He̍briyu 2:18 - Ya Baru nga Tulag

¹⁸ Ket itan, gapu ta linak-am na ya panagrigat ito uwed nangsulisug igina, matulungan nactida pe̍ yin no uwed mangsulisug dactida.

He̍briyu 2:18 Iomraidhean Croise

Lukas 22:28

“Ket no dakayu, pe̍yeng nga nibulbulun kayu iyaken, nga madi dac binaybay-an, orey kadiya nakaparparigatac.

Lukas 22:53

Inalgew nga uwed dac met iya imatang nu enna Te̍mplu, ngem madi dac met nga tinkem. Ngem ita mettas, itu ya gundaway nu, ket itu pe̍ yin ya gundaway ne̍ Satanas nga paggayatan niya pannakabalin niya gicbet,” kunen na.

Juan 10:29

Ya Amac, nitalec na da iyaken, ket igina met ya kangatuwan iya amin. Itu nga awan ngarud makaagaw igida iya panangaywan niya Ama.

1 Kurintu 10:13

Ket tunggal sulisug nga dumateng dakayu, kadawyan da ngas nga pakasulisugan niya toley. Ket e̍ Apu Diyus, laglagipen nactida nga pe̍yeng, nga madi na ipalubus nga masulisug kayu ka madi nu mabalin nga atipaen. Ta no masulisug kayu, e̍cdan nakayu nge̍ Apu Diyus ka gundaway nu nga makalasat, tasun mabalin nu nga ibturan yan nga panulisug.

Pilipus 3:21

Ket igina met ya mangbaliw nad kadiya kackaasi nga beggi tida. Pagbalinen na da nad nga agten mettas iya napadayaw nga beggi na ita. Ket ya pannakabalin nga usaren na nad iya panangbaliw na dactida, ket itu ya agten mettas nga pannakabalin nga usaren na tasun pagbalinen na nga agpaituray igina diya amin.

2 Timutyu 1:12

Ket itu ya gapu na nga laklak-amec didi nga rigrigat ku. Ngem orey agten iyan, awan iyalyew ku kadidi, gapu ta em-emmuc met yan nga talkec. Ket siguradu wac met nga igina ya makaaywan iyan nga nitalec na iyaken agingga nad iyan nga Timpu na.

He̍briyu 5:2

Ket ya agten iyan nga kangatuwan nga agsirsirbi, emmu na met ya aganus kadiya toley nga mairradu se̍ diya nalaka nga maiyaw-awan ka dake̍c. Ta ya kangatuwan nga agsirsirbi, ket toley met pe̍ nga uwed pagkurangan na, nga agten mettas kadiya pada na nga toley.

2 Pe̍dru 2:9

Ket gapu kadiyan nga napasamac itun, maipasingen dactida ya kabaellan niya Apu nga mangilisi kadiya agtungpal igina kadiya pakasulisugan da. Ket maipasingen pe̍ kadiyan ya kabaellan na nga mangipukuc kadiya agdacdake̍c nga toley iya pakadusaan da agingga iya timpu nga panangukum na nad igida.

Hudas 1:24

Ket itan, laglagipen tida kuma nga pe̍yeng nge̍ Apu Diyus. Igina met ya uwed kabaellan na nga mangaywan dakayu tasun madi kayu maiturung ka pakabasulan. Se̍ igina pe̍ ya uwed kabaellan na nga mangidateng dakayu nad nga sidadalusin se̍ siraragsac kin iya sangu na, nga itu ya edyan nga pakasingnan iya kinadayaw na.

Paltiing 3:10

Ket no maipanggep ikew, gapu ta nipangag mu to nibagbagac ikew nga aganus ka kuma, ket isalakan naka nad met iya timpu niya panagrigrigat nga umbe̍t nad iya amin nga lubung tasun masigir diya toltoley iya lubung.