He̍briyu 13:22 - Ya Baru nga Tulag

²² Ala kakabsat, anusan nu was nga denggen ya pannakaibasa nidi nga surat ku nga pamagbagac dakayu, ta e̍teng ngas met ya panagsurat ku.

He̍briyu 13:22 Iomraidhean Croise

Aramid 13:15

Ket ito nalpasin ya pannakaibasa dito sursurat nito Muyse̍s se̍ dito mammadtu, uwed nibon diya pangulu niya gigimungan kade̍ Pablu. Ket kinunen na kade̍ Pablu, “Wawagi, no uwed maibaga nu nga pamagbaga kadiya toley, waya nu was nga kagiyen,” kunen na.

2 Kurintu 10:1

Ket uwed da met agkunen nga kapdog gac kanu no uwed dac iya imatang nu, ngem no awan nac dakayun, agbalin nac kanu nga nauyung manin. Ket iyaken mettas nga Pablu, iyaken ya mangibilin nga sipapasnec dakayu itan, ket sigun met iya kinaalumamay se̍ kinapakumbaba ne̍ Kristu yani nga panangibilin ku dakayu.

2 Kurintu 5:20

Ngarud, dakamin ya ebbon ne̍ Kristu nga mangibegbeggi igina kadiya toley yin. Ket gapu dakami, awisen ne̍ Apu Diyus diya toltoley. Itu nga gapu ito winangel ne̍ Kristu win, aw-awisen dakayu nga awaten nu kuma ngarudin ya e̍cde̍ ne̍ Apu Diyus nga pakaitunusan nu igina.

2 Kurintu 6:1

Ket gapu ta kabulun nakami nge̍ Apu Diyus idi nga wangel mi, ibilin mi pe̍ nga sipapasnec dakayu nga bekken nu kuma nga iyaleng-aleng ya siaayat nga asi ne̍ Apu Diyus dactida, tasun madi kuma masayang.

Galasiya 6:11

Singen nu kay ya kadackel diya le̍tra nidi nga panagsurat ku, ta iyaken mettas ya mangisurat idi nin.

E̍pe̍su 3:3

Ta gapu iya nangiparangarang ne̍ Apu Diyus, nipakaemmu na iyaken ya panggep na nga madi pekkem naipakaemmu itun. Ket itu ya banag nito e̍teng nga naisurat ku dakayun.

He̍briyu 12:5

Ket madi kayu kuma male̍panan to makapabileg nga balakad ne̍ Apu Diyus dakayu nga anac na, nga kunen na, “Anac ku, madi ka kuma ipagarup nga bekken nga napateg ya panangpatigmaan niya Apu ikew, se̍ di ka kuma makumsa, no ilbec naka.

He̍briyu 13:19

Ket ipangpangrunac dakayu nga ikarkararagan dac kuma, nga no mabalin, makasoli yac kuma dakayu iya di mabayag.

He̍briyu 2:1

Ket gapu kadiyan nga banbanag, masapul ngarud nga lumallalu kuma ya panangipateg tida kadiya panursuru nga naadal tida, tasun bekken tida nga maiyaw-awan ka sabali.

He̍briyu 3:1

Itu nga dakayu nga kakabsat nga pinili ne̍ Apu Diyus nga toley na se̍ kabulun mi nga maipaayan ka nailangitan nga saad, ut-utuben nu kuma ya maipanggep e̍ Je̍sus. Ta igina met ya nibon ne̍ Apu Diyus nga arig nga apustul, se̍ igina pe̍ ya tutu nga Kangatuwan nga Agsirsirbi nga mangibegbeggi iya pammati tida.

He̍briyu 4:1

Ket para dactida ita met pe̍ yan nga naikari nga pagtalnaan nga nisagana ne̍ Apu Diyus. Itu nga agannad tida kuma ngarud, tasun awan dactida ya maibilang nga madi makalak-am iya pannakipaginana e̍ Apu Diyus iyan nga pagtalnaan tida.

He̍briyu 4:11

Dikad pe̍ ikagumaan tida ngarud ya makipaglak-am iyan nga pagtalnaan nga nisagana ne̍ Apu Diyus para dactida. Ikagumaan tida ngarud, tasun awan kuma madi makalak-am iya pagtalnaan na, gapu iya panangkuntra na e̍ Apu Diyus, nga agten mettas kadito sikukuntra nga toley itun pekkem nga madi nakalak-am iyan nga pagtalnaan.

1 Pe̍dru 5:12

E̍ Silbanu nga ibilang ku nga mapagtalkan nga kabsat, igina ya pinagsurat ku idi nga e̍teng nga surat ku dakayu. Ket nisurat ku yani dakayu tasun bagbagaan nakayu, se̍ tasun ipanecnec ku dakayu nga ya pudnu nga siaayat nga panangaasi ne̍ Apu Diyus, ket agten mettas idi nga nisurat ku. Dikad pe̍ pagnamnamaan nu kuma ngarud yani nga panangaasi na dakayu.