He̍briyu 4:15 - Ya Baru nga Tulag

¹⁵ Ket idi nga Kangatuwan nga Agsirsirbi nga mangibegbeggi dactida e̍ Apu Diyus, bekken met nga isa nga madi makaisakit iya kinakapsut tida. Maisakit nactida ngarud, ta napadas na met amin nga kita sulisug gapu iya kinatoley na nga agten dactida. Napadas na ngarud amin diyan, ngem madi pulus nagbasul.

He̍briyu 4:15 Iomraidhean Croise

Matyu 12:20

Madi na nad kettuwen ya nabekkog nga tabagan winno ikapus nga ipac ya apuy niya pabilu nga uwed pekkem asuc na, agingga nga di na pekkem matungpal nga sibaballaigi ya nalinteg nga pangngeddeng ku.

Matyu 4:1

Ket itun, naiturung nge̍ Je̍sus gapu iya Ispiritu ne̍ Apu Diyus manipud ito wangag, nga naipen ka away, tasun malak-aman na ya panangsulisug niya diyablu.

Lukas 22:28

“Ket no dakayu, pe̍yeng nga nibulbulun kayu iyaken, nga madi dac binaybay-an, orey kadiya nakaparparigatac.

Lukas 4:2

Ket antuni, nalak-aman na met ya panangsulisug niya diyablu ka unus eppat nga pulu nga algew. Pulus nga madi nangnangan nge̍ Je̍sus ito kauwed na ka away, dikad pe̍ kalpasan niyan, nabisinan ngarudin.

Juan 8:46

Awan dakayu ya makabalin nga mangpabasul iyaken. Ket orey pudnu ya ibagbagac, di dac met patiyen.

Ruma 8:3

Winayawayaan nactida ngarud, ta no ya Linteg, madi na met kabaellan nga abaken ya pannakabalin niya basul, gapu ta kurang ya kabaellan diya toley nga mangtungpal. Itu nga e̍ Apu Diyus met ya nangabac kin iya pannakabalin niya basul. Inabac na ngarud ito nibon na ya Anac na nga nagpaitoley, tasun uwed beggi na nga kalanglanga niya managbasul nga beggi tida, se̍ tasun agpaay maigapu ka basul. Ket iya agten iyan, inabac ne̍ Apu Diyusin ya pannakabalin niya basul, gapu iya beggi niya Anac na.

2 Kurintu 5:21

Ta gapu dactida, pinagbalin ne̍ Apu Diyus nge̍ Kristu nga nadusa gapu ka basul, orey awan met pulus basul na. Agten iyan ya winangel na, tasun gapu iya pannakaitipun tida e̍ Kristu, agbalin tida nga napalinteg, nga agten mettas iya kinalinteg ne̍ Apu Diyus.

He̍briyu 4:14

Dikad pe̍ ipateg tida kuma ngarud nga sipapasnec ya panamati tida. Ta uwed met naturay nga Kangatuwan nga Agsirsirbi, nga mangibegbeggi dactida e̍ Apu Diyusin, nga itu nge̍ Je̍sus nga Anac na. Igina mettas ya nakapen ka langitin nga edyan ne̍ Apu Diyus.

He̍briyu 5:2

Ket ya agten iyan nga kangatuwan nga agsirsirbi, emmu na met ya aganus kadiya toley nga mairradu se̍ diya nalaka nga maiyaw-awan ka dake̍c. Ta ya kangatuwan nga agsirsirbi, ket toley met pe̍ nga uwed pagkurangan na, nga agten mettas kadiya pada na nga toley.

He̍briyu 7:26

Dikad pe̍ igina, maitutup met nga Kangatuwan nga Mangibegbeggi dactida e̍ Apu Diyus, ta awan basul na winno kinadake̍c na, se̍ awan pe̍ mansa igina. Ket idi nga mangibegbeggi, naiduma met kadiya sibabasul nga toltoley, ket naisaad met pe̍ ka nangatngatu ngem kadiya nailangitan.

He̍briyu 9:28

Ket agten pe̍ iyan nge̍ Kristu, ta nam-ame̍nsan ngas nga naidatun, ket kustu para iya amin nga timpu to pannakaidatun na. Naidatun ngarud tasun inagtu na nga nipac diya basbasul diya adu nga toltoley. Ket agparang nad manin nge̍ Kristu ka maikadduwa, ngem bekken nin nga maigapu ka basul ya maikadduwa nga umbe̍tan na, no di lugud tasun mailayunin ya panangisalakan na dactida nga sinanama nga agpadpadaan igina.

1 Pe̍dru 2:22

Ket igina, awan winangel na nga basul, se̍ awan pe̍ nagicna igina nga nasikap nga kagi.

1 Juan 3:5

Ngem emmu nu nga awan basul ne̍ Je̍su Kristu. Ket to numbe̍tan na ito nagparang itun, ket tasun mangipac ka basul.