nito nona nga tulag.

He̍briyu 9:28

Ket agten pe̍ iyan nge̍ Kristu, ta nam-ame̍nsan ngas nga naidatun, ket kustu para iya amin nga timpu to pannakaidatun na. Naidatun ngarud tasun inagtu na nga nipac diya basbasul diya adu nga toltoley. Ket agparang nad manin nge̍ Kristu ka maikadduwa, ngem bekken nin nga maigapu ka basul ya maikadduwa nga umbe̍tan na, no di lugud tasun mailayunin ya panangisalakan na dactida nga sinanama nga agpadpadaan igina.

1 Pe̍dru 1:22

Ket itan, nadalusan kayu mettin gapu iya panagtungpal nu iya kinapudnu. Dikad pe̍ uwed din dakayu ya napudnu nga panagayat kadiya kakabsat nu ka pammati yin. Itu nga ipasnec nu kuma ngin ya napudnu nga panagiinnayat nu.

1 Juan 5:20

Ket emmu tida pe̍ nga inumbe̍tin ya Anac ne̍ Apu Diyus, ket ne̍cdan nactida ka pannakaawat tasun maemmuwan tida ya pudnu nga Diyus. Ket naitipun tidan iya pudnu nga Diyus, ta naitipun tida mettin iya Anac na nga Je̍su Kristu. Igina met ya pudnu nga Diyus se̍ paggayatan niya agnanayun nga biyag.

Hudas 1:21

Laglagipen nu kuma nga pe̍yeng ya panagayat ne̍ Apu Diyus dakayu. Se̍ namnamaen nu kuma nga pe̍yeng ya agnanayun nga biyag nga ipaay niya Apu tida nga Je̍su Kristu nad dactida gapu iya panangaasi na.