He̍briyu 13:13 - Ya Baru nga Tulag

¹³ Dikad pe̍ dactida, panawan tida kuma ngarud pe̍ yin diya kaaduwan, ta umadenni tida ngarud e̍ Je̍susin. Arig kuma ngarud nga makibulun tida igina iya nagsagabaan na nga laskig niya kampu, ta anusan tida kuma pe̍ yin ya mauy-uyaw gapu igina.

He̍briyu 13:13 Iomraidhean Croise

Matyu 16:24

Ket kinunen ne̍ Je̍sus itun kadito adalan na, “No uwed mayat nga sumurut iyaken, masapul nga ipalikud na diya mismu nga tarigagay na, ket se̍ masapul nga anusan na ya arig nga panangagtu na iya krus na nga pakailansaan na, ket sumurut ngarud iyaken nin.

Matyu 27:32

Ket ito rumrumwar da ito siyudad, nasabet da ya isa nga iSire̍ne̍ nga agnagan ka Simon. Ket nipaagtu dito suldadu nga nipapilit igina to krus ne̍ Je̍sus.

Matyu 5:11

“Dakayu nga maumsi winno mairurumen, winno mapadpadake̍c ka kumpurmi gapu iya panagtungpal nu iyaken, ket maibilang kayu met nga nagasat.

Lukas 6:22

“Nagasat kayu met, orey no guraen dakayu diya toltoley, se̍ no isina dakayu winno amisen dakayu, winno umsiyen da ya kinaturay nu, gapu mettas iya panamati nu iya Anac nga Naipatoley.

Lukas 9:23

Ket kinunen na pe̍ igida nga amin, “No uwed mayat nga sumurut iyaken, masapul nga ipalikud na diya mismu nga tarigagay na, ket se̍ masapul nga anusan na nga inalgew ya arig nga panangagtu na iya krus na nga pakailansaan na, ket sumurut ngarud iyaken nin.

Aramid 5:41

Ket siraragsac nga pimanaw dito apustule̍s ito mimitingan diya kunse̍hale̍s, ta emmu da nga gapu mettas iya winangwangel da maipanggep iya kinaturay ne̍ Je̍sus, nibilang ne̍ Apu Diyus da nga maikari nga aglak-am iyan nga pakaiyal-alyewwan da.

2 Kurintu 12:10

Ket iya agten iyan, gapu iya panagsirsirbic e̍ Kristu, pakaragsakac ngas met diya pagkapsutac, se̍ diya pakaiyal-alyewwac se̍ diya pakarigrigatac se̍ pakairurumnac se̍ diya pagladladingitac. Ta emmuc nga ya pagkapsutac, ket itu met yan ya pakapabilgac.

He̍briyu 11:26

Nibilang na ngarud nga namaymayat no mauy-uyaw gapu iya namnama na iya umbe̍t ne̍ Kristu ngem ito kinabacnang nga malak-am na kuma kadito iE̍hiptu. Ta to Muyse̍s, pe̍yeng nga namnamaen na ya igun-guna nad ne̍ Apu Diyus igina.

He̍briyu 12:2

Ket e̍ Je̍sus kuma ngas ya namnamaen tida, nga arig nga igina ya sisingen tida. Ta igina met ya nangariman iya pangnamnamaan niya panamati tida, se̍ igina met pe̍ ya mangtungpal. Ket e̍ Je̍sus, niturtured na met nga siaanus to pannakatey na ito krus, nga madi na linaglagip to nakaiyal-alyewwan na. Ta laglagipen na nga gennung ya pakaanggemman na nga naikari igina. Ket ita, uwed met nga tutu win nga agtugtugew iya kadayawan nga edyan, nga itu ya madiwanan niya trunu nga pagtugawan ne̍ Apu Diyus.

He̍briyu 12:3

Ngarud, utuben nu kuma ya maipanggep e̍ Je̍sus, tasun mapabileg ya panaganus nu, se̍ tasun bekken kayu nga nalaka nga makumsa. Ta e̍ Je̍sus, niturtured na met itun to nakaru nga pananggura igina dito toley nga managbasul.

He̍briyu 12:4

Ngem no dakayu nga gennung, orey uwed pakaparigatan nu, bekken nga agten ito nakaparigatan na. Ta bekken met pekkem nga agpatingga ka mapatey kayu gapu iya panangkuntra nu ka basul nga gennung.

1 Pe̍dru 4:4

Ket diya kabulun nu itun, nasdaaw da itan, ta madi da maawatan no ape̍ nga madi kayu gabay ya makitipun igidan iya nalaka da nga panangtungpal kadito napalaus nga panagluku. Ket itu nga mamadpadake̍c da ngas dakayun.