He̍briyu 3:18 - Ya Baru nga Tulag

¹⁸ Ket dito nangagiyan ne̍ Apu Diyus ito nisapata na nga madi da kanu makipaginana igina iya pagtalnaan nga nisagana na, itu met dito nangkuntra igina itun.

He̍briyu 3:18 Iomraidhean Croise

Juan 3:36

Dikad pe̍ diya mamati iya Anac, uwed igidan ya biyag nga agnanayun. Ngem diya madi agtungpal iya Anac, madi da aglak-am iyan nga biyag, no di lugud uwed igida ya panangukum ne̍ Apu Diyus.

Ruma 11:30

Ta agten pe̍ dakayu nga bekken nga Hudyu, ket nagsukir kayu met itun e̍ Apu Diyus. Ngem ita, kinaasiyan nakayu nge̍ Apu Diyusin, gapu ta diya Hudyu win ya nagsukir iginan.

He̍briyu 3:11

Ket gapu ta napalaus ya unget ku igida, nagsapata ngac ngarud, ket kinunec, ‘Pulus nga madi da ngarud makipaginana iyaken iya pagtalnaan nga nisaganac para igida,’ kinunec,” kunen na.

He̍briyu 4:11

Dikad pe̍ ikagumaan tida ngarud ya makipaglak-am iyan nga pagtalnaan nga nisagana ne̍ Apu Diyus para dactida. Ikagumaan tida ngarud, tasun awan kuma madi makalak-am iya pagtalnaan na, gapu iya panangkuntra na e̍ Apu Diyus, nga agten mettas kadito sikukuntra nga toley itun pekkem nga madi nakalak-am iyan nga pagtalnaan.

He̍briyu 4:2

Ta no dactida, naipakaemmu met pe̍ dactidan ya Makaparagsac nga Damag, nga agten pe̍ kadito am-ama tida itun. Ngem no igida, awan mamaay niya kagi ne̍ Apu Diyus nga nagicna da, ta di da met inawat nga sipapati.

He̍briyu 4:6

Ket dito non-ona nga nakadamag iya Makaparagsac nga Damag itun, madi da met nakalak-am iya pagtalnaan da, gapu ta sikukuntra da. Dikad pe̍ uwed ngarud pekkem waya diya duduma nga makipaginana e̍ Apu Diyus iya pagtalnaan nga nisagana na.