He̍briyu 5:7 - Ya Baru nga Tulag

⁷ Ket ito kauwed ne̍ Je̍sus idi nga lubung, nagkarkararag nga nagad-adeng e̍ Apu Diyus, nga igina ngarud ya uwed pannakabalin na nga mangilisi e̍ Je̍sus ka patey. Nagberrit se̍ imawag nge̍ Je̍sus ka nabileg ito panagkararag na. Ket dinngeg ngarud ne̍ Apu Diyus, gapu ta sipapakumbaba nga nagtungpal nge̍ Je̍sus igina.

He̍briyu 5:7 Iomraidhean Croise

Matyu 27:46

Ket ito mangalas tre̍sin, pinumkaw met nge̍ Je̍sus nga kinunen na ka nabileg, “E̍li, E̍li, lama sabactani?” nga kayat na nga kagiyen, “Diyus ku, Diyus ku, ape̍ nga binaybay-an nac?”

Matyu 27:50

Ket e̍ Je̍sus, nagpekkaw manin ka nabileg, ket nipalubus na nga nauyus ya anges nan.

Markus 15:34

Ket ito alas tre̍sin, pinumkaw met nge̍ Je̍sus nga kinunen na ka nabileg, “Eloy, E̍loy, lama sabactani?” nga kayat na nga kagiyen, “Diyus ku, Diyus ku, ape̍ nga binaybay-an nac?”

Markus 15:37

Ngem e̍ Je̍sus, nagkerre̍s ka nabileg gin, ket awan anges nan.

Lukas 23:46

Ket e̍ Je̍sus ito krus na, nagpekkaw met nga kinunen na ka nabileg, “Ama, italec ku ikew ya kararuwac,” kunen na. Ket ito nakagi na yanin, awan anges nan.

Juan 1:14

Ngarud, to maawagan ka Kagi, ket nagbalin nga toley itun, ket nakipagedyan dactida idi nga lubung. Ket dakami, nasingen mi ya kinadayaw na nga tumaud e̍ Apu Diyus nga Ama na. Igina ngarud ya nadayaw nga kackaisu nga Anac ne̍ Apu Diyus, ket yan nas siaayat nga asi, se̍ kinapudnu ya uwed igina.

Juan 11:35

Ket nagluwa met pe̍ nge̍ Je̍susin.

Juan 11:42

Ket emmuc ngarud nga sigud nga ipangag nac nga kankanayun, ngem kinagic yan gapu ngas kadiya toley nga uwed idi nga aggigicna, tasun patiyen da kuma nga tutu nga ikew ya nangibon iyaken,” kunen na.

Juan 17:1

Kalpasan niya panangagi ne̍ Je̍sus kadiyan, limangad ka langit, ket nagkararag nga kinunen na, “Ama, nadatnganin ya timpu nga panangipadayaw mu iya Anac mu, tasun maipadayaw naka pe̍.

Ruma 8:3

Winayawayaan nactida ngarud, ta no ya Linteg, madi na met kabaellan nga abaken ya pannakabalin niya basul, gapu ta kurang ya kabaellan diya toley nga mangtungpal. Itu nga e̍ Apu Diyus met ya nangabac kin iya pannakabalin niya basul. Inabac na ngarud ito nibon na ya Anac na nga nagpaitoley, tasun uwed beggi na nga kalanglanga niya managbasul nga beggi tida, se̍ tasun agpaay maigapu ka basul. Ket iya agten iyan, inabac ne̍ Apu Diyusin ya pannakabalin niya basul, gapu iya beggi niya Anac na.

Galasiya 4:4

Ngem ito nadatngan ya kustu nga timpu win, nibon ne̍ Apu Diyus ya Anac na idi nga lubung. Nibon na nga paiyanac iya isa nga babey. Ket nasakupan met pe̍ itun niya turay niya Linteg diya Hudyu,

1 Timutyu 3:16

Ket napateg ngarud nga unay ya banag niya pammati tida nga nipakaemmu win ne̍ Apu Diyus. Agten idi ya banag na: Igina, nagparang nga naipatoley. Ket gapu iya Ispiritu ne̍ Apu Diyus, napanecnekkan ya kinalinteg na, se̍ nasingen pe̍ diya anghe̍le̍s. Ket naipadpadamag ya maipanggep igina kadiya pagpagiliyan, ket adu da nga namati iginan idi nga lubung. Ket naiyune̍c kin nga madaydayaw enna langit.

He̍briyu 10:10

Ket itan, naibilang tidan nga nadalus iya imatang ne̍ Apu Diyus, gapu ta inariman ne̍ Je̍su Kristu ya tarigagay ne̍ Apu Diyus ito nidatun na ya beggi na nga nam-ame̍nsan, ket kustu win para iya amin nga timpu.

He̍briyu 10:5

Itu nga ito inumbe̍t nge̍ Kristu idi nga lubung, kinunen na e̍ Apu Diyus nga, “Madi ka napnec gapu kadiya nidatdatun diya toley nga naidaga nga animal, winno diya duduma nga pagdatun da. Itu nga nisaganaan nac lugud ka isa nga beggi nga pagdatun ku.

He̍briyu 11:7

Ket to Nue̍ pe̍, gapu ta uwed panamati na, tinungpal na to bilin ne̍ Apu Diyus ito nilawag ne̍ Apu Diyus igina ya maipanggep kadiya banbanag iya maadpangan nga di na pekkem nas-asingen. Tinungpal ngarud nito Nue̍ nga situtudyu, ta inariman na to daung nga nakaisalakanan da nga sangapamilya ito layus. Ket gapu ito panagtungpal na nga situtudyu, naipakaemmu itun nga uwed met pakaukuman diya uwed idi nga lubung. Ket to Nue̍, gapu ta uwed panamati na, nibilang ne̍ Apu Diyus nga nalinteg.

He̍briyu 12:28

Dikad pe̍ agyaman tida kuma ngarud e̍ Apu Diyusin, ta nibilang nactida nga makipagtagikuwa iya nabaked nga pagturayan na nga pulus nga madi mayegyeg winno mapukaw. Itu nga agyaman tida kuma ngarud nga siaayat e̍ Apu Diyusin, se̍ agdaydayaw tida pe̍ igina ka panagdayaw nga makaay-ayu igina, nga situtuluc se̍ sitatanang tida kuma.

He̍briyu 13:20

Ket e̍ Apu Diyus nga mange̍cde̍ ka talna, igina ya pagkararagac maipanggep dakayu. Igina met ya nangpagungar iya Apu tida nga Je̍sus itun. Ket e̍ Apu Je̍sus, igina met ya nagbalin nga Katurayan nga Agay-aywan dactida nga naibilang nga karne̍ru na. Nagbalin ngarud nge̍ Apu Je̍sus nga agten iyan gapu ito naiyayus nga daga na nga nangpatalged iya agnanayun nga tulag ne̍ Apu Diyus dactida.

He̍briyu 2:14

Ket gapu ta uwed kinatoley didi nga naibilang nga anac na, nagbalin met nge̍ Je̍sus nga agten pe̍ igida, ta naglak-am met pe̍ iya kasasaad niya kinatoley da. Agten iyan ya winangel na, tasun gapu iya pannakatey na, pirdiyen na ya pannakabalin niya diyablu, nga itu ya pakaigapuwan niya pannakatey.

1 Juan 4:3

Ngem diya amin nga madi umannamung iya panursuru nga e̍ Je̍sus ya naipatoley nga nibon ne̍ Apu Diyus, ket bekken nga gayat e̍ Apu Diyus ya panpanunut da. Ket itu met yan ya panpanunut nga maikuntra e̍ Kristu. Nadamag nu ngarudin maipanggep iya umbe̍t nad nga mangkuntra e̍ Kristu. Ket orey ita, uwed mettin ya agten iyan nga panpanunut idi nga lubung.

2 Juan 1:7

Ipalagip ku dakayu diyan, ta adu diya mangallilaw nga agpaspasyar kadiya nadumaduma nga il-ili iya lubung. Madi da umannamung iya panursuru nga e̍ Je̍su Kristu ya naipatoley nga nibon ne̍ Apu Diyus. Diya agten iyan nga toley, igida diya mangallilaw kadiya toltoley, se̍ igida pe̍ diya kumuntra e̍ Kristu.