He̍briyu 13:16 - Ya Baru nga Tulag

¹⁶ Ket di nu kuma pe̍ liwayan ya panagariman ka nabaru, se̍ ya panagtitinnulung nga siaasi. Ta diya agten kadiyan, arig da nga datun nu nga makaay-ayu e̍ Apu Diyus.

He̍briyu 13:16 Iomraidhean Croise

Lukas 18:22

Ket ito nagicna ne̍ Je̍sus yan nga kunen nito pangulu, ket kinunen na igina, “Uwed pekkem mas isa nga masapul nga wanglem. Ilakum diya amin nga sansanicwam, se̍ ka iwaras ya paglakuwam kadiya napanglaw. Ket iya agten iyan, uwed nad kinabacnang mu ka langitin. Ket kalpasan niya panangiwaras mun, umbe̍t nac suruten nin,” kunen na.

Aramid 10:38

Ket emmu nu met pe̍ nga pinili ne̍ Apu Diyus nge̍ Je̍sus nga iNasare̍t nga nae̍cdan iya Ispiritu Santu se̍ iya pannakabalin na. Ket nagpaspasyar nge̍ Je̍sus nanipud ka Galilya, nga timultulung kadiya toley, se̍ pinalaing na pe̍ diya nasairuwan nga toley, ta uwed met nge̍ Apu Diyus igina.

Aramid 9:36

Ket enna ili nga Huppa itun, uwed isa nga babey nga pasurut ne̍ Je̍sus, nga agnagan ka Tabita. (Durkas ya nagan na ka kagi Griye̍gu, nga kayat na nga kagiyen, ugsa.) Ket pe̍yeng nga agwangwangel to Tabita kadiya napaw-is, nga situtulung se̍ sikakaasi kadiya makasapul.

Ruma 12:13

Biyangan nu kuma diya kapada nu nga mamati, nga tulungan nu da kadiya kasapulan da. Ket managsangaili kayu kuma.

Galasiya 6:10

Dikad pe̍ gapu ta uwed gundaway tida nga agwangel ka nabaru ita, ipaay tida kuma ngarud kadiya amin nga toley, nangruna kadiya kakabsat tida ka pammati.

Galasiya 6:6

Ket no diya toley nga masursuruwan iya kagi ne̍ Apu Diyus, ket rebbeng da met nga ilak-am ya mangisursuru igida kadiya amin nga nabaru nga banbanag.

E̍pe̍su 4:28

Ket no uwed dakayu ya isa nga mannanakew itun, pagpatinggaen nan ya panagtakew na. Ket agwangel kuma lugud nga sigagaget kadiya nabaru win, tasun uwed kuma maitulung na kadiya uwed kasapulan da.

Pilipus 4:14

Ngem orey agten iyan, nabaru yan nga panangisakit nu iya pakarigatac ki.

Pilipus 4:18

Ket kustu mettin to nae̍cde̍ iyaken, ket nagsursuruc pe̍ lugudin. Ta awan pulus masapul kun, gapu ito nipakagtu nu e̍ E̍papruditu nga para iyaken. Ket naibilang ngarud nga nabangug nga pagdatun nu ditun nga ne̍cde̍ nu, nga isa nga datun nga annamungan ne̍ Apu Diyus, nga pakaragsakan na.

1 Te̍salunika 5:15

Laglagipen nu nga madi kayu balsen ka dake̍c diya agariman ka dake̍c dakayu. Ngem ya wanglen nu kuma nga gennung, ikarigatan nu lugud nga pe̍yeng ya agariman ka nabaru iya tunggal isa dakayu, se̍ orey kadiya amin nga toley.

2 Te̍salunika 3:13

Ngem dakayu nga bekken nga agten iyan, kakabsat, madi kayu kuma ngarud nga mauma nga agwangel ka nabaru.

1 Timutyu 6:18

Itu nga ibagam igida nga wanglen da kuma nga pe̍yeng ya nabaru para kadiya makasapul, nga ibilang da kuma nga kinabacnang dan ya panangtulung da ka toley. Ngarud, managkaasi da kuma nga bekken nga nakirmet.

Pilimun 1:6

Ket ikarkararag ku nga gapu iya pannakitipun mu kadiya padam nga uwed pe̍ panamati da, adu kuma ya napaw-is nga pagbanagan niya panamatim, tasun maawatam kuma nga nalaing maipanggep kadiya amin nga paglaingan nga e̍cde̍ ne̍ Kristu dactida gapu iya pannakitipun tida igina.

He̍briyu 6:10

Ta emmu tida nga gapu ta kustu ya pananglinteg ne̍ Apu Diyus, silalagip ngarud kadiya nabaru nga winangel nu. Ket se̍ silalagip pe̍ iya panagayat nu igina, nga ipasingen nu gapu iya panangtulung nu kadiya pada tida nga mamati, nga itu ya winangwangel nu itun, se̍ orey ita pe̍.

3 Juan 1:11

Patgec nga gayyem, madi ka kuma ngarud tuladen ya ugali nga dake̍c, no di kuma ya nabaru ya tuladen nu. Ya agariman ka nabaru, ket kameng ne̍ Apu Diyus. Ngem ya agariman ka dake̍c, madi pekkem makaawat maipanggep iya gangey ne̍ Apu Diyus.