He̍briyu 2:4 - Ya Baru nga Tulag

⁴ Ket e̍ Apu Diyus, nipanecnec na met pe̍ maipanggep iyan, gapu kadiya nipasingen na nga pagilasinan, se̍ duduma nga nakaskasdaaw, se̍ diya nadumaduma nga nipawangel na gapu iya pannakabalin na. Ket pammanecnec pe̍ to panangiwaras ne̍ Apu Diyus ka nadumaduma nga pannakabalin nga ipaay niya Ispiritu Santu, sigun iya tarigagayan ne̍ Apu Diyus nga panangiwaras.

He̍briyu 2:4 Iomraidhean Croise

Markus 16:20

Ket dito adalan na, pimanaw da ito edyan da, nga nawe̍ da ngarud nangaskasaba kadiya amin nga luglugar. Ket ya Apu, tinulungan na da ngarud pe̍, ta nipanecnec na ya kinapudnu dito nikasaba da, gapu kadiya pagilasinan nga naibulun kadiya panangikasaba da iya kagi na.]

Markus 6:14

Ket nadamag ngarud nito Ari He̍rude̍s ya maipanggep e̍ Je̍sus, ta nagdindinamag mettin ya maipanggep igina. Ket kinunen met diya duduma, “Igina to Juan nga Mammautisar nga nagungarin! Itu ya gapu na nga uwed iyan nga toley ya pannakabalin nga mangariman kadiya agten kadiyan,” kunen da.

Juan 15:26

“Ket umbe̍t nad ya Mamagbaga nga ibon ku dakayu, nga gayat iya Ama. Itu ya Ispiritu nga mangipakaemmu iya pudnu, se̍ itu met pe̍ ya Ispiritu nga aggayat iya Ama. Ket igina nad ya mangipakaemmu iya kinapudnu maipanggep iyaken.

Juan 4:48

Dikad pe̍ kinunen ne̍ Je̍sus ito upisyal, “Ape̍ aya nga madi kayu met mamati iyaken no awan masingen nu nga mona nga pagilasinan se̍ nakaskasdaaw?” kunen na.

Aramid 14:3

Ket iya agten iyan, ya napasamac itun, ket nabaybayag pekkem de̍ Pablu antuni, ket natured da nga nangipalawag gapu iya Apu. Ket naemmuwan dito toley nga pudnu ya ipakaemmu de̍ Pablu maipanggep iya siaayat nga panagkaasi niya Apu, ta tinulungan niya Apu de̍ Pablu nga agariman ka pagilasinan se̍ nakaskasdaaw.

Aramid 4:10

ipakaemmu mi ngarud, tasun maemmuwan nu pe̍, se̍ amin diya kabulun tida nga iIsrae̍l. Gapu iya kinaturay ne̍ Je̍su Kristu nga iNasare̍t, nabileg met yani nga lalaki yin, se̍ agsisikad pe̍ yin idi nga sangu nun. Ngarud, gapu mettas e̍ Je̍sus nga pinatey nu itun nga pinagungar ne̍ Apu Diyus.

Aramid 5:32

Ket dakami diya mangibagbaga iya pudnu maipanggep kadidi nga banbanag. Se̍ bekken nas nga dakami ya mangibagbaga, no di lugud pe̍ ya Ispiritu Santu nga nipaay ne̍ Apu Diyus dakamin nga sumurut igina.” Itu yan to nisungbat de̍ Pe̍dru ito kangatuwan nga agsirsirbi iya Te̍mplu.

E̍pe̍su 1:5

Ngarud, gapu iya ayat ne̍ Apu Diyus dactida, nikeddeng na itun pekkem nga pagbalinen nactida nga anac nan gapu e̍ Je̍su Kristu. Ta itu ya sigud nga panggep ne̍ Apu Diyus sigun iya tarigagay na.

E̍pe̍su 1:9

inariman na ngarud to panggep na, se̍ nipakaemmu na pe̍ dactidan. Itu ya panggep na nga madi tida naawatan itun, nga nikeddeng na nga tungpalen, gapu e̍ Kristu sigun iya tarigagay na.

E̍pe̍su 4:7

Ngem orey is-isa kuma ya panpanunut tida, nadumaduma met ya pannakabalin nga nae̍cde̍ iya tunggal isa dactida, sigun iya gabay nga e̍cde̍ ne̍ Kristu dactida.

He̍briyu 6:4

Agten tida kuma ngarud iyan, ta emmu tida nga diya toley nga sumina iya panamati da, awan lugud pagbabawiyan dan no tutu nga nakaawat dan. Ngarud, no naglak-am dan iya panangaasi ne̍ Apu Diyus se̍ iya kauwed niya Ispiritu Santu,