He̍briyu 13:4 - Ya Baru nga Tulag

⁴ Dayawen tida kuma nga amin ya panagasawa diya agasawa. Se̍ masapul nga sipupudnu ya tunggal isa iya asawa na. Ta ukumen ngarud ne̍ Apu Diyus diya makikamalala, se̍ diya makitipun ka bekken da nga asawa.

He̍briyu 13:4 Iomraidhean Croise

1 Kurintu 5:13

E̍ Apu Diyus ngas met ya makin-rebbeng nga mangukum kadiya bekken tida nga kabulun ka pammati. Ngem dakayu met ya akin-rebbeng ito naisurat iya Bibliya nga kunen na, “Patalawen nun ya dake̍c nga toley nga makitiptipun dakayu,” kunen na.

1 Kurintu 6:18

Ngarud, adeyyuwan nu kuma ya pannakikamalala, ta maape̍ktaran met ya beggi iya agten iyan nga basul. Diya duduma nga pagbasulan, madi da umape̍ktar iya beggi. Ngem ya toley nga makikamalala, ket ya beggi na mettas ya pagbasulan na.

1 Kurintu 6:9

Arig nga madi nu pekkem patiyen nga diya bekken nga nalinteg, madi da met makipagtawid iya panangiraman ne̍ Apu Diyus igida kadiya iturayan na. Masapul nga madi kayu ngarud maallilaw maipanggep idi. Ta ya kinapudnu na, diya toley nga makikamalala, se̍ diya agtungpal kadiya didiyusen, se̍ diya makitipun ka bekken da nga asawa, se̍ diya agtungpal kadiya ricricna niya kinalalaki winno kinababey da, agten pe̍ kadiya bacyen,

1 Kurintu 7:38

Dikad pe̍ mayat met, orey no mangasawa winno madi mangasawa ya lalaki. Ngem maymayat lugud no madi.

1 Kurintu 9:5

Se̍ orey no uwed kuma itarey mi nga asawa nga pada mi nga mamati, di ngarud kalinteggan mi pe̍? Ta agten met iyan ya wangwanglen dito duduma nga apustule̍s, agten pe̍ kadito kakabsat niya Apu, se̍ agten pe̍ e̍ Pe̍dru.

2 Kurintu 5:10

Ta uwed nad met pannakaisangu tida nga amin e̍ Kristu iya tugew nga pangukuman na. Ket awaten nad niya tunggal isa dactida ya maitutup igina, sigun iya winangel tida ito sibibiyag tida pekkem idi nga lubung, nabaru man winno dake̍c.

Galasiya 5:19

Ket nalawag met ya wangwanglen diya toley nga naidalan iya dake̍c nga tarigagay niya kinatoley da, nga itu didi: ya pannakikamalala, se̍ ya panagpanggep kadiya duduma nga agten iyan nga dake̍c, se̍ ya madi malyew nga agwangel kadiyan.

Galasiya 5:21

Tumaud das pe̍ iya kinatoley diya panagapal, panage̍ng-e̍nglew, panaglucluku, se̍ diya duduma pe̍ nga agten kadidi nin. Ket baliwac ngarudin to pamagbagac dakayu itun, nga diya toley nga agten kadiyan ya wangwanglen da, madi da ngarud makipagtawid iya panangiraman ne̍ Apu Diyus kadiya iturayan na.

E̍pe̍su 5:5

Ta emmu tida met nga amin diya makikamalala, se̍ diya naalas ya panpanunut da, se̍ diya naagum, ket madi da ngarud mairaman nga makipagtawid kadiya iturayan de̍ Kristu nge̍ Apu Diyus. Diya naagum kunec, ta ya aguman da, ket agbalin nga arig nga diyus da nga daydayawen da.

1 Te̍salunika 4:6

Ta awan dakayu kuma ngarud ya mangliput winno manggundaway iya kabsat na ka pammati. Nipakaemmu mi nga nalaing dakayu itun, nga e̍ Apu Diyus, arimanen na ngarud ya kustu nga pakadusaan diya agariman kadiya agten iyan nga kinadake̍c.

1 Timutyu 3:12

Masapul nga isa ngas ya asawa niya tunggal isa nga agbalin nga katulungan niya bungguy mamati. Ket se̍ masapul nga emmu da pe̍ ya nabaru nga panangiturung kadiya anac da se̍ kakobung da.

1 Timutyu 3:2

Ta ya isa nga agay-aywan iya bungguy mamati, masapul ngarud nga awan pakaumsiyan na, se̍ masapul nga isa ngas ya asawa na. Masapul nga agtimbeng se̍ nanakem nga toley, se̍ masapul nga isa nga raemmen diya kapada na. Masapul pe̍ nga isa nga nalaing nga mangsangaili, se̍ masapul nga nalaing nga mangisuru.

1 Timutyu 3:4

Masapul pe̍ nga isa nga nalaing nga mangituray iya kakobung na, tasun bekken nga nasukir diya anac na no di nanakem da.

1 Timutyu 4:3

Ket diya agten iyan nga toley, iyagawa da ya panagasawa. Kanyawen da met pe̍ ya pannangan ka duduma nga makan. Ngem ya kinapudnu na, pinarsuwa met ne̍ Apu Diyus diyan nga makan, tasun dactida nga mamati se̍ makaemmu win iya pudnu, kanen tida kuma nga siiiyaman.

1 Timutyu 5:14

Itu nga kunec nga makiasawa kuma ngas manin diya balu nga bekken pekkem nga bacbaket. Ta nabarbaru met no aganac da kuma pekkem, se̍ no uwed kuma kakobung da nga biyangan da, tasun awan pulus pangdellawan niya mangkuntra dactida.

Titu 1:6

Ta nisuruc ikew itun nga ya panglakayen, masapul nga awan pakasapsaputan na nga dake̍c. Masapul nga is-isa ngas ya asawa na. Ket diya anac na, masapul nga mamati da pe̍, nga bekken da nga agdinamag nga naluku winno nasukir.

He̍briyu 12:16

Agannad kayu pe̍ tasun awan dakayu ya makikamalala, se̍ tasun awan kuma pe̍ dakayu ya madi mangipateg iya tarigagay ne̍ Apu Diyus, nga agten ito E̍saw itun. Ta to E̍saw, madi na met nipateg to tawid na nga naikari igina itun, nga naipaay igina gapu ta igina ya inauna nga anac. Ta nisukat na met to tawid na ka isa ngas nga pannangan.

Paltiing 22:15

Ngem diya malaskig nga gennung ito siyudad, itu diya bekken nga nadalus nga maiyarig ngas ka asu, se̍ diya makibiyang kadiya sacsairu winno iya panaggamut, se̍ diya makikamalala, se̍ diya pumapatey, se̍ diya agdaydayaw kadiya didiyusen se̍ diya mangipalubus ka busid winno diya managbusid pe̍.