He̍briyu 3:6 - Ya Baru nga Tulag

⁶ Ngem e̍ Kristu nga gennung, bekken nas met nga eb-ebbonen, no di lugud Anac ne̍ Apu Diyus, ket managtungpal iya panangituray na kadiya toley nga arig nga pamilya ne̍ Apu Diyus. Ket dactida, pamilya nactida met pe̍ no sipupudnu tida nga mangsalimetmet iya panagtalged se̍ panagnamnama tida igina nga pakaragsakan tida, agingga iya panungpalan.

He̍briyu 3:6 Iomraidhean Croise

Matyu 10:22

Ket no dakayu, kagura dakayu nad diya amin nga toltoley gapu mettas iya pannakitipun nu iyaken. Ngem maisalakan met diya mangitured kadiya agten kadiyan agingga nga di da pekkem malabes.

Matyu 16:18

“Ket idi pe̍ ya ibagac ikew: Pe̍dru ya nagan mu, nga kayat na nga kagiyen, batu. Ket ya pinas nga idi, itu yan ya pangibangunac nad iya bungguy ku nga igle̍siyac. Ket awan nad met makaabac idi, orey ya pannakabalin niya patey.

Matyu 24:13

Ngem maisalakan nad met ya makaitured kadiyan agingga iya panagpatingga da.

Ruma 11:22

Ket iya agten iyan, maemmuwan tida met ya panangaasi ne̍ Apu Diyus se̍ ya panagunget na pe̍. Ta nipalak-am na ya unget na kadiya Hudyu nga madi mamati nga arig nga naiduclapin. Ngem no dakayu nga bekken nga Hudyu, kinaasiyan nakayu nga gennungin. Kaasiyan nakayu ngarud, no ituluy nu ya panangipateg nu iya panangaasi na. Ngem no madi kayun, ket ituwey nakayu met pe̍ iya kasasaad nu, nga maiyarig iya sanga nito kayu nga ulibu.

Ruma 12:12

Anggem kuma ngas ya uwed iya lemlemmet nu gapu iya namnama nu e̍ Apu Diyus. Anusan nu ngas diya rigrigat nu, ket pe̍yeng kayu nga agkarkararag.

Ruma 15:13

Sapay kuma ta e̍ Apu Diyus nga paggayatan niya namnama tida, paragsaken nakayu kuma ka napalaus nga anggem se̍ talna, gapu iya panamati nu igina. Agten iyan kuma ngarud tasun dumacdackel ya namnama nu igina, gapu iya pannakabalin niya Ispiritu Santu nga uwed dakayu.

Ruma 5:2

Ket gapu pe̍ e̍ Je̍su Kristu, uwed mettin gundaway tida nga aglak-am iya siaayat nga asi ne̍ Apu Diyus, nga malak-aman tida ngarudin gapu ka panamati. Ket ipatpateg tida mettin yani nga kasasaad tida. Ket agragsac tida ngarudin gapu idi nga namnamaen tida, nga itu ya pakairamanan tida nad mettas e̍ Apu Diyus iya kinadayaw na.

1 Kurintu 3:16

Arig nga madi kayu pekkem maawatan nga dakayu mettin ya te̍mplu nga paged-edyanan ne̍ Apu Diyus, ket agedyan met dakayun ya Ispiritu na.

1 Kurintu 6:19

Madi nu kad nga emmu nga ya beggi nu, ket itu ya te̍mplu mettas nga paged-edyanan niya Ispiritu Santu nga nibon ne̍ Apu Diyus dakayu? Itu nga bekken nu nga kuwa ya beggi nun, no di lugud kuwa ne̍ Apu Diyusin.

2 Kurintu 6:16

Maiyarig pe̍ yani iya te̍mplu nga pagedyanan ne̍ Apu Diyus se̍ diya bulbultu. Ta diya bulbultu, bekken da met nga tumutup iya te̍mplu ne̍ Apu Diyus. Ket ya kinapudnu na, dactida met ya te̍mplu nga paged-edyanan niya sibibiyag nga Diyus! Itu met to nibaga ne̍ Apu Diyus itun nga kinunen na, “Igida nad ya pagedyanac, ket makibulubulun nac nad igidan. Ta iyaken nad ya daydayawen da nga Diyus da, ket igida ya ibilang ku nga toley ku,” kunen na.

Galasiya 6:10

Dikad pe̍ gapu ta uwed gundaway tida nga agwangel ka nabaru ita, ipaay tida kuma ngarud kadiya amin nga toley, nangruna kadiya kakabsat tida ka pammati.

Galasiya 6:9

Itu nga madi tida kuma nga makumsa iya panagwangel ka nabaru. Ta no madi tida kumapuy kadidi, uwed ngarud arig nga maapit tida nga nabaru, no madatngan nad ya kustu nga timpu na.

E̍pe̍su 3:12

Ket itan, gapu iya pannakaitipun tida e̍ Kristu, agtalged tida nga umadenni nga siwayawaya e̍ Apu Diyusin gapu iya panamati tida e̍ Kristu.

Kulusas 1:23

Ngem basta masapul nga sipapati kayu nga kanayun iya Anac. Ta nabaked se̍ napaut kuma ya panamati nu, tasun madi kayu lugud maiyaw-awan nga maisina iya namnama nga e̍cde̍ niya Makaparagsac nga Damag nga naikasaba dakayu itun. Ta itu mettas yan ya Makaparagsac nga Damag nga naipakaemmu ka amin nga toley iya lubungin. Ket iyaken nga Pablu, nagbalin nac met nga isa nga natalec nga mangikaskasaba iyan nga damag.

1 Te̍salunika 5:16

Aganggem kayu nga pe̍yeng.

2 Te̍salunika 2:16

Ket uwed kuma adngen mi iya Apu tida nga Je̍su Kristu se̍ e̍ Apu Diyus nga Ama tida nga mangayat dactida. Ta gapu iya siaayat nga asi na, liwliwaan nactida ka liwliwa nga madi agpatingga, se̍ namnama nga nabaru.

1 Timutyu 3:15

ta kaynun no uwed pakatactakac pekkem, ket gabay ku no maemmuwam kuma no kumaan niya ugali diya toley ne̍ Apu Diyus. Ta dactida, arig tida nga pamilya ne̍ Apu Diyus, nga bungguy niya sibibiyag nga Diyus. Ket ya bungguy na, itu ya pungut niya pannakaisuru niya panamati e̍ Kristu Je̍sus, ket maiyarig iya adigi se̍ gessar niya pudnu maipanggep igina.

He̍briyu 1:2

Ngem ita nga kaodiyan nga timpu win, nipakaemmu nan ya kagi na dactida gapu iya Anac na. Igina met pe̍ ya pinagparsuwa ne̍ Apu Diyus iya amin nga uwed iya lubung, se̍ igina pe̍ ya pinili ne̍ Apu Diyus nga agtawid kadiya amin.

He̍briyu 10:19

Ket ita, kakabsat, nawaya tidan nga umadenni nga sitatalged iya edyan ne̍ Apu Diyus iya Kasantuwan nga Edyan, gapu ito naiyayus nga daga ne̍ Je̍sus.

He̍briyu 10:21

Se̍ bekken nas nga iyan, ta e̍ Je̍su Kristu win ya naturay nga mangibegbeggi nga agpaay dactida nga toley ne̍ Apu Diyus, nga naibilang nga pamilya na.

He̍briyu 10:23

Ipateg tida kuma ngarud pe̍ nga sipapasnec ya pammati tida maipanggep iya pagnamnamaan tidan. Ta emmu tida nga e̍ Apu Diyus, tungpalen na ngarud diya kari na.

He̍briyu 10:35

Dikad pe̍ madi kayu kuma pukawen yan nga kinatalged nu, ta nabaru nga unay ya pagbanagan na nga gun-guna.

He̍briyu 11:1

Ket no maipanggep iya panamati, itu ya panangnamnama tida nga sitatalged, se̍ ya pannakaemmu tida nga uwed nga tutu diya di pekkem masingen nga banbanag.

He̍briyu 3:14

Ta siguradu nga nagbalin tidan nga kabulun ne̍ Kristu no ituluy tida nga sipupudnu ya sigud nga panagtalec tida igina nga sipapasnec, agingga iya panungpalan.

He̍briyu 4:11

Dikad pe̍ ikagumaan tida ngarud ya makipaglak-am iyan nga pagtalnaan nga nisagana ne̍ Apu Diyus para dactida. Ikagumaan tida ngarud, tasun awan kuma madi makalak-am iya pagtalnaan na, gapu iya panangkuntra na e̍ Apu Diyus, nga agten mettas kadito sikukuntra nga toley itun pekkem nga madi nakalak-am iyan nga pagtalnaan.

He̍briyu 4:14

Dikad pe̍ ipateg tida kuma ngarud nga sipapasnec ya panamati tida. Ta uwed met naturay nga Kangatuwan nga Agsirsirbi, nga mangibegbeggi dactida e̍ Apu Diyusin, nga itu nge̍ Je̍sus nga Anac na. Igina mettas ya nakapen ka langitin nga edyan ne̍ Apu Diyus.

He̍briyu 4:16

Dikad pe̍ agtalged tida kuma nga umadenni ngarudin iya edyan ne̍ Apu Diyus nga pagtaudan niya siaayat nga panangaasi nga ipaay na dactida. Umadenni tida kuma ngarud, tasun kaasiyan nactida, se̍ tasun tulungan nactida kuma pe̍ gapu iya siaayat nga asi na dactida no uwed kasapulan tida.

He̍briyu 6:11

Ket ya gabay mi, ket agpasnec kuma ya tunggal isa dakayu iya panangpabileg nu iya panamati nu, nga agten mettas iya panagipasnec nu iya panangtulung nu kadiya kapada nu. Agten iyan kuma ya wanglen nu, tasun agingga iya panungpalan, awan pagkurangan niya kinatalged nu gapu iya namnama nu e̍ Apu Diyus.

He̍briyu 6:18

Dikad pe̍ uwed diyan nga duwa nga inariman ne̍ Apu Diyusin nga kari na se̍ sapata na, nga awan pulus pannakabaliw dan, ket emmu tida nga pulus nga madi mabalin nga agbusid nge̍ Apu Diyus maipanggep kadiyan. Itu nga dactida nga agtalec iginan, mangnamnama tida ngarudin ito naikari dactida.

He̍briyu 7:19

Ta awan met naibilang nga awan pagkurangan na iya imatang ne̍ Apu Diyus gapu ito Linteg. Ket ita, uwed met namaymayat nga pagnamnamaan nga naipakaemmu dactidan, ket itu ya pakaiyadenniyan tidan e̍ Apu Diyus.

1 Pe̍dru 1:8

Ket ipatpateg nu ngarud nge̍ Je̍su Kristu win, orey madi kayu nasingen itun. Se̍ orey ita nga di kayu masingen, mamati kayu met latta iginan. Ket gapu igina, agragsac kayun ka panagragsac nga madi maikagi ya kinakaskasdaaw na.

1 Pe̍dru 2:5

Ket dakayu, arig kayu pe̍ nga batbatu nga sibibiyag. Ket maurnus kayu ka isa nga bungguy, nga itu ya te̍mplu nga maipaay iya Ispiritu ne̍ Apu Diyus. Ket agten iyan ngarud, tasun agbalin kayu nga isa nga bungguy nga agsirsirbi ngas e̍ Apu Diyus. Ket diya di masingen nga banbanag nga ipaay nu igina, itu ya maibilang nga pagdatun nu nga magustuwan ne̍ Apu Diyus gapu e̍ Je̍su Kristu.

1 Pe̍dru 4:17

Ta timpu mettin niya panangukum ita, ket maariman nga mon-ona kadiya toltoley iya pamilya ne̍ Apu Diyus. Ket no dactida met ya mon-ona, di lugud nakarkaru nad pekkem ya pagbanagan diya madi mamati iya Makaparagsac nga Damag ne̍ Apu Diyus?

Paltiing 2:18

“Ket idi ya isurat mu iya anghe̍l nga agay-aywan iya bungguy mamati ka Tiyatira: “Itu yan ya kunen niya Anac ne̍ Apu Diyus, nga igina ya arig nga apuy nga gumilgilab diya mata na, ket diya saka na, arig nga napasileng nga burinsi:

Paltiing 2:25

Yan nas ituluy nu nga sipapasnec dito nabaru nga wangwanglen nu, agingga nga umbe̍t tac iyan.

Paltiing 2:26

“Ket diya amin nga maibilang nga mangabac, nga mangituluy iya panangtungpal da iya tarigagay ku agingga iya panagpatingga niya biyag da, igida nad diya pange̍cde̍yac ka turay tasun iturayan da diya pagpagiliyan.

Paltiing 3:11

Ket iyaken, dagus sac mettin nga umbe̍t iya di mabayag. Itu nga alwadam ngarud nga nalaing diya nabaru nga uwed ikew, tasun awan makaagaw iya balangat mu nga pakaidayawam.