He̍briyu 2:1 - Ya Baru nga Tulag

¹ Ket gapu kadiyan nga banbanag, masapul ngarud nga lumallalu kuma ya panangipateg tida kadiya panursuru nga naadal tida, tasun bekken tida nga maiyaw-awan ka sabali.

He̍briyu 2:1 Iomraidhean Croise

Matyu 16:9

Awan kad pekkem kustu nga pannakalasin nu? Madi kayu kad malagip dito lima nga bukel nga tinapay nga naipakan kadito lima nga ribu nga toley, se̍ dito piga nga lacba nga inurnung nu nga nabuna itun?

Markus 8:18

Madi kayu aya makasingen, orey uwed mata nu? Se̍ madi kayu aya makagicna, orey uwed tinga nu? Ape̍ kad nga madi kayu malagip to inariman ku?

Lukas 8:15

Ket dito bukel nga nagdessag iya napaw-is nga ginet, itu diya maiyarig kadiya toley nga makagicna pe̍ iya kagi ne̍ Apu Diyus, ket napudnu se̍ nadalus met ya nakem da no magicna da, ket agtalec da ngarud. Naanus da, ket agbanag ka nabaru ya panamati da,” kunen na.

Lukas 9:44

“Panunuten nu kuma nga nalaing yani nga ibagac dakayu: Tutu met nga maiyawat nad ngarud ya Anac nga Naipatoley kadiya toley nga mangukum igina,” kunen na.

Juan 8:59

Ket iya agten iyan, pimidit dito Hudyu ka batu tasun dampagen da kuma. Ngem sililinged nge̍ Je̍sus nga pimanaw iya Te̍mplu win.

He̍briyu 12:5

Ket madi kayu kuma male̍panan to makapabileg nga balakad ne̍ Apu Diyus dakayu nga anac na, nga kunen na, “Anac ku, madi ka kuma ipagarup nga bekken nga napateg ya panangpatigmaan niya Apu ikew, se̍ di ka kuma makumsa, no ilbec naka.

2 Pe̍dru 1:15

Itu nga wanglec ngarudin amin nga kabaellac ita, tasun malaglagip nu kuma nga pe̍yeng diyan nga banbanag, orey nad no awan nac kun.

2 Pe̍dru 3:1

Idi nga surat, itu ya maikadduwa nga surat nga nisurat ku dakayu nga patpatgec. Ket agpada met ya panggep nidi nga surat ku se̍ ito nona. Ta padasec manin ya mangalayu dakayu iya napudnu nga nakem, gapu iya panangipalagip ku dakayu.