He̍briyu 5:11 - Ya Baru nga Tulag

¹¹ Adu kuma pekkem ya gabay ku nga ilawlawag dakayu maipanggep idi nga banag, ngem narigat nga mailawlawag dakayu, ata narigat kayu met nga makaawat.

He̍briyu 5:11 Iomraidhean Croise

Matyu 13:15

Ta kimapsut mettin ya pannakaawat didi nga toley, se̍ narigat ya pannakagicna dan, se̍ nagkulinget dan. Ta no bekken nga agten iyan, kaynun no malasin da ya masingen da, se̍ natarus igida ya magicna da, se̍ maawatan da ya panunuten da, ket kaynun no sumoli da iyaken tasun agasac da,’ kunen nito Isayas itun.

Markus 8:21

Ket kinunen ne̍ Je̍sus igida, “Ket madi kayu kad pekkem nga maawatan?” kunen na.

Lukas 24:25

Ket e̍ Je̍sus, kinunen na ngarud igida, “Ape̍ lugud nga nakapsut ya pannakaawat nu? Ape̍ nga narigat kayu nga mamati kadito amin nga kinagi dito mammadtu?

Juan 16:12

“Adu pekkem ya gabay ku nga ipakaemmu kuma dakayu, ngem madi kayu pekkem kabaellan ita.

Juan 6:6

Ngem kinunen nas met ne̍ Je̍sus yan tasun emmuwen na no nagan ya makunen ne̍ Pe̍lipe̍. Ta kinapudnu na, sigud nga emmu itunin ne̍ Je̍sus ya wanglen na.

Aramid 28:27

Ta kimapsut mettin ya panpanunut didi nga toley, se̍ narigat ya pannakagicna dan, se̍ nagkuringet dan. Ta no bekken nga agten iyan, kaynun no malasin da ya masingen da, se̍ natarus igida ya magicna da, se̍ maawatan da ya panunuten da, ket kaynun no sumoli da iyaken, tasun agasac da,”’ kunen nito Isayas itun.

He̍briyu 5:10

Ket e̍ Apu Diyus mettas ya nangisaad igina ka Kangatuwan nga Agsirsirbi nga mangibegbeggi, nga agten mettas ito panagsirsirbi nito Me̍lkise̍de̍c.

He̍briyu 5:12

Ta ya kinapudnu na, rumbeng ngarud met nga nagbalin kayu kuma ngin nga agisursuru iya kagi ne̍ Apu Diyus. Ngem bekken pekkem nga agten iyan, no di lugud masapul nu met latta ya mangisuru dakayu manin kadito nona nga panursuru nga gayat iya kagi ne̍ Apu Diyus. Arig kayu ngas met nga ke̍bit nga aggatgatas pekkem, ta ya ke̍bit, gatas ngas ya kabaellan na pekkem, bekken nga ya nasgat nga makan diya manacman.

2 Pe̍dru 3:16

Ta gangey ne̍ Pablu ya mangisuru maipanggep kadiyan kadiya amin nga sursurat na. Uwed da met pe̍ nisurat na kadito sursurat na nga narigat nga maawatan. Ket diya toley nga madi makaaw-awat se̍ agduwaduwa iya panamati da, pasabaliyen da ya kaipapennan diyan nga banbanag, nga agten mettas iya panangpasabali da pe̍ kadiya duduma nga naisurat iya Bibliya. Ket agbanag mettas yan iya kabucbukudan da nad nga pannakapukawin.