He̍briyu 13:5 - Ya Baru nga Tulag

⁵ Bekken kayu kuma nga naagum ka kuwarta, no di lugud kuntintu kayu ngas iya uwed dakayun. Ta kinunen met ne̍ Apu Diyus nga, “Pulus nga madi naka panawan, winno baybay-an,” kunen na.

He̍briyu 13:5 Iomraidhean Croise

Matyu 6:19

“Bekken kuma nga ya kinabacnang idi nga lubung ya punduwen nu. Ta ya kinabacnang idi nga lubung, mapirdi ngas met gapu ka bucbuc se̍ kirang, winno matakew nga takawen diya mangtulisan iya baley.

Matyu 6:25

“Dikad pe̍ idi ngarud ya ibagac dakayu: Madi kayu kuma nga pakadanagan ya pagbiyag nu, nga agten no nagan ya kanen nu winno inumen nu, se̍ madi kayu kuma pe̍ pakadanagan ya beggi nu, nga agten no nagan ya pagkawwes nu. Ta bekken nga didi ya kapatgan, no di ngarud met napatpateg ya biyag ngem kadiya makan, se̍ napatpateg met ya beggi ngem kadiya lupluput.

Matyu 6:34

“Itu nga madi kayu agdanag maipanggep kadiya masapul nu iya sumarunu nga algew. Ta kada sumarunu nga algew, uwed manin tumaud nga pakadanagan nu. Awan kuma idga nu iya pakasikuran nu iya agdama nga algew!”

Markus 7:22

se̍ ya pannakitipun ka bekken na nga asawa, se̍ ya panagagum, panaglucluku, panagsikap, se̍ ya agariman ka naalas, se̍ ya panagiwan, panamadpadake̍c, panagpasindayaw, se̍ ya nadarusudus nga panagbiyag.

Lukas 3:14

Ket uwed da met pe̍ suldadu nga nagsaludsud igina, nga kinunen da, “No dakami, nagan ya masapul nga wanglen mi?” kunen da. Ket kinunen na igida, “Madi nu piliten nga alaken ya kuwarta diya orey nagan na, se̍ madi kayu pe̍ agbusid nga agpabasul ka toley tasun maalac nu ya kuwarta da. Basta mapnec kayu kuma ngasin iya suwildu nun,” kunen na.

Lukas 8:14

Ket dito bukel nga nagdessag iya karuutan nga uwed rasi na, itu diya maiyarig kadiya toley nga makagicna iya kagi ne̍ Apu Diyus, ngem maabac ya pannakabalin na igida, gapu kadiya pakasikuran da, se̍ gapu iya panangtarigagay da ka kinabacnang se̍ pakaragsakan da. Itu nga arig da nga bisic nga madi agmayan.

Ruma 1:29

Napalaus met igidan ya amin nga kita basul, kinadake̍c, kinaagum, se̍ panaggugura. Napalaus pe̍ igida ya panagapal, pumatey, pannakisupyat, panaglibac, se̍ ya panagparbu. Managtsismis da pe̍.

1 Kurintu 5:11

Ya kayat ku nga kagiyen nga gennung, ket ya orey nagan na nga ibilang na ya beggi na nga kabsat nu ka pammati, itu ya di kayu kuma ibulubulun, no isa nga agbasbasul ka pannakikamalala, winno agagum, winno isa nga agtungpal ka didiyusen, winno mamadpadake̍c, winno age̍ng-e̍nglew, winno agtakew. Ngarud, no diya agten iyan nga toley, madi kayu makisangu igida orey no mangan.

1 Kurintu 6:10

se̍ diya agaagaw, naagum, age̍ng-e̍nglew, mamadpadake̍c, winno diya agtakew, ket awan ngarud kadidi diya makipagtawid iya panangiraman ne̍ Apu Diyus igida kadiya iturayan na.

2 Kurintu 4:9

Mairurumen kami pe̍ no duduma, ngem orey a, ta madi nakami nga baybay-an nge̍ Apu Diyus. Pasaray makabkabil kami, ngem agbiyag kami pekkem.

E̍pe̍su 5:3

Ket gapu ta toley nakayun nge̍ Apu Diyus, awan kuma wangwanglen nu nga dake̍c, nga agten kadiya pannakikamalala, winno diya naalas nga panpanunut, se̍ ya kinaagum pe̍. Masapul nga awan pe̍ sapsaputen nu nga agten kadiyan, ta bekken nga tumutup diyan kadiya toley ne̍ Apu Diyus.

E̍pe̍su 5:5

Ta emmu tida met nga amin diya makikamalala, se̍ diya naalas ya panpanunut da, se̍ diya naagum, ket madi da ngarud mairaman nga makipagtawid kadiya iturayan de̍ Kristu nge̍ Apu Diyus. Diya naagum kunec, ta ya aguman da, ket agbalin nga arig nga diyus da nga daydayawen da.

Kulusas 3:5

Dikad pe̍ isardeng nu ngarudin diya dake̍c nga tarigagay nga agtaud das iya lubung. Itu ya arig nga patayen nu diya amin nga nailubungan nga ganggangey nun, nga agten iya pannakikamalala, se̍ diya naalas nga panpanunut, se̍ diya nakal-alyew nga tarigagay se̍ ricricna niya beggi, se̍ ya panagagum pe̍. Ta ya aguman toley, ket agbalin nga arig nga diyus da nga daydayawen da.

1 Timutyu 3:3

Ya agay-aywan iya bungguy, madi pe̍ mabalin ya age̍ng-e̍nglew winno ya nauyung, no di lugud masapul nga nabaru ya ugali na. Madi pe̍ mabalin no mannakisuway winno naagum ka kuwarta.

2 Pe̍dru 2:14

Pe̍yeng nga dake̍c ya mapanunut da no makasingen da ka babey nga bekken da nga asawa, ket madi da met makasardeng iya panagbasul da. Mangawis da kadiya toley nga nakapsut ya panamati na, ket kabisadu da pe̍ yin ya agagum. Igida met diya pakaipaayan niya panangukum ne̍ Apu Diyus!

2 Pe̍dru 2:3

Ket dito mangisursuru ka busid, gapu iya kinaagum da ka kuwarta, gundawayan dakayu gapu kadiya busid nga kagkagi da. Ngem diyan nga toley, sigud nga nakasagana ya Mangukum igidan, orey itun pekkem. Ket bekken ngarud nga agtudtudug yan nga Mangdusa igida.

Hudas 1:11

Kackaasi nad ngas diyan nga toley, ta iparparis da met diya ugali da ito dake̍c nga ugali nito Kain itun. Se̍ kuwarta met ya ipatpateg da, nga agten mettas ito pannakairradu nito Balaam. Ket pakaukuman da ngarud met ya panagsukir da, nga agten mettas ito Kure̍ itun.