He̍briyu 4:11 - Ya Baru nga Tulag

¹¹ Dikad pe̍ ikagumaan tida ngarud ya makipaglak-am iyan nga pagtalnaan nga nisagana ne̍ Apu Diyus para dactida. Ikagumaan tida ngarud, tasun awan kuma madi makalak-am iya pagtalnaan na, gapu iya panangkuntra na e̍ Apu Diyus, nga agten mettas kadito sikukuntra nga toley itun pekkem nga madi nakalak-am iyan nga pagtalnaan.

He̍briyu 4:11 Iomraidhean Croise

Matyu 11:12

Ket nanipud ito nagparang nito Juan nga Mammautisar agingga ita mettas, sumilse̍let diya naagawa nga toley, tasun ipilit da ya pannakalak-am kuma niya beggi da iya panangituray niya Nailangitan.

Matyu 7:13

“No maipanggep iya pannakaiturung iya biyag nga e̍cde̍ ne̍ Apu Diyus, maiyarig iya ruwangan. Ket ya nailet nga ruwangan kuma ngarud ya umuneggan nu. Ta ya ruwangan nga nawaya, se̍ ya dalan nga nalaka, itu nga gennung ya mawe̍ iya agnanayun nga pakapukawan, ket adu met diya toltoley nga lumnec iyan nga ruwangan.

Lukas 13:24

Ket kinunen ne̍ Je̍sus kadito aggigicna, “No diya toley nga maisalakan, ket maiyarig da iya umuneg ka ruwangan nga nailet. Ket dakayu, ikagumaan nu kuma ngarud ya umuneg iyan nga ruwangan. Ta ya kinapudnu na, adu nad diya mayat nga umuneg, ngem madi da nad met mabalinan.

Lukas 16:16

“Ya naisurat iya Bibliya, nga Linteg nito Muyse̍s se̍ diya kagkagi dito mammadtu itun, ket agpaay agingga ngas ito timpu nito Juan nga Mammautisar. Ngem manipud iyan nga timpu, ya Makaparagsac nga Damag maipanggep iya panangituray ne̍ Apu Diyus ya maikaskasaba ngin. Ket makisinsinne̍let ngarudin diya toltoley tasun mairaman da kuma iya panangituray ne̍ Apu Diyus.

Juan 6:27

Ala! Gicnaen nu yani! Bekken kuma nga ya pagbiyag nga mapirdi ngas ya ikarigatan nu nga sapulen, no di lugud ya pagbiyag nga madi maamin, nga itu ya mange̍cde̍ ka agnanayun nga biyag. Ya Anac nga Naipatoley, igina mettas ya mangiyawat dakayu iyan nga pagbiyag. Ta nipasingen nin ne̍ Apu Diyus nga Ama nga uwed igina ya turay na,” kunen na.

Aramid 26:19

“Dikad pe̍ iyaken, Apu Ari Agripa, tinungpal ku ngarud to nipakaemmu ne̍ Apu Diyus iyaken ito parparmatac.

E̍pe̍su 2:2

Agten kayu ngarud iyan itun nga timpu, ta diya dake̍c nga gangey diya toley nga madi mamati e̍ Apu Diyus idi nga lubung, ket itu met diya winangwangel nu itun. Ta nagtungtungpal kayu itun iya agturay nga uwed pannakabalin na iya abac lawa. Itu met ya pannakabalin nga mangiturturay ita kadiya agsucsukir e̍ Apu Diyus.

E̍pe̍su 5:6

Ket madi kayu ngarud ipalubus nga masikapan kayu kadiya toley nga awan mamaay niya panagkagkagi da maipanggep kadidi nga kinadake̍c. Ta ya kinapudnu na, gapu kadidi nga kinadake̍c, madusa ngarud diya agsukir e̍ Apu Diyus, nga lak-amen da ya unget na.

Pilipus 2:12

Dikad pe̍ idi ya ibagac dakayu nga patpatgec: Ket itun, gangey nu ya pe̍yeng dac nga ipangpangag. Ket gabay ku no bekken kuma ngas nga iya kauwed ku ya agten iyan, no di lugud ad-adda kuma ya panangipangag nu iyaken ita nga kinaawan ku. Itu nga dakayu kuma mettasin ya makaemmu nga sidadayaw se̍ siaannad iya panangannung nu iya banag niya pannakaisalakan nu.

Kulusas 3:6

Pakaungtan ngarud ne̍ Apu Diyus diya agten kadiyan nga dake̍c.

Titu 1:16

Em-emmu da kanu nge̍ Apu Diyus, ngem masingen tida iya wangwanglen da nga baybay-an da met. Makapaaryec ngarud diyan, se̍ managsukir da met pe̍. Itu nga awan mawangel dan nga maibilang nga nabaru.

Titu 3:3

Ta orey dactida itun, madi tida pekkem nga makaawat, ket nasukir tida, se̍ naallilaw tida itun. Arig tida nga natagabu itun, ta nagpaituray tida kadiya nadumaduma nga kita apal diya beggi tida se̍ ragragsac iya biyag idi nga lubung. Yan nas kinadake̍c se̍ panagagum ya uwed iya panagbiyag tida itun. Ginura tida diya duduma, se̍ ginura nactida met pe̍.

He̍briyu 3:12

Itu nga agannad kayu ngarud, kakabsat, tasun awan kuma dakayu ya dake̍c nga nakem winno ya bekken nga sipapati nga panpanunut. Ta no uwed diya agten iyan dakayun, paglikudan nu mettin ya sibibiyag nga Diyus.

He̍briyu 3:18

Ket dito nangagiyan ne̍ Apu Diyus ito nisapata na nga madi da kanu makipaginana igina iya pagtalnaan nga nisagana na, itu met dito nangkuntra igina itun.

He̍briyu 4:6

Ket dito non-ona nga nakadamag iya Makaparagsac nga Damag itun, madi da met nakalak-am iya pagtalnaan da, gapu ta sikukuntra da. Dikad pe̍ uwed ngarud pekkem waya diya duduma nga makipaginana e̍ Apu Diyus iya pagtalnaan nga nisagana na.

He̍briyu 6:11

Ket ya gabay mi, ket agpasnec kuma ya tunggal isa dakayu iya panangpabileg nu iya panamati nu, nga agten mettas iya panagipasnec nu iya panangtulung nu kadiya kapada nu. Agten iyan kuma ya wanglen nu, tasun agingga iya panungpalan, awan pagkurangan niya kinatalged nu gapu iya namnama nu e̍ Apu Diyus.

2 Pe̍dru 2:6

Ket dito ili nga Suduma se̍ Gumura pe̍, pinooran ne̍ Apu Diyus, nga itu ya panangdusa na kadito agdacdake̍c nga toley kadiyan nga il-ili. Ket to panangpukaw na kaditun nga toley, itu ya panangipasingen na no kumaan nad pe̍ ya panangdusa na kadiya duduma nga toley nga madi agdayaw igina.