He̍briyu 13:9 - Ya Baru nga Tulag

⁹ Dikad pe̍ madi kayu kuma maallilaw kadiya nadumaduma nga panursuru nga sabali. Ta ya siaayat nga panangaasi ne̍ Apu Diyus kuma ngas ya mangpabileg dactida, nga bekken lugud nga diya al-alagaden maipanggep kadiya macmakan. Ta no dito nagtungtungpal kadiyan nga al-alagaden, awan met tulung nga nae̍cde̍ igida gapu kadiyan nga tungtungpalen da.

He̍briyu 13:9 Iomraidhean Croise

Matyu 24:24

Ta uwed da nad agparang nga sinan-Kristu se̍ sinan-mammadtu. Ket agariman da nad ka pagilasinan se̍ nakaskasdaaw, tasun, no mabalin, gabay da nga iyaw-awan kuma orey diya pinili ne̍ Apu Diyus nga toley na.

Matyu 24:4

Ket kinunen ne̍ Je̍sus igida, “Agannad kayu ngarud tasun awan kuma mangiyaw-awan dakayu maipanggep iyan nga timpu.

Lukas 5:38

Dikad pe̍ no ya banal nga basi, ket ya kabarbaru kuma ngarud nga kadus nga lalat ya pakaipayan na.

Aramid 20:30

Se̍ orey iya bungguy nu mettas, uwed da met pe̍ mangirugrugi nad nga mangisuru ka busid, ta gabay da nga awisen diya pasurut niya Apu tasun sumurut da met igidan.

Aramid 20:32

“Ket ita, ipaaywan nakayu e̍ Apu Diyus, se̍ iya siaayat nga asi na nga nikari na dactida. Ta itu ya makapabileg iya panamati tida se̍ ya makae̍cde̍ iya tawid nga nikari na kadiya amin nga toley na.

Ruma 14:17

Ta no maipanggep iya panangituray ne̍ Apu Diyus dactida, ket bekken nga ya pannangan se̍ panaginum ya napateg, no di lugud ya pannakapalinteg, se̍ ya panagtutunus, se̍ ya panaganggem nga tumaud iya Ispiritu Santu.

Ruma 14:2

Ta nadumaduma ya panagawat diya toley maipanggep iya maipalubus igida gapu iya panamati da. Mabalin nga uwed agkunen nga mabalin na ya mangan ka orey nagan na nga makan, nga awan kanu maiparit igina. Ngem ya nakapsut pekkem ya panamati na, mabalin nga kunen na nga natnateng kanu ngas ya masida na.

Ruma 14:6

Ya toley nga mangipateg ka isa nga algew, pammadayaw na met iya Apu ya panangipateg na. Ket ya toley nga siwayawaya nga mangan ka orey nagan na, pammadayaw na pe̍ iya Apu, ta agyaman yan nga toley e̍ Apu Diyus gapu iya makan. Ket ya madi mangan ka nadumaduma nga makan, pammadayaw na met pe̍ iya Apu yan, ta agyaman pe̍ e̍ Apu Diyus.

1 Kurintu 6:13

Tutu met pe̍ ya kunen diya duduma nga diya macmakan, agpaay kanu iya bessug. Se̍ ya bessug, ket para kanu kadiya macmakan. Bo a, ngem pudnu met pe̍ nga pukawen nad mettas ne̍ Apu Diyus diya macmakan se̍ orey diya bessug tida met pe̍. Ket no diya beggi tida, bekken nga nisangrat ne̍ Apu Diyus nga maipaay ka pannakikamalala, no di lugud tasun agpaay kuma iya Apu. Ket ya Apu, agsirbi met pe̍ kadiya beggi tida.

1 Kurintu 8:8

Ngem emmu tida nga diya macmakan, bekken met nga itu diya agsirbi nga mangiyadenni dactida e̍ Apu Diyus. Ta bekken tida met nga pagkurangan no madi tida kanen, ket no kanen tida, bekken tida met pe̍ nga paglaingan iya imatang ne̍ Apu Diyus.

2 Kurintu 1:21

Ket e̍ Apu Diyus met ya mangpatalged iya saad mi nga maigapu iya pannakaitipun tida e̍ Je̍su Kristu, nga agten met pe̍ iya saad nu. E̍ Apu Diyus pe̍ ya nangpili dactida nga maisaad igina.

Galasiya 6:1

Kakabsat, no uwed madlaw nu nga sibabasul, ket dakayu nga paiturayan iya Ispiritu ne̍ Apu Diyus, mawe̍ kayu kuma patigmaanan nga siaalumamay, tasun agbabawi kuma ngin. Ngem annadan nu lugud ya panagpatigmaan nu, ta kaynun no maipada kayu pe̍ nga masulisug.

E̍pe̍su 4:14

Ket no agten iyanin, bekken tida nga arig nga diya maipalupalung winno diya maipurad ngas iya kumpurmi nga pennan niya belluut. Ta bekken tida kuma nga arig nga diya ebbing, nga nalaka nga maawis kadiya nadumaduma nga panursuru diya mangallilaw nga mangiyaw-awan ka toley gapu kadiya kinasikap da.

E̍pe̍su 5:6

Ket madi kayu ngarud ipalubus nga masikapan kayu kadiya toley nga awan mamaay niya panagkagkagi da maipanggep kadidi nga kinadake̍c. Ta ya kinapudnu na, gapu kadidi nga kinadake̍c, madusa ngarud diya agsukir e̍ Apu Diyus, nga lak-amen da ya unget na.

Kulusas 2:4

Kunec ngarud dakayu yan, ta madic gabay no uwed makaallilaw dakayu ka napaw-is nga kagi nga mangos-osog dakayu.

2 Te̍salunika 2:17

Ket ya adngen mi, itu ya pabilgen se̍ paturedden nakayu kuma tasun naan-anay kayu kadiya amin nga nabaru nga wanglen se̍ kagiyen nu.

2 Te̍salunika 2:2

Madi kayu kuma nga nalaka nga mariribukan winno madanagan kadiya damdamag nga magicgicna nu nga nadatngan kanun ya Timpu niya Apu. Madi kayu ngarud patiyen diyan orey no itu ya ipaikagi kanu ne̍ Apu Diyus igida gapu kanu iya Ispiritu na, se̍ madi kayu pe̍ patiyen orey no uwed mangasaba iya agten iyan winno uwed kanu naisurat nga gayat dakami.

1 Timutyu 6:20

Timutyu, madi ka ngarud liwayan to naitalec ikew. Liclikam ya panagkagkagi nga awan mamaay na, ta bekken nga pangdayaw e̍ Apu Diyus. Ket se̍ liclikam kuma pe̍ diya awan mamaay da nga panagdidinniskutir, ta itu ya ugali ngas diya uwed kanu sirib na, ngem pilusupu was met.

1 Juan 4:1

Patpatgec nga kakabsat, madi kayu kuma patiyen diya amin nga agkunen nga uwed kanu igida ya Ispiritu ne̍ Apu Diyus. Emmuwen nu kuma nga mona no pudnu nga gayat e̍ Apu Diyus ya panpanunut da, ta adu win diya mangaskasaba ka busid iya amin nga lubungin.

Hudas 1:12

Ket dito agten iyan nga toley iya edyan nu, arig da nga mansa dakayu, ta igida ya mangsipar iya panagiinnayat nu kadiya panagsasangu nu nga mangan. Ta pulus nga awan alyew da nga makisangu dakayu iya panangipalagip nu iya Apu, ket yan nas beggi da ya asikasuwen da. Maiyarig da met ka ulep nga maib-ibluut nga di makae̍cde̍ ka udan. Ket arig da met pe̍ nga kayu nga madi mamisic, orey timpu nga panagbibisic. Ngarud, awan pulus nabaru nga ipaay da, nga arig nga kayu nga natey se̍ nabagut pe̍ yin.

Hudas 1:3

Dakayu nga patpatgec, napalaus ya panggep ku itun nga agsurat dakayu maipanggep iya is-isa nga lak-amen tida nga pannakaisalakan. Ngem ita, emmuc nga masapul nga sabali lugud ya isurat ku dakayun. Ta maricnac nga masapul nga agsurat tac dakayu, tasun ibagbagac nga sipapasnec dakayu nga ikalinteggan nu kuma ya panursuru niya pammati tida, nga itu ya nitalec ne̍ Apu Diyus dactida nga toley na. Nitalec na yani nga panursuru dactida nga nam-ame̍nsan nas itun, ket awan met panagbaliw na.