He̍briyu 4:6 - Ya Baru nga Tulag

⁶ Ket dito non-ona nga nakadamag iya Makaparagsac nga Damag itun, madi da met nakalak-am iya pagtalnaan da, gapu ta sikukuntra da. Dikad pe̍ uwed ngarud pekkem waya diya duduma nga makipaginana e̍ Apu Diyus iya pagtalnaan nga nisagana na.

He̍briyu 4:6 Iomraidhean Croise

Matyu 21:43

Itu nga ibagac dakayu nga maipac nad met ya kalinteggan nu nga agpaituray e̍ Apu Diyus, ket mae̍cde̍ nad ka sabali nga toltoley nga mangariman nga gennung kadiya tumutup idi nga kalinteggan.

Aramid 28:28

“Itu nga gabay ku pe̍ nga ipakaemmu dakayu nga naipadamag pe̍ yin kadiya bekken nga Hudyu ya panangisalakan ne̍ Apu Diyus. Ket no igida, ipangag da met,” kunen ne̍ Pablu.

1 Kurintu 7:29

Ket kakabsat, agten idi ya kayat ku nga kagiyen: Bekken met nga mabayag ya gundaway tida idi nga timpu win. Itu nga manipud ita, diya uwed asawa na, kamuwen da kuma lugud ya panagbiyag da nga agten mettas iya panagsirsirbi diya awan asawa da.

Galasiya 3:8

Ket sigud nga naisurat iya Bibliya to gandat ne̍ Apu Diyus nga ibilang na nga nalinteg diya bekken nga Hudyu, gapu was iya panamati da. Itu nga uwed to naipakaemmu ito Abraham itun, ket itu pe̍ ya Makaparagsac nga Damag ito Abraham. Ta kinunen ne̍ Apu Diyus igina, “Gapu ikew, matulungan nad diya amin nga toltoley kadiya il-ili iya lubung,” kunen na iya Bibliya.

He̍briyu 4:11

Dikad pe̍ ikagumaan tida ngarud ya makipaglak-am iyan nga pagtalnaan nga nisagana ne̍ Apu Diyus para dactida. Ikagumaan tida ngarud, tasun awan kuma madi makalak-am iya pagtalnaan na, gapu iya panangkuntra na e̍ Apu Diyus, nga agten mettas kadito sikukuntra nga toley itun pekkem nga madi nakalak-am iyan nga pagtalnaan.

He̍briyu 4:2

Ta no dactida, naipakaemmu met pe̍ dactidan ya Makaparagsac nga Damag, nga agten pe̍ kadito am-ama tida itun. Ngem no igida, awan mamaay niya kagi ne̍ Apu Diyus nga nagicna da, ta di da met inawat nga sipapati.

He̍briyu 4:9

Ngarud, uwed pekkem pagtalnaan diya toley ne̍ Apu Diyus, nga arig nga makipaginana tida igina iya panagsardeng na ito nalpas nan ya panamarsuwa na.