He̍briyu 13:3 - Ya Baru nga Tulag

³ Ket no diya pada nu nga mamati nga uwed iya pagbaludan, laglagipen nu da kuma nga makipagricna kayu igida, nga arig nga nisangaibalud kayu pe̍ igida. Se̍ diya agsagsagaba ka orey nagan na, laglagipen nu da kuma pe̍, nga arig nga makipagrigat kayu met pe̍ igida.

He̍briyu 13:3 Iomraidhean Croise

Matyu 25:36

Ito nagkurang ngac ka luput ku, ne̍cdan dac met ka luput. Ito nagsakit tac, inistimar dac met. Ito naibalud dac, nawe̍ dac pe̍ sinacwaran,’ kunen na nad met.

Matyu 25:43

Ito isa ngac nga gan-gannaet, di dac met sinangaili. Ito nagkurang ngac ka luput, di dac pe̍ ne̍cdan ka luput. Ito nagsakit tac se̍ naibalud dac, di dac met sinacwaran,’ kunen nad niya Ari.

Aramid 24:23

Ket binilin nito gube̍rnadur to kapitan nga pabantayan na nge̍ Pablu, ngem madi da kanu parigaten, se̍ bekken pe̍ nga maparitan diya gagayyem na nga mange̍lbe̍t kadiya masapul na.

Aramid 27:3

Ket ito kadamlag na, nakadateng kami ka ili nga Sidun. Ket gapu ta naasiyan nge̍ Kapitan Hulyu e̍ Pablu, pinalubusan na nga nawe̍ simacwar kadiya gagayyem na ka Sidun, tasun igida ya agistimar igina.

Ruma 12:15

Makipaganggem kayu kuma kadiya naanggem, se̍ makipagricna kayu kuma kadiya agladladingit.

1 Kurintu 12:26

Ket no maparigatan ya isa nga parte̍, mairaman pe̍ diya duduma iya panagrigat na. Ket no maibilang nga nadayaw ya isa nga parte̍, mairaman pe̍ diya duduma iya pakaanggemman na.

E̍pe̍su 4:1

Ket itan, iyaken, uwed dac iya pagbaludan nga idi gapu iya panagsirbic iya Apu. Ket sipapasnekkac nga mangbagbaga dakayu nga maitutup kuma ya ugali niya panagbiyag nu iya kinadayaw niya saad nu nga nangpiliyan ne̍ Apu Diyus dakayu.

Kulusas 4:18

Ket iyaken mettas nga Pablu ya nangisurat idi nga nod-odi, nga itu ya pakumustac dakayu. Ikararagan dac kay iya pannakaibalud ku wi. Ket uwed kuma dakayu ya siaayat nga asi ne̍ Apu Diyus.

He̍briyu 10:34

Ta nisakit nu diya kapada nu iya panagrigat da ito naibalud da itun. Ket ito tinagikuwa dito gumurgura dakayu diya sansanicwa nu, nitured nu met nga siaanggem, ata linaglagip nu ya namaymayat nga kuwa nu nga namnamaen nu nga madi mapukaw.

He̍briyu 11:37

Uwed da pe̍ igida diya nadamdampag se̍ dito naputulan met ya beggi da ka ragadi, se̍ uwed da pe̍ napatey ka ispada. Uwed da pe̍ igida diya nakackaasi, gapu ta nagallaalla da ngas met. Lalat kalding se̍ karne̍ru ngas to nagluput da, ket naparparigat se̍ nairurumen da pe̍.

1 Pe̍dru 3:8

Ket ita, idi ya mod-odi nga ibagac: Dakayu nga amin, ket agkaykaysa kayu kuma kadiya panpanunut nu. Agsisinnakit kayu kuma, se̍ agiinnayat kayu nga arig nga diya agkakabsat. Ket mangaasi kayu kuma, se̍ agpakumbaba kayu pe̍.