He̍briyu 13:6 - Ya Baru nga Tulag

⁶ Itu nga natalged tida nga agkunen iya agten idi: “Ya Apu ya tumulung iyaken, itu nga awan pakadanagac kun. Ta madic met mansing kadiya maariman diya toley iyaken.”

He̍briyu 13:6 Iomraidhean Croise

Matyu 10:28

Ket bekken kuma nga diya mabalin nga mangpatey ngas iya beggi ya kansing nu, ta madi da mabalin ya mangpukaw iya kararuwa. Ngem ya kansing nu kuma nga gennung, ket e̍ Apu Diyus. Ta igina, uwed lugud ya turay nga mangpatey iya beggi se̍ mangpukaw pe̍ iya kararuwa ka impiye̍rnu.

Ruma 8:31

Ket gapu ta maawatan tida yan, agten idi met ya makunen tidan: Awan ngarud makaabac dactidan, gapu ta isangil nactida nge̍ Apu Diyus.

E̍pe̍su 3:12

Ket itan, gapu iya pannakaitipun tida e̍ Kristu, agtalged tida nga umadenni nga siwayawaya e̍ Apu Diyusin gapu iya panamati tida e̍ Kristu.

He̍briyu 10:19

Ket ita, kakabsat, nawaya tidan nga umadenni nga sitatalged iya edyan ne̍ Apu Diyus iya Kasantuwan nga Edyan, gapu ito naiyayus nga daga ne̍ Je̍sus.

He̍briyu 4:16

Dikad pe̍ agtalged tida kuma nga umadenni ngarudin iya edyan ne̍ Apu Diyus nga pagtaudan niya siaayat nga panangaasi nga ipaay na dactida. Umadenni tida kuma ngarud, tasun kaasiyan nactida, se̍ tasun tulungan nactida kuma pe̍ gapu iya siaayat nga asi na dactida no uwed kasapulan tida.