He̍briyu 3:1 - Ya Baru nga Tulag

¹ Itu nga dakayu nga kakabsat nga pinili ne̍ Apu Diyus nga toley na se̍ kabulun mi nga maipaayan ka nailangitan nga saad, ut-utuben nu kuma ya maipanggep e̍ Je̍sus. Ta igina met ya nibon ne̍ Apu Diyus nga arig nga apustul, se̍ igina pe̍ ya tutu nga Kangatuwan nga Agsirsirbi nga mangibegbeggi iya pammati tida.

He̍briyu 3:1 Iomraidhean Croise

Juan 17:3

Ket ya banag nidi nga biyag nga agnanayun, ket itu ya pannakaem-emmu da ikew nga is-isa se̍ pudnu nga Diyus, se̍ ya pannakaem-emmu da pe̍ e̍ Je̍su Kristu, nga itu ya nibon mu.

Juan 20:21

Ket inulit ne̍ Je̍sus nga kinunen na igida, “Talna kuma ya uwed dakayu.” Ket kinunen na pe̍, “No kumaan nito panangibon niya Ama iyaken, ket agten met pe̍ iyan ya panangibon ku dakayun,” kunen na.

Juan 20:27

Ket se̍ na kinunen ngarud e̍ Tumas, “Singem ngarud diya imac, ket karasawem mun. Ket se̍ ipalbut mu ya ima mun iya le̍pyong ku. Ipac mu ngarud ya panagduwaduwa mun, ket mamati kan!” kunen na.

Aramid 1:15

Ket iya isa nga algew itun, naguurnung diya mamati. Agdagup ngata ka sangagasut ket duwa nga pulu da. Ginumnukat nge̍ Pe̍dru ket nagkagi igida, nga kinunen na,

Ruma 11:17

Ket diya Hudyu, maiyarig da iya isa nga naimula nga kayu ulibu nga naseple̍ng diya duduma nga sanga na. Ket dakayu nga bekken nga Hudyu, arig kayu met nga sanga niya isa nga atap nga kayu ulibu. Ket arig nga naisilpu kayu iya nakaseple̍ngan nito sanga nito naimula nga ulibu, tasun mairaman kayu pe̍ iya totec dito gamgamut na, nga itu ya mangpabileg iyan nga kayu.

Ruma 15:27

Igida mettas ya akin-nakem nga tumulung kadiya Hudyu ka He̍rusale̍m. Ket ya kinapudnu na, uwed ngarud arig nga utang da kadiya mamati nga Hudyu. Ta diya bekken nga Hudyu, nairaman dan kadiya nabaru nga banbanag nga nipaay ne̍ Apu Diyus kadiya Hudyu. Itu nga rebbeng ngarud met diya bekken nga Hudyu ya tumulung kadiya Hudyu kadiya kasapulan niya panagbiyag da.

Ruma 15:8

Ket ipalagip ku dakayu to numbe̍tan ne̍ Kristu itun: Inumbe̍t nga nagbalin nga agsirsirbi kadiya Hudyu, tasun ipasingen na nga mapagtalkan nge̍ Apu Diyus nga mangtungpal kadito karkari na kadito am-ama da.

Ruma 9:24

Ket dactida met diyan nga pinili ne̍ Apu Diyus. Ket dactida nga pinili na, bekken nas nga Hudyu, no di pe̍ uwed da bekken nga Hudyu.

1 Kurintu 1:2

Isurat mi yani dakayu nga bungguy nga agpaay e̍ Apu Diyus iyan Kurintu. Nisibna nakayu nge̍ Apu Diyus nga maibilang nga toley na gapu e̍ Kristu Je̍sus. Ket nairaman kayun kadiya amin nga napili nga toley ne̍ Apu Diyus iya orey awac nga edyan da, nga itu diya umaw-awag nga sidadayaw iya nagan ne̍ Je̍su Kristu nga Apu da, nga Apu tida met pe̍.

1 Kurintu 10:17

Ket orey adu tida nga mangan, is-isa nga bukel nga tinapay ya pagbibingayan tida nga kanen. Ket itu ya panangipasingen tida nga nagbalin ya tunggal isa dactida nga parte̍ niya is-isa nga beggi.

1 Kurintu 9:23

Ket agten iyan ngarud ya wanglec kadiya amin nga pangawis ku, gapu ta tarigagayac nga maiwarwaragawag kuma ya Makaparagsac nga Damag, tasun maibulun nac kuma kadiya duduma nga toltoley nga aglak-am iya makaparagsac nga pagbanagan niyan nga damag.

2 Kurintu 1:7

Ket iya agten iyan, dackel ya namnama mi maipanggep dakayu, ta emmu mi nga orey uwed met pannakipaglak-am nu dakami ka rigat, ket makipaglak-am kayu met pe̍ dakami ka liwliwa.

2 Kurintu 9:13

Ket gapu iyan nga panagkaasi nu, maipasingen nga napudnu ya panamati nu. Itu nga agdaydayaw nad diya toley e̍ Apu Diyus, gapu ta maemmuwan da nad nga tungtungpalen nu ya pammati nu iya Makaparagsac nga Damag maipanggep e̍ Kristu, se̍ gapu ta maemmuwan da nga manage̍cde̍ kayu ka tulung nu igida se̍ kadiya amin nga duduma pe̍.

E̍pe̍su 3:6

Ket ya panggep na nga nipakaemmu nan, ket agten idi: Gapu iya Makaparagsac nga Damag, uwed dakayu nga bekken nga Hudyu ya gundawayin nga makipagtawid kadiya ipatawid ne̍ Apu Diyus kadiya Hudyu. Naibilang kayu pe̍ yin nga kamkameng niyan nga is-isa nga bungguy, se̍ nairaman kayu pe̍ yin iya pagbanagan nito nikari ne̍ Apu Diyus kadiya Hudyu. Kuwa nu ngarud pe̍ diyanin gapu iya pannakaitipun nu e̍ Kristu Je̍sus.

E̍pe̍su 4:1

Ket itan, iyaken, uwed dac iya pagbaludan nga idi gapu iya panagsirbic iya Apu. Ket sipapasnekkac nga mangbagbaga dakayu nga maitutup kuma ya ugali niya panagbiyag nu iya kinadayaw niya saad nu nga nangpiliyan ne̍ Apu Diyus dakayu.

E̍pe̍su 4:4

Ngarud, amin tida nga toley ne̍ Kristu, sangkabungguy tida met, nga maiyarig iya is-isa nga beggi. Ket is-isa pe̍ ya Ispiritu ne̍ Apu Diyus nga uwed dactida, agten met pe̍ nga is-isa ya namnama tida gapu iya nangpiliyan ne̍ Apu Diyus dactida.

Pilipus 3:14

Ket arig gac nga makilumba nga agtarus nga managtag iya pagtungpalan na. Ta namnamaec ya nailangitan nga gun-guna nga iyawis ne̍ Apu Diyus dactida, gapu iya pannakaitipun tida e̍ Kristu Je̍sus.

Kulusas 1:12

Ta ikarkararag mi nga siaanggem kayu kuma nga agyaman iya Ama, nga igina met ya namagbalin dactida nga maikari nga mairaman iya pannakagun-ud diya toley na nga uwed iya wada.

Kulusas 1:22

Ngem itan, pinagbalin nakayu nge̍ Apu Diyus nga naitunus iginan, gapu ito ipapatey niya naipatoley nga Anac na para dactida, tasun maisangu kayu iya imatang na, nga nadalus kayu nga awan mansa winno pakababalawan nu.

Kulusas 3:12

Ket dakayu diya pinili ne̍ Apu Diyus, ket ibilang nakayu nga awan basbasul nun, se̍ patpatgen nakayu pe̍. Itu nga isaad nu kuma ngarudin iya beggi nu ya gangey nga naasi, naalumamay, napakumbaba, nasingpet se̍ naanus.

1 Te̍salunika 2:12

Ta binagbagbagaan dakayu, pinabpabileg dakayu, se̍ liniwliwa dakayu nga tunggal isa. Agten iyan ngarud ya winangwangel mi, tasun agbiyag kayu kuma nga pe̍yeng nga makaay-ayu e̍ Apu Diyus nga nangpili dakayu nga mairaman iya pangiturayan na se̍ pakadayawan na.

1 Te̍salunika 5:27

Ket gapu iya turay nga ne̍cde̍ niya Apu iyaken, ibilin ku nga sipapasnec dakayu nga ibasa nu yani nga surat mi kadiya amin nga kakabsat tida ka pammati iyan.

2 Te̍salunika 1:11

Ket itu nga ikarkararagan dakayu ngarud nga pe̍yeng, tasun pagbalinen nakayu kuma nge̍ Apu Diyus nga maikari iya nisagana na nga saad nga ne̍cde̍ na dakayu. Ket ikararag mi pe̍ nga gapu iya pannakabalin na, tulungan nakayu kuma kadiya amin nga nabaru nga pamaay nu se̍ diya gabay nu nga wanglen maigapu iya panamati nu.

2 Te̍salunika 2:14

Ket pinili nakayu nge̍ Apu Diyus iyan nga kasasaad gapu iya Makaparagsac nga Damag nga nikasaba mi dakayu. Pinili nakayu ngarud, tasun mairaman kayu iya pakadayawan niya Apu tida nga Je̍su Kristu.

1 Timutyu 6:12

Madi ka kuma ngarud paabac kadito mangkuntra iya panangtungpal mu iya pammati tida. Ket laglagipem ngarud nga pe̍yeng ya biyag nga agnanayun nga maisagut ikew. Itu met ya nakapiliyam nga nipakaemmu ne̍ Apu Diyus ito nipakaemmum ya kinapasnec mu iya sangu diya adu nga toley.

1 Timutyu 6:2

Ket diya tagabu nga mamati pe̍ ya amu na, madi da kuma kessayan ya panagdayaw da kadiya amu da gapu iya panagkabsat dan ka pammati, no di lugud napaspasnec da kuma pekkem iya panagsirbi da. Ta diya agten iyan nga pagsirbiyan da nga amu, mamati da ngarud met pe̍, ket napateg da nga kakabsat. Diyan nga nipakaemmuc ikew, ipakaemmum kuma pe̍ kadiya mamati ennan nga masapul nga suruten da.

2 Timutyu 1:9

Igina met ya nangisalakan dactida, se̍ igina pe̍ ya nangpili dactida nga agbalin nga toley na. Bekken nga gapu iya nawangel tida diyan, no di lugud gapu iya kabucbukudan na nga panggep se̍ siaayat nga asi. Ket nipaay na yani nga siaayat nga asi na dactida itun pekkem, gapu mettas e̍ Kristu Je̍sus, orey ito madi pekkem naparsuwa ya lubung.

2 Timutyu 2:7

Utubem ngarud diya nibagbagac ki, ata emmuc nga e̍cde̍ ne̍ Apu Diyus ya pannakaawat mu maipanggep kadiyan nga amin.

He̍briyu 10:19

Ket ita, kakabsat, nawaya tidan nga umadenni nga sitatalged iya edyan ne̍ Apu Diyus iya Kasantuwan nga Edyan, gapu ito naiyayus nga daga ne̍ Je̍sus.

He̍briyu 10:21

Se̍ bekken nas nga iyan, ta e̍ Je̍su Kristu win ya naturay nga mangibegbeggi nga agpaay dactida nga toley ne̍ Apu Diyus, nga naibilang nga pamilya na.

He̍briyu 10:23

Ipateg tida kuma ngarud pe̍ nga sipapasnec ya pammati tida maipanggep iya pagnamnamaan tidan. Ta emmu tida nga e̍ Apu Diyus, tungpalen na ngarud diya kari na.

He̍briyu 13:22

Ala kakabsat, anusan nu was nga denggen ya pannakaibasa nidi nga surat ku nga pamagbagac dakayu, ta e̍teng ngas met ya panagsurat ku.

He̍briyu 2:11

Ket bekken nas nga iyan, ta is-isa met ya Ama niya mangdalus se̍ ya Ama diya nadalusanin. Itu nga madi malyew nge̍ Je̍sus nga mangawag nga kakabsat na diya toley.

He̍briyu 2:17

Ket itu nga masapul nga linak-am ne̍ Je̍sus diya amin nga kasasaad diya naibilang nga kakabsat na, tasun igina kuma ya agbalin nga managkaasi se̍ mapagtalkan nga Kangatuwan nga Agsirsirbi, nga mangibegbeggi dactida e̍ Apu Diyus. Ket iya agten iyan, inariman nan ya pannakaudas nga pakapakawanan diya basbasul diya toley.

He̍briyu 3:12

Itu nga agannad kayu ngarud, kakabsat, tasun awan kuma dakayu ya dake̍c nga nakem winno ya bekken nga sipapati nga panpanunut. Ta no uwed diya agten iyan dakayun, paglikudan nu mettin ya sibibiyag nga Diyus.

He̍briyu 3:14

Ta siguradu nga nagbalin tidan nga kabulun ne̍ Kristu no ituluy tida nga sipupudnu ya sigud nga panagtalec tida igina nga sipapasnec, agingga iya panungpalan.

He̍briyu 6:20

Ket itu pe̍ ya napennan ne̍ Je̍sus nga non-ona ngem dactida. Igina met ya nagbalin nga Kangatuwan nga Agsirsirbi nga mangibegbeggi dactida e̍ Apu Diyus ka agnanayun, nga agten mettas ito panagsirsirbi nito Me̍lkise̍de̍c itun.

He̍briyu 7:26

Dikad pe̍ igina, maitutup met nga Kangatuwan nga Mangibegbeggi dactida e̍ Apu Diyus, ta awan basul na winno kinadake̍c na, se̍ awan pe̍ mansa igina. Ket idi nga mangibegbeggi, naiduma met kadiya sibabasul nga toltoley, ket naisaad met pe̍ ka nangatngatu ngem kadiya nailangitan.

He̍briyu 7:28

Ket to pannakaisaad nidi nga nagbalin nga mangibegbeggi dactida e̍ Apu Diyus, bekken met nga agten ito pannakaisaad dito nadutukan nga kangatuwan nga agsirsirbi itun sigun ito Linteg nito Muyse̍s. Ta igida, nadutukan da orey uwed met pagkurangan da. Ngem to pannakaisaad niya Anac ne̍ Apu Diyus nga gennung, bekken met nga sigun ito Linteg nito Muyse̍s, no di lugud sigun ito kari mettas ne̍ Apu Diyus nga nisapata na nga nod-odi ngem ito pannakabangun nito Linteg. Ket napanecnekkanin nga awan ngarud pagkurangan niya Anac ne̍ Apu Diyus ka agnanayun.

He̍briyu 9:11

Ket ita, inumbe̍t mettin nge̍ Kristu nga Kangatuwan nga Agsirsirbi nga mangibegbeggi dactida e̍ Apu Diyus. Igina ya agsirsirbi nga mangipaay kadiya nabaru nga banbanag nga nabangunin. Ket ya panagsirsirbi ne̍ Kristu, nabarbaru. Ta bekken nga ya uneg niya isa nga pagdaydayawan nga inariman toley ya pagdaydayawan na. Kayat na nga kagiyen, bekken nga idi nga nakaparsuwaan nga lubung ya pagdaydayawan na, no di lugud nangatngatu. Ket se̍ awan pagkurangan niyan nga imuneggan na nga pagdaydayawan na.

He̍briyu 9:15

Dikad pe̍ e̍ Kristu ngarud met ya mangibabaet nga nangirugi iya baru nga tulag. Itu nga diya pinili ne̍ Apu Diyus nga katulag na, matawid da ngarudin to nikari na nga agnanayun nga tawid. Ta gapu ito pannakatey ne̍ Kristu, nawayawayaan dan iya pannakaukum da gapu kadito basbasul da, nga naariman da ito uwed da pekkem iya masakupan nito nona nga tulag.

1 Pe̍dru 2:9

Ngem dakayu, napili kayu nga toley ne̍ Apu Diyus, se̍ agsirsirbi kayu nga maipaay igina nga Ari tida. Dakayu pe̍ ya naibilang nga nasyun nga maipaay igina. Dakayu ngarud diya toley nga pinagbalin na nga dungdungnguwen na. Agten iyan ya nikeddeng ne̍ Apu Diyus, tasun dakayu kuma ya mangipakaemmu maipanggep iya kinadayaw na, nga igina ya nangisalakan dakayu iya arig nga gicbet, se̍ nisaad nakayun iya wada na nga nakaskasdaaw.

1 Pe̍dru 3:5

Ta diya babey itun nga nangipaay iya panagbiyag da nga sinanama e̍ Apu Diyus, agten iyan pe̍ to namaay da. Ta nagpaituray da met kadiya as-asawa da, ket itu ya nangpapaw-is igida itun.

1 Pe̍dru 5:1

Dikad pe̍, gapu kadiyan nga banbanag, uwed ibagbagac dakayu nga panglakayen diya bungguy diya mamati. Ta iyaken ya isa nga pada nu nga panglakayen, se̍ isa ngac pe̍ nga nakasingen kadito pannakaparparigat ne̍ Kristu. Se̍ iyaken pe̍ ya isa nga maibulun nad igina iya pakaidayawan na nga dandani maipasingen nin.

1 Pe̍dru 5:10

Ket e̍ Apu Diyus mettas nga pagtaudan niya amin nga siaayat nga asi, se̍ ya nangpili dakayu nga mairaman iya agnanayun nga pannakaidayaw na gapu e̍ Kristu. Ket igina mettas ya mangan-anay nad dakayu, no malpas yan nga e̍teng nga panagrigat nu. Ket patalgedden nakayu se̍ pabilgen nakayu nad pe̍.

1 Juan 1:3

Ngarud, nasingen mi se̍ nagicna mi, ket itu win ya ipakaemmu mi dakayun, tasun agpapada tida kuma ka panpanunut nga mibulubulun iya Ama se̍ iya Anac na nga Je̍su Kristu.

Hudas 1:1

Iyaken nge̍ Hudas nga agsirsirbi e̍ Je̍su Kristu, se̍ kabsat ne̍ Santiyagu. Isurat ku yani nga surat dakayu nga napateg iya imatang ne̍ Apu Diyus nga Ama, dakayu nga pinili na nga toley na, se̍ maaywanan gapu e̍ Je̍su Kristu.

Paltiing 17:14

Mawe̍ da nad met gubaten ya Urbun Karne̍ru, ngem abaken nad met niya Urbun Karne̍ru da, ta igina ngarud ya Apu diya amin nga ap-apu, se̍ ya Ari diya amin nga ar-ari. Ket diya kabulun na, igida diya naawis se̍ napili se̍ napudnu nga pasurut na,” kunen nito anghe̍l.

Paltiing 18:20

Aganggem kayu ngarudin, dakayu nga taga-langit! Ngarud, aganggem kayu pe̍ yin, dakayu nga toley ne̍ Apu Diyus, agraman dakayu nga apustule̍s se̍ mammadtu! Aganggem kayu ngarud gapu iya napasamac iyan nga siyudad. Ta ya panangukum ne̍ Apu Diyus ito siyudad, itu met ya panangibales nan ito panangparigat nito siyudad dakayu!