He̍briyu 3:3 - Ya Baru nga Tulag

³ Ngem e̍ Je̍sus, naibilang nga dacdackel nga unay ya kinadayaw na ngem ito Muyse̍s. Ta kaspagarigan ya baley nga nabangun: Nadaydayaw ngarud ya nangbangun ngem iya baley nga binangun na.

He̍briyu 3:3 Iomraidhean Croise

Matyu 16:18

“Ket idi pe̍ ya ibagac ikew: Pe̍dru ya nagan mu, nga kayat na nga kagiyen, batu. Ket ya pinas nga idi, itu yan ya pangibangunac nad iya bungguy ku nga igle̍siyac. Ket awan nad met makaabac idi, orey ya pannakabalin niya patey.

1 Kurintu 3:9

Ta agpada kami met nga pagwangwanglen ne̍ Apu Diyus para dakayu. Ket dakayu, maiyarig kayu met iya mumulaan na. Ket maiyarig kayu pe̍ ka baley nga bangunen ne̍ Apu Diyus.

2 Kurintu 3:7

Ket to Linteg nito Muyse̍s, naisurat kadito batu itun. Ket ito naiyawat ito Muyse̍s, naipasingen met ya dayag ne̍ Apu Diyus. Ket to rupa ne̍ Muyse̍s, nadarangan itun gapu iya dayag ne̍ Apu Diyus. Madi met mamutlengngan dito Israe̍lita nge̍ Muyse̍s itunin, orey kumapkapsut itun to darang iya rupa nan. Ket tun nga Linteg nito Muyse̍s, ukum ngas met nga pannakatey ya ne̍cde̍ na kadito toley nga nangpadas nga nangtungpal. Ket no naipasingen ya dayag ne̍ Apu Diyus ito panangiyawat na ito Linteg ito Muyse̍s nga mange̍cde̍ ngas ka pannakatey,

Kulusas 1:18

Ket igina met ya arig nga ulu niya beggi, nga kayat na nga kagiyen, igina ya pangulu niya bungguy mamati. Igina met pe̍ ya pagtaudan niya amin, se̍ igina ya katurayan se̍ kaonaan nga napagungar kadiya natnatey. Agten iyan ngarud tasun igina kuma ya kangrunaan ka amin.

He̍briyu 2:9

Ngem emmu tida nga e̍ Je̍sus, nagbalin ngarud itun nga nanumnumu ngem kadiya anghe̍le̍s, ngem madi nagbayag yan nga timpu. Ket gapu iya siaayat nga asi ne̍ Apu Diyus dactida, nalak-aman ne̍ Je̍sus ya pannakatey nga maipaay iya tunggal isa nga toley. Ket ya emmu tida ngarud itan, ket arig nga nabalangatan met nge̍ Je̍sus nga sibaballaigi yin. Ta napadayawan nga tutu win nga nae̍cdan ka maraem nga saad nan, gapu ito linak-am na nga pannakatey.

He̍briyu 3:4

Ket tutu met nga no maipanggep kadiya nabangun nga baley, uwed ngarud nangbangun iya tunggal isa. Ngem e̍ Apu Diyus met ya nangbangun ka amin nga banbanag.

He̍briyu 3:6

Ngem e̍ Kristu nga gennung, bekken nas met nga eb-ebbonen, no di lugud Anac ne̍ Apu Diyus, ket managtungpal iya panangituray na kadiya toley nga arig nga pamilya ne̍ Apu Diyus. Ket dactida, pamilya nactida met pe̍ no sipupudnu tida nga mangsalimetmet iya panagtalged se̍ panagnamnama tida igina nga pakaragsakan tida, agingga iya panungpalan.