He̍briyu 3:12 - Ya Baru nga Tulag

¹² Itu nga agannad kayu ngarud, kakabsat, tasun awan kuma dakayu ya dake̍c nga nakem winno ya bekken nga sipapati nga panpanunut. Ta no uwed diya agten iyan dakayun, paglikudan nu mettin ya sibibiyag nga Diyus.

He̍briyu 3:12 Iomraidhean Croise

Matyu 16:16

Ket e̍ Pe̍dru to simungbat, nga kinunen na, “Ikew met ya Kristu, nga Anac mettas niya sibibiyag nga Diyus,” kunen na.

Matyu 24:4

Ket kinunen ne̍ Je̍sus igida, “Agannad kayu ngarud tasun awan kuma mangiyaw-awan dakayu maipanggep iyan nga timpu.

Markus 13:23

Dikad pe̍ annadan nu diya agten kadiyan. Ngarud, nipakaemmuc amin didi dakayun sacbay nga mapasamac da.”

Markus 13:33

Agannad kayu ngarud, ket sisasagana kayu kuma nga pe̍yeng, ta di kayu emmu no nungey nga agparang yan nga timpu.

Markus 13:9

“Ngem agannad kayu lugud, ta maiyawat kayu nad kadiya kunse̍hus da. Ket mabaut kayu nad pe̍ iya uneg mettas diya gigimungan, se̍ maisangu kayu nad met kadiya agtuturay se̍ ar-ari gapu mettas iyaken. Ket itu nad ya gundaway nun nga mangipakaemmu maipanggep iyaken.

Lukas 21:8

Ket kinunen ne̍ Je̍sus, “Agannad kayu ngarud, tasun madi kayu kuma paiyaw-awan maipanggep iyan nga timpu. Ta adu nad diya agparang nga agkunen nga igida kanu ya iyaken, nga kunen da nad nga, ‘Iyaken nge̍ Kristu!’ winno kunen da nga, ‘Dandani yin yan nga timpu!’ kunen da nad met. Ngem madi nu lugud suruten da.

Ruma 11:21

Ta e̍ Apu Diyus, madi na met kinekke̍ngan dito Hudyu ito di da mamati igina, orey no igida to maiyarig kadiya sigud nga sanga niya kayu nga ulibu. Dikad pe̍ no dakayu, nalaclaka ngarud ya panangituwey na dakayu, ta bekken kayu nga sigud nga kuwa na.

1 Kurintu 10:12

Dikad pe̍ agannad kuma ya mangipagarup nga nabileg ya panamati nan, ta kaynun no masulisug pekkem nga agbasul.

Kulusas 2:8

Agannad kayu ngarud, ta kaynun no macna kayu iya panagpilusupu diya mangallilaw kuma dakayu kadiya busid nga sursuru nga awan sirsirbi na. Bekken nga gayat e̍ Kristu ya sursuru da, no di lugud patauden da ngas kadiya ug-ugali toley, sigun mettas kadiya sursuru nga tumaud das idi nga lubung.

1 Te̍salunika 1:9

Ta igida mettas ya mangisalaysay maipanggep ito panangsangaili nu dakami ito simacwar kami dakayu itun. Ket ipadpadamag da pe̍ ya pananglikud nu kadiya didiyusen tasun agpaay kayu e̍ Apu Diyus, nga igina met ya pudnu se̍ sibibiyag nga Diyus.

He̍briyu 10:31

Ay-ay! Nakan-ansing ngarud ya pannakaisangu iya pangukuman niya sibibiyag nga Diyus!

He̍briyu 10:38

Ket diya toley ku nga naibilang nga nalinteg, agbiyag da nad nga situtured, gapu iya panamati da. Ngem ya mangadeyyu nga siaalyew iyaken, madic met magustuwan,” kunen na.

He̍briyu 12:15

Agannad kayu ngarud tasun awan dakayu ya manglikud iya siaayat nga asi ne̍ Apu Diyus. Ket annadan nu pe̍ tasun awan kuma dakayu ya pakaigapuwan niya panagbasul, nga arig nga gamut niya kayu nga mange̍cde̍ ka nape̍t. Ta kaynun no makaalis pe̍ iya kaaduwan ya kinadake̍c niyan nga toley, nga mangriribuc igida.

He̍briyu 12:22

Ngem dakayu nga gennung ita, bekken kayu nga agten igida. Ta nakadateng kayun iya arig nga Tageytey Siyun, nga itu ya edyan mettas ne̍ Apu Diyus. Itu pe̍ ya nailangitan nga He̍rusale̍m, nga siyudad niya sibibiyag nga Diyus, se̍ ya pagedyanan diya rinibribu nga anghe̍le̍s nga naur-urnung nga agragragsac kin.

He̍briyu 12:25

Ket itu nga annadan nu ngarudin, nga madi kayu agmadi iya panangbagbaga niya mangbagbaga dakayu itan, nga itu nge̍ Apu Diyus. Ta madi kayu kuma tuladen dito toley itun, nga madi da nalisiyan ya dusa da itun, ito nagmadi da iya nibilin niya nangbagbaga igida ito uwed da pekkem idi nga lubung. Ket no madi nakalisi ditun ito dusa da, di ngarud nangnangruna tida ita nga madusa, no agmadi tida iya ibilin niya mangbagbaga dactida ita manipud ka langit?

He̍briyu 3:1

Itu nga dakayu nga kakabsat nga pinili ne̍ Apu Diyus nga toley na se̍ kabulun mi nga maipaayan ka nailangitan nga saad, ut-utuben nu kuma ya maipanggep e̍ Je̍sus. Ta igina met ya nibon ne̍ Apu Diyus nga arig nga apustul, se̍ igina pe̍ ya tutu nga Kangatuwan nga Agsirsirbi nga mangibegbeggi iya pammati tida.

He̍briyu 3:10

Itu nga napasungtanan nac kaditun nga toley, ket kinunec, ‘Pe̍yeng dac nga paglikudan, ket madi da met ipatpateg diya pagtuladan nga ipacpakaemmuc igida.’

He̍briyu 3:19

Dikad pe̍ maawatan tida ngarudin nga gapu ta madi da gabay ya mamati igina itun, ket madi da met nalak-aman ya pagtalnaan da.

He̍briyu 9:14

Ket no agten iyan to pakadalusan da itun nga timpu, di ngarud nabilbileg pekkem ya pannakabalin niya daga ne̍ Kristu? Ta gapu iya panangiturung niya agnanayun nga Ispiritu, niyawat ne̍ Kristu e̍ Apu Diyus ya beggi na nga datun nga awan pagkurangan na. Ket gapu iya daga na, nadalusan diya lemlemmet tidan iya pakarigatan tida gapu ito panagtungpal tida kadito tungtungpalen nga awan mamaay da. Ket ita, siwayawaya tidan nga agsirbi iya sibibiyag nga Diyus.