He̍briyu 3:7 - Ya Baru nga Tulag

⁷ Dikad pe̍ ipangag tida kuma ngarud ya kunen niya Ispiritu Santu, nga kunen na, “Ita nga timpu, no magicna nun ya kagi ne̍ Apu Diyus,

He̍briyu 3:7 Iomraidhean Croise

Matyu 17:5

Ket ito madama pekkem nga agkagkagi nge̍ Pe̍dru, uwed met gayam nadarang nga ulep nga nangbugus igida. Ket uwed met pe̍ nagicna da nga timec nga gayat ito ulep, nga kinunen na, “Itu yani ya Anac ku nga dungdungnguwec. Igina ya pakaay-ayuwac. Ipangag nu ngarud ya kagi na!” kunen na.

Matyu 22:43

Ket e̍ Je̍sus, kinunen na igida, “Ket no agten iyan, ape̍ ngarud nga ito niturung niya Ispiritu ne̍ Apu Diyus to Dabid, inawagan met nito Dabid ya Kristu ka ‘Apu’, ito kinunen na,

Markus 12:36

Nagan ya kunen nu maipanggep ito kinunen nito Dabid, ito niturung niya Ispiritu Santu, ta kinunen na nga, ‘Kinunen niya Apu iya Apuc, “Agtugew ka idi nga madiwanan ku agingga nga mapasukuc diya gumurgura ikew, nga arig nga ipatey ku ya sakam igida,”’ kunen nito Dabid itun.

Juan 10:16

Ket uwed pe̍ duduma nga ibilang ku nga karne̍ruc nga madi pekkem naitipun idi nga bungguy. Ket masapul nga sakupec da met pe̍. Ipangag da nad ngarud ya timec ku no pekkawac da. Ket iya agten iyan, is-isa nad nga bungguy ya mangsakup igida, ket is-isa ya agay-aywan igidan.

Juan 10:27

Ta diya karne̍ruc, ikasu da met ya timec ku. Emmuc da, ket suruten dac met.

Juan 10:3

Ket ya agbanbantay iya ruwangan niya kudal, lukatan na para iyan nga pudnu nga agay-aywan kadiya karne̍ru. Ket diya karne̍ru na, mailasin da ya timec na no awagan na diya nagnagan da, no paruwaren na da.

Juan 5:25

“Tutu met nga uwed nad timpu nga diya toley nga naibilang nga natey iya imatang ne̍ Apu Diyus, ket magicna da ya bilin niya Anac ne̍ Apu Diyus igida. Ket diya mangipangag iya Anac, mae̍cdan da ngarud ka agnanayun nga biyag. Ket kinapudnu na, nadatngan ngarudin yan nga timpu.

Aramid 1:16

“Wawagi, napatutuwanin to nipaisurat niya Ispiritu Santu ito Ari Dabid itun, maipanggep ito Hudas nga bagnus dito nangtekkem e̍ Je̍sus.

Aramid 28:25

Ket iya agten iyan, madi nagtutunus dito Hudyu nga aggigicna. Itu nga pumanaw da kuma, ngem uwed pekkem to nodi nga pamagbaga ne̍ Pablu igida, nga kinunen na, “Pudnu met to nipaisurat niya Ispiritu Santu ito mammadtu nga Isayas itun, nga kinunen na kadito am-ama tida,

Aramid 8:29

Ket kinunen niya Ispiritu Santu e̍ Pe̍lipe̍, “Adenniyam ya kale̍sa na, ta mibulun ka igina,” kunen na.

He̍briyu 10:15

Itu met pe̍ ya ipanecnec niya Ispiritu Santu dactida, ta uwed nipaisurat na iya Bibliya nga kunen na,

He̍briyu 3:13

Ngem ya wangwanglen nu kuma nga gennung iya agdama nga timpu, nga kinunen na nga “ita nga timpu”, ket agten idi: Agpipinnabileg kayu kuma lugud nga inalgew, tasun awan kuma dakayu ya agbalin nga nasukir gapu ka basul nga pakaiyaw-awanan na.

He̍briyu 3:15

Ket laglagipen nu kuma pe̍ ya kaipapennan nito kinagi na nga, “Ita nga timpu, no magicna nun ya kagi ne̍ Apu Diyus, madi kayu agsukir igina nga agten ito panaglucsew dito am-ama nu igina itun.”

He̍briyu 4:7

Emmu tida nga tutu met nga uwed pekkem pagtalnaan tida, ta kinunen ne̍ Apu Diyus manin itun, “Ita nga timpu,” kunen na met. Ket itu to nipaikagi na ito Ari Dabid maipanggep ito panagsukir dito nona nga nakadamag itun. Ta to Dabid met to nagkagi ito kaisursurat ku, nga kunen na, “Ita nga timpu, no magicna nun ya kagi ne̍ Apu Diyus, madi kayu agsukir igina.”

He̍briyu 9:8

Ket nalawag ngarudin ya isuru niya Ispiritu Santu dactida maipanggep kadiyan nga banbanag, nga agten idi: Bayat niya kauwed pekkem nito makin-ruwar nga parte̍ nito pagdaydayawan idi nga lubung, madi pekkem naipakaemmu kadiya toltoley no kumaan niya makauneg da kuma iya pudnu nga Kasantuwan nga Edyan.

2 Pe̍dru 1:21

Ta awan pulus kadiyan nga padtu ya nagtaud ngas iya nakem toley, no di lugud nagtaud e̍ Apu Diyus gapu iya panangidalan niya Ispiritu Santu kadiya toley nga nangagi.

Paltiing 3:20

Denggem yani: Uwed dac kun iya ruwar niya gagayangan nga tumogtogtogin. Ket no uwed makagicna iya timec ku, se̍ no ilukatan nac, ket umuneg gac ngarud iya baley na, se̍ agsangu kami nga manganin.