He̍briyu 4:3 - Ya Baru nga Tulag

³ Ngem dactida nga mamati, bekken tida nga agten iyan, ta makalak-am tida lugud iyan nga pagtalnaan tidan. Ngem no diya madi mamati, madi da met makalak-am, nga agten mettas ito kinunen ne̍ Apu Diyus nga, “Ket gapu ta napalaus ya unget ku igida, nagsapata ngac ngarud, ket kinunec, ‘Pulus nga madi da ngarud makipaginana iyaken iya pagtalnaan nga nisaganac para igida.’” Ket naisagana ngarud itunin ya pagtalnaan da ito kinunen ne̍ Apu Diyus yan, ta nanipud ito panamarsuwa na iya lubung, nalpasin ya panagwangel na.

He̍briyu 4:3 Iomraidhean Croise

Matyu 13:35

Agten iyan to winangel na tasun matungpal kuma ngin to naipakagi ito mammadtu, ito kinunen na, “Pangpangngarig nad ya istoryaec, ket ibagac nad diya banbanag nga madi pekkem naipakaemmu nanipud ito pannakaparsuwa niya lubung,” kunen nito mammadtu.

Matyu 25:34

“Ket kunen nad niya Ari kadiya uwed iya madiwanan na, ‘Umbe̍t kayun, dakayu nga pinagasatan niya Amac! Makipagtawid kayu ngarudin iya pannakairaman nu iya pagiturayan, nga itu ya tawid nu nga naisagana para dakayu manipud ito pannakaparsuwa niya lubung.

E̍pe̍su 1:4

Ta orey ito sacbay nga naparsuwa ya lubung ngi, pinili nactidan nge̍ Apu Diyus, nga agbalin nga toley na nga nadalusan ka basul se̍ awan pakababalawan tida iya imatang na, gapu mettas iya pannakaitipun tida e̍ Kristu.

He̍briyu 3:11

Ket gapu ta napalaus ya unget ku igida, nagsapata ngac ngarud, ket kinunec, ‘Pulus nga madi da ngarud makipaginana iyaken iya pagtalnaan nga nisaganac para igida,’ kinunec,” kunen na.

He̍briyu 3:14

Ta siguradu nga nagbalin tidan nga kabulun ne̍ Kristu no ituluy tida nga sipupudnu ya sigud nga panagtalec tida igina nga sipapasnec, agingga iya panungpalan.

He̍briyu 9:26

Ta no masapul nga pe̍yeng nga mabaliwan ya pannakaidatun na kuma, masapul ngarud met nga pe̍yeng nga mapatey nge̍ Je̍sus, manipud ito pannakaparsuwa niya lubung. Ngem ya kinapudnu na, nagparang nga nam-ame̍nsan, ket kustu win para iya amin nga timpu yan nga panagparang na. Nagparang ngarud ito nadatngan ya pannakatungpal niyan nga timpu win, tasun ipac na diya basbasul gapu iya panangidatun na iya beggi na.

1 Pe̍dru 1:20

Ket orey ito di pekkem naparsuwa yani nga lubung, e̍ Kristu ya napili yin nga maibon maikanatad iya sigud nga panggep ne̍ Apu Diyus. Ket iya ita nga kaodiyan nga timpu, naipakaemmu nge̍ Kristu win tasun agpaay dakayun.