He̍briyu 2:16 - Ya Baru nga Tulag

¹⁶ Naglak-am ngarud nge̍ Je̍sus iya kinatoley da, ta diyan nga tinulungan na, bekken met nga diya anghe̍le̍s, no di lugud diya toley nga kapututan nito Abraham.

He̍briyu 2:16 Iomraidhean Croise

Ruma 2:25

No maipanggep iya ugali Hudyu, uwed ngarud kaipapennan niya panangtungpal mu iya ugali nga pannakakugit, no tungpalem pe̍ ya Linteg. Ngem no salungasingem ya Linteg, nagbalin kan nga arig nga bekken nga nakugit.

Galasiya 3:16

Ket agten met pe̍ iyan dito nikari ne̍ Apu Diyus ito Abraham se̍ iya kapututan na. Ngem bekken nga adu to nagkariyan ne̍ Apu Diyus, ta madi na met kinunen nga, “se̍ kadiya kapututam,” no di lugud kunen na, “se̍ iya kapututam.” Ket kayat na nga kagiyen nga is-isa yan nga kabulun nito Abraham nga nagkariyan na, ket e̍ Kristu mettas yan.

Galasiya 3:29

Itu nga no naikameng kayu e̍ Kristu win, maibilang kayu met pe̍ yin nga kapututan nito Abraham. Ket no kapututan nakayu to Abraham, makipagtawid kayu pe̍ iginan, sigun ito nikari ne̍ Apu Diyus igina.

He̍briyu 12:10

Diya ama tida idi nga lubung, pinatigmaanan nactida nga nisuru da dactida ya emmu da nga nabaru ka e̍teng ngas nga timpu. Ngem e̍ Apu Diyus, isuru na dactida ya agbanag mettas ka tutu nga paglaingan tida, tasun aglak-am tida kuma iya kinalinteg na.

He̍briyu 2:15

Ket iya agten iyan, winayawayaan ngarud ne̍ Je̍sus diya amin nga nagan-ansing nga pe̍yeng bayat niya panagbiyag da gapu iya umbe̍t nga pannakatey da, nga arig nga ansing met ya nangtagabu igida.

He̍briyu 2:17

Ket itu nga masapul nga linak-am ne̍ Je̍sus diya amin nga kasasaad diya naibilang nga kakabsat na, tasun igina kuma ya agbalin nga managkaasi se̍ mapagtalkan nga Kangatuwan nga Agsirsirbi, nga mangibegbeggi dactida e̍ Apu Diyus. Ket iya agten iyan, inariman nan ya pannakaudas nga pakapakawanan diya basbasul diya toley.

He̍briyu 6:16

Ket dactida met pe̍ ya pagpaayan niyan nga kari, ta agten idi met: No toley ya agkari, masapul nga uwed nangatngatu ngem igina nga pangpanecnec na iya kari na, tasun mapatalgeddan ya kari na. Ket iya agten iyan, mapatalna ngarud diya makisupyat, gapu ta napatalgeddanin.

1 Pe̍dru 1:20

Ket orey ito di pekkem naparsuwa yani nga lubung, e̍ Kristu ya napili yin nga maibon maikanatad iya sigud nga panggep ne̍ Apu Diyus. Ket iya ita nga kaodiyan nga timpu, naipakaemmu nge̍ Kristu win tasun agpaay dakayun.