He̍briyu 5:13 - Ya Baru nga Tulag

¹³ Tutu met nga agten kayu iyan, ta ya aggatgatas pekkem, kaiyarigan na met ya ineebbing pekkem ya panamati na, nga madi na pekkem maawatan nga nalaing ya kaipapennan niya panursuru maipanggep iya kinalinteg.

He̍briyu 5:13 Iomraidhean Croise

Matyu 11:25

Ket itun, nagkararag nge̍ Je̍sus nga kinunen na, “Agyaman nac ikew, Ama nga Apu niya langit se̍ ya lubung ngi. Agyaman nac ngarud, gapu ta nilimed mu didi nga banbanag kadiya uwed adal da se̍ kadiya mamasirib, ngem nipakaemmum nga gennungin kadiya kadawyan nas nga toley nga maiyarig ka ebbing nga awan pekkem adal na.

Markus 10:15

Ket pudnu met nga diya orey nagan na nga madi paiturayan e̍ Apu Diyus, nga agten mettas iya panagpaituray niya ebbing, madi da mabalin ya makitipun kadiya iturayan ne̍ Apu Diyus,” kunen na.

Ruma 2:20

Kunem pe̍ nga ikew ya mangisuru kadiya nakurang pekkem ya pannakaawat da se̍ diya arig nga ebbing pekkem ya panpanunut da. Ket kunem nga siguradu ka kadidi, ata uwed ikew ya Linteg ne̍ Muyse̍s, ket itu ya mangipakaemmu iya tutu nga kinasirib se̍ kinapudnu.

1 Kurintu 13:11

Kaspagarigan ito kaebbing ku, tumutup mettas iya kinaebbing ku ya panagkagkagic, agten pe̍ ito panagpanpanunut ku se̍ to pannakaawat ku. Ngem ito manacman nac kun, pinalabes ku ngarud dito gangey niya kinaebbing kun.

1 Kurintu 14:20

Kakabsat, bekken kuma ngin nga arig nga panunut ebbing ya panagpanpanunut nu maipanggep kadidi. Ngem no maipanggep iya dake̍c, mayat met lugud no arig kayu nga ke̍bit, a. Ngem no iya panagpanunut nu, basta nanakem kayu kuma.

1 Kurintu 3:1

Ket no dakayu itun, kakabsat, madic mabalin nga nipada ya panagkagic dakayu iya panagkagic kadiya paiturayan iya Ispiritu ne̍ Apu Diyus. Ta nagpaituray kayu pekkem itun iya kinatoley nu, nga arig nga ebbing kayu pekkem iya panamati nu e̍ Kristu.

2 Kurintu 3:9

Ta no nibilang ne̍ Apu Diyus nga nadayaw to Linteg nga agsirbi iya pannakaipakaemmu niya pannakaukum diya toley, nadaydayaw ngarud pekkem ya ipadamag mi ita, nga itu ya agsirbi iya pannakaipakaemmu niya pannakapalinteg diya toley.

E̍pe̍su 4:14

Ket no agten iyanin, bekken tida nga arig nga diya maipalupalung winno diya maipurad ngas iya kumpurmi nga pennan niya belluut. Ta bekken tida kuma nga arig nga diya ebbing, nga nalaka nga maawis kadiya nadumaduma nga panursuru diya mangallilaw nga mangiyaw-awan ka toley gapu kadiya kinasikap da.

2 Timutyu 3:16

Ket amin nga naisurat iya Bibliya, nipaisurat ne̍ Apu Diyus. Itu nga ya naisurat iya Bibliya, kustu nga pangisuru iya kinapudnu, pangilbec, mangipakaemmu ka irradu, se̍ pakaadalan ka nalinteg nga panagbiyag.

1 Pe̍dru 2:2

Arig kayu kuma nga kaiyanac nga ke̍bit nga napalaus ya ayat na nga sumusu. Agten kuma ngarud iyan ya ayat nu nga mangemmu iya kagi ne̍ Apu Diyus nga maiyarig ka nailangitan nga gatas nga awan kinadake̍c na. Itu ya tarigagayan nu kuma, tasun bumilbileg ya panamati nu patingga nga madatngan nu ya pakatungpalan niya pannakaisalakan nu,

2 Juan 1:11

Ta ya mangkablaaw igina, maitipun mettin kadiya dake̍c nga wangwangel na.