He̍briyu 4:1 - Ya Baru nga Tulag

¹ Ket para dactida ita met pe̍ yan nga naikari nga pagtalnaan nga nisagana ne̍ Apu Diyus. Itu nga agannad tida kuma ngarud, tasun awan dactida ya maibilang nga madi makalak-am iya pannakipaginana e̍ Apu Diyus iyan nga pagtalnaan tida.

He̍briyu 4:1 Iomraidhean Croise

Matyu 24:48

Ngem no dake̍c yan nga tagabu, kaynun no kunen na iya lemlemmet na nga, ‘Mabayag pekkem ya amuc,’ kunen na,

Aramid 3:19

Dikad pe̍ ita, agbabawi kayu kuma ngarudin, nga sumoli kayu iya Apu tasun mapunas diya basbasul nu.

Ruma 11:20

Ket tutu met nga naituwey dan, ngem ya gapu na, ket gapu ta di da met namati. Ket no dakayu, uwed ya nabaru nga kasasaad nun gapu mettas iya panamati nu. Itu nga madi kayu kuma ngarud agpasindayaw, no di kayu lugud kuma agannad.

Ruma 3:23

Ta amin tida, nagbasul tida met, ket awan dactida ya makabael nga mairaman iya nadayaw nga kasasaad ne̍ Apu Diyus.

1 Kurintu 10:12

Dikad pe̍ agannad kuma ya mangipagarup nga nabileg ya panamati nan, ta kaynun no masulisug pekkem nga agbasul.

2 Kurintu 6:1

Ket gapu ta kabulun nakami nge̍ Apu Diyus idi nga wangel mi, ibilin mi pe̍ nga sipapasnec dakayu nga bekken nu kuma nga iyaleng-aleng ya siaayat nga asi ne̍ Apu Diyus dactida, tasun madi kuma masayang.

Galasiya 5:4

Ket dakayu nga mangipagarup nga mapalinteg kayu iya imatang ne̍ Apu Diyus gapu iya panagtungpal nu iya Linteg, nisina nu mettin ya beggi nu iya pannakaitipun e̍ Kristu, ket pulus nga awan mamaay na dakayun ya siaayat nga panangaasi ne̍ Apu Diyus.

2 Timutyu 2:13

Ket orey no nakapsut ya panamati tida, tungpalen na pekkem ya kagi na, ta madi mabalin nga baybay-an na ya bukud na nga panggep.”

He̍briyu 12:15

Agannad kayu ngarud tasun awan dakayu ya manglikud iya siaayat nga asi ne̍ Apu Diyus. Ket annadan nu pe̍ tasun awan kuma dakayu ya pakaigapuwan niya panagbasul, nga arig nga gamut niya kayu nga mange̍cde̍ ka nape̍t. Ta kaynun no makaalis pe̍ iya kaaduwan ya kinadake̍c niyan nga toley, nga mangriribuc igida.

He̍briyu 12:25

Ket itu nga annadan nu ngarudin, nga madi kayu agmadi iya panangbagbaga niya mangbagbaga dakayu itan, nga itu nge̍ Apu Diyus. Ta madi kayu kuma tuladen dito toley itun, nga madi da nalisiyan ya dusa da itun, ito nagmadi da iya nibilin niya nangbagbaga igida ito uwed da pekkem idi nga lubung. Ket no madi nakalisi ditun ito dusa da, di ngarud nangnangruna tida ita nga madusa, no agmadi tida iya ibilin niya mangbagbaga dactida ita manipud ka langit?

He̍briyu 13:7

Laglagipen nu kuma pe̍ dito non-ona nga nangipangulu nga nangipakaemmu iya kagi ne̍ Apu Diyus dakayu itun. Panunuten nu kuma no kumaan nito ugali da, se̍ to nabaru nga nagbanagan dito ugali da, ket tuladen nu to panamati da.

He̍briyu 3:11

Ket gapu ta napalaus ya unget ku igida, nagsapata ngac ngarud, ket kinunec, ‘Pulus nga madi da ngarud makipaginana iyaken iya pagtalnaan nga nisaganac para igida,’ kinunec,” kunen na.

He̍briyu 4:11

Dikad pe̍ ikagumaan tida ngarud ya makipaglak-am iyan nga pagtalnaan nga nisagana ne̍ Apu Diyus para dactida. Ikagumaan tida ngarud, tasun awan kuma madi makalak-am iya pagtalnaan na, gapu iya panangkuntra na e̍ Apu Diyus, nga agten mettas kadito sikukuntra nga toley itun pekkem nga madi nakalak-am iyan nga pagtalnaan.

He̍briyu 4:9

Ngarud, uwed pekkem pagtalnaan diya toley ne̍ Apu Diyus, nga arig nga makipaginana tida igina iya panagsardeng na ito nalpas nan ya panamarsuwa na.