He̍briyu 4:12 - Ya Baru nga Tulag

¹² Ipangag tida kuma ngarud ya ipakaemmu ne̍ Apu Diyus nga kagi na. Ta ya kagi ne̍ Apu Diyus, uwed met arig nga biyag na, se̍ uwed met pe̍ pannakabalin na. Ad-adu pe̍ ya kabaellan niya kagi ne̍ Apu Diyus ngem iya natadem nga ispada nga agsumbangir ya tadem na, nga maitodoc ka uneg, se̍ makaituwey iya sebbit nga edyan niya um-um se̍ pata niya tulang. Ket maiyarig ngarud met ya kagi ne̍ Apu Diyus iya agten iyan, ta gapu iya kagi ne̍ Apu Diyus, mailasin met ya uwed iya nakem niya toley se̍ ya uwed iya kararuwa na. Ket maipakaemmu pe̍ ya lemlemtan se̍ pangpanggeppen niya toley, gapu iya kagi ne̍ Apu Diyus.

He̍briyu 4:12 Iomraidhean Croise

Lukas 8:11

“Ket agten idi ya banag nito pangngarig: To eggic nga kunec, itu ya kagi ne̍ Apu Diyus.

Juan 12:48

Ngem uwed ngarud met isa nga pangukum kadiya toley nga agmadi iyaken se̍ madi mamati iya kagic. Ya pangukum kadiya madi mamati, ket itu mettas diya kagi nga nibalikas ku. Ta diya kagic nga nipalawag ku, itu met ya pakaukuman da nad iya kaodiyan nga algew.

Juan 6:51

Iyaken mettas ya pagbiyag nga maiyarig ka pakabiyagan nga naggayat ka langit. Ket ya orey nagan na nga toley nga mangan idi nga pagbiyag nga ipaay ku, agbiyag met ka agnanayun. Ket idi nga pagbiyag, itu mettas ya beggic nga iyawat ku nad tasun uwed pakabiyagan diya toltoley idi nga lubung,” kunen ne̍ Je̍sus.

Aramid 2:37

Ket ito nagicna dito toley to kinagi ne̍ Pe̍dru, linumdaang da. Itu nga kinunen da e̍ Pe̍dru se̍ kadito duduma nga apustule̍s, “Wawagi, nagan ngarud ya wanglen min?” kunen da.

Aramid 4:31

Ket kalpasan nito panagkararag da, nayegyeg met to baley nga edyan dan. Ket niturayan niya Ispiritu Santu da nga amin, ket natured da ngarud nga nangibaga iya kagi ne̍ Apu Diyusin.

Aramid 5:33

Ket ito nagicna dito kunse̍hale̍s to kinagi de̍ Pe̍dru, nakaunget da nga unayin, ket gabay da kuma nga patayen dan.

Aramid 7:38

E̍ Muyse̍s, igina met to naibulun ito bungguy da nga nagallaalla enna away. Se̍ igina met pe̍ to kinatbar nito anghe̍l enna Tageytey Sinay, ket igina pe̍ ya kabulun dito am-ama tida. Igina pe̍ to nagbilinan ne̍ Apu Diyus iya Linteg tida nga pakabiyagan, nga itu kuma pe̍ ya ibaga na dactida.

Ruma 1:16

Maganatan nac ngarud nga umbe̍t iyan, ta madic ngarud iyalyew ya mangipakaemmu iya Makaparagsac nga Damag. Ta idi nga damag, itu ya pakasingnan iya pannakabalin ne̍ Apu Diyus nga mangisalakan kadiya amin nga mamati. Naipakaemmu kadiya Hudyu se̍ kadiya bekken nga Hudyu, ngem nangnangruna nga naipakaemmu kadiya Hudyu.

1 Kurintu 1:24

Ngem kadiya toley nga pinili ne̍ Apu Diyus, nga Hudyu man winno bekken nga Hudyu, e̍ Kristu met ya ibilang da nga pakaemmuwan iya pannakabalin se̍ sirib ne̍ Apu Diyus.

2 Kurintu 2:17

No dakami, bekken kami met nga agten kadiya duduma nga mangipacpakaemmu maipanggep e̍ Apu Diyus nga panguwartaan da ngas ya panangasaba da. Ta dakami, gapu iya pannakaitipun mi e̍ Kristu, mangasaba kami sigun iya panangibon ne̍ Apu Diyus dakami. Napudnu ngas met ya panggep mi, ket e̍ Apu Diyus met ya mangsipsiput dakami.

2 Kurintu 4:2

no di lugud inadeyyuwan mi ngasin diya pampamaayen nga sinisikap, se̍ diya nakal-alyew. Ket se̍ adeyyuwan mi pe̍ yin ya mangallilaw ka toley iya panursuru mi, se̍ madi kami met sabaliyan ya banbanag niya kagi ne̍ Apu Diyus. Ngem ya pamaayen mi nga gennung, itarus mi lugud ya pudnu, nga awan ilinglinged mi. Ipasingen mi kadiya amin nga toley ya napudnu nga panggep mi, tasun mamati da kuma. Ket emmu pe̍ ne̍ Apu Diyus nga tutu yani.

E̍pe̍su 5:13

Ngem amin diya mawadaan nga banbanag, ket maiparangarang dan. Ket nawada ngarudin ya tutu nga kaipapennan da.

E̍pe̍su 5:26

tasun madalusan tida nga bungguy na kadiya basbasul tida, gapu iya kagi na. Ta nipac nan diya basbasul tida nga bungguy na, nga arig nga inugasan nactida ka danum.

E̍pe̍su 6:17

Ket ya panangisalakan ne̍ Apu Diyus dakayu, itu ya namnama nu, nga maiyarig ka pag-he̍lme̍t nu. Ket ya kagi ne̍ Apu Diyus, itu ya arig nga pannakaispada nu nga e̍cde̍ niya Ispiritu Santu.

1 Te̍salunika 2:13

Ket agyaman kami nga pe̍yeng e̍ Apu Diyus gapu ta ito nipakaemmu mi dakayu ya kagi ne̍ Apu Diyus, pinati nu. Nibilang nu nga tutu nga kagi nga gayat e̍ Apu Diyus, bekken nas nga kagi toley. Ket tutu met nga kagi ne̍ Apu Diyus yan nga mangiturturung dakayu nga mamati.

1 Te̍salunika 5:23

Sapay kuma ta palinteggen nakayu nge̍ Apu Diyus nga mange̍cde̍ ka talna na, tasun awan nga pulus maipabasul dakayu. Ket aywanan na kuma pe̍ diya nakem nu, diya biyag nu, se̍ diya beggi nu, tasun mailisi kuma didi iya amin nga pagbasulan. Agten iyan kuma agingga mettas iya umbe̍t niya Apu tida nga Je̍su Kristu.

He̍briyu 13:7

Laglagipen nu kuma pe̍ dito non-ona nga nangipangulu nga nangipakaemmu iya kagi ne̍ Apu Diyus dakayu itun. Panunuten nu kuma no kumaan nito ugali da, se̍ to nabaru nga nagbanagan dito ugali da, ket tuladen nu to panamati da.

He̍briyu 6:5

se̍ no naemmuwan da pe̍ yin ya kinapaw-is niya kagi ne̍ Apu Diyus se̍ ya pannakabalin nga masingen nad iya maadpangan nga timpu,

Santiyagu 1:18

Ket gapu mettas iya rimidyu ne̍ Apu Diyus, pinagbalin nactida nga anac na gapu iya kagi na nga naipakaemmu dactida, nga itu ya kinapudnu. Agten iyan ngarud ya nirimidyu ne̍ Apu Diyus, ta gabay na no dactida nga mamati, ket maiyarig tida iya kangrunaan kadiya amin nga pinarsuwa na.

1 Pe̍dru 1:23

Agten iyan kuma ngarud, ata naibilang kayu nga nabalbaliwan nga naiyanac kin. Ket idi nga nangputut dakayun, bekken nga isa nga uwed pannakatey na, no di lugud pulus nga awan panagpatingga na. Ket idi nga nabalbaliwan nga pannakaiyanac nu, gapu mettas iya kagi ne̍ Apu Diyus nga mange̍cde̍ ka biyag se̍ agpaut ka agnanayun.

Paltiing 1:16

Ket iya diwanan nga ima na, uwed met pitu nga bituwen nga ic-icman na. Ket uwed pe̍ rinumwar iya musung na nga isa nga natadem nga ispada nga agsumbangir ya tadem na. Ket ya rupa na, nadarang met, nga arig nga darang niya sinag iya matuun.

Paltiing 19:15

Ket to maawagan ka Kagi ne̍ Apu Diyus, uwed met natadem nga ispada nga rumwar iya musung na, nga itu met ya pangabac na kadiya nasnasyun. Ket iturayan na da nad ngarud ka nabaked nga turay nga agten iya kinabaked niya sacgukud nga landuc. Ta ipasingen na igida ya bileg niya unget ne̍ Apu Diyus nga Mannakabalin ka amin, nga arig nga pe̍se̍ten na da nad ka dackel nga pagpespessan.

Paltiing 19:21

Ket dito duduma nga kabulun da, napatey da met iya ispada nito nakasakey ka kabayu, nga itu to ispada nga rinumwar iya musung na. Ket nagbedde̍t met dito sibsibud nga nangan ito sebbit dito natey yin.

Paltiing 2:16

Itu nga masapul nga agbabawi ka lugudin kadiyan, ta no madi ka babawiyen, dagus sac mettas nga umbe̍t iya edyan mu iya di mabayag, ket igubat ku met kadituni ya ispada nga uwed iya musung ku.

Paltiing 2:23

Ket diya pasurut na, nga maiyarig ka an-anac na, dusaec da nad met pe̍ nga patayen. Ket iya agten iyan, maemmuwan diya amin nga bungbungguy diya mamati nga iyaken met ya mangsukimat iya lemlemmet se̍ tartarigagay diya toley. Ket supapakac ngarud ya tunggal isa dakayu, sigun iya winangel nu.

Paltiing 20:4

Ket uwed da pe̍ nasingec itun nga truntrunu. Ket nagtugtugew kadito truntrunu diya nae̍cdan ka turay nga mangukum. Ket nasingec met pe̍ diya kararuwa dito napatpatey nga naputul diya ulu da, gapu iya panangipakaemmu da iya pudnu maipanggep e̍ Je̍sus se̍ iya kagi ne̍ Apu Diyus. Didi diya madi pe̍ nagdaydayaw itun ito nakan-ansing nga animal se̍ ito bultu na, se̍ madi da pe̍ pinamarkaan diya muging da winno ima da ito marka nito nakan-ansing nga animal. Ket didi nga toley, napagungar da mettin, se̍ da nakipagturay e̍ Kristu ka unus sangaribu nga dagun.