He̍briyu 3:19 - Ya Baru nga Tulag

¹⁹ Dikad pe̍ maawatan tida ngarudin nga gapu ta madi da gabay ya mamati igina itun, ket madi da met nalak-aman ya pagtalnaan da.

He̍briyu 3:19 Iomraidhean Croise

Markus 16:16

Ket ya mamati se̍ mabautisaran, maisalakan met. Ngem ya madi mamati, ket maukum met.

Juan 3:18

Ngarud, madi maukum diya mamati iya Anac. Ngem diya madi mamati igina, naukum da mettin, gapu ta madi da ngarud mamati iya turay niya kackaisu nga Anac ne̍ Apu Diyus.

Juan 3:36

Dikad pe̍ diya mamati iya Anac, uwed igidan ya biyag nga agnanayun. Ngem diya madi agtungpal iya Anac, madi da aglak-am iyan nga biyag, no di lugud uwed igida ya panangukum ne̍ Apu Diyus.

Ruma 11:23

Ket orey diya Hudyu nga naituwey itan, maisoli da manin iya sigud nga kasasaad da, no mamati da. Ta mabalin ngarud ne̍ Apu Diyus nga pasoliyen da iya sigud nga kasasaad da, nga arig nga isilpu na da manin ito sigud nga kayu ulibu.

2 Te̍salunika 2:12

Iya agten iyan, dusa ngas met ya pagbanagan diya amin nga di mamati iya kinapudnu, ta basul met ya patpatgen da.

He̍briyu 3:12

Itu nga agannad kayu ngarud, kakabsat, tasun awan kuma dakayu ya dake̍c nga nakem winno ya bekken nga sipapati nga panpanunut. Ta no uwed diya agten iyan dakayun, paglikudan nu mettin ya sibibiyag nga Diyus.

1 Juan 5:10

Dikad pe̍ ya toley nga mamati iya Anac ne̍ Apu Diyus, uwed mettas iya lemlemmet na ya pammanecnec maipanggep kadidi nin. Ngem ya madi mamati iya nipanecnec ne̍ Apu Diyus, arig nga kunen na nga agbusid nge̍ Apu Diyus, ta madi na patiyen ya nipanecnec ne̍ Apu Diyus maipanggep iya Anac na.

Hudas 1:5

Ket itan, uwed ipalagip ku dakayu, orey naisuru nga nalaing yani dakayu itun. Malagip nu ngarud to panangisalakan niya Apu kadito Israe̍lita ito pinaalis na da manipud ka E̍hiptu itun. Ngem laglagipen nu kuma pe̍ to napasamac kalpasan niyan, ta dito madi mamati itun, pinukaw na da met.