He̍briyu 13:1 - Ya Baru nga Tulag

¹ Ituluy nu kuma ya panagiinnayat nu gapu iya panagkakabsat nu ka pammati.

He̍briyu 13:1 Iomraidhean Croise

Juan 15:17

“Ngarud, ibilin ku dakayu yani: Agiinnayat kayu,” kunen ne̍ Je̍sus.

Aramid 2:1

Ket ito nadatngan ya algew niya Padaya Pe̍nte̍koste̍s, uwed dito amin nga mamati nga naur-urnung iya isa nga lugar.

Aramid 4:32

Ket is-isa ya panpanunut dito mamati nga sangkabungguy, se̍ is-isa pe̍ ya tarigagay da. Nagraramanan da diya amin nga sansanicwa da, nga madi da ngarud nagiinnimut kadiya kukuwa da.

Galasiya 5:13

Ngem dakayu, kakabsat, napili nakayu ngarud nge̍ Apu Diyus nga mawayawayaan kadiya agten iyan nga paglinteggan. Ngem orey uwed yani nga wayawaya nun, madi kayu kuma gundawayan yani kadiya kumpurmi nga wanglen nu nga tarigagayan niya kinatoley nu, no di lugud gundaway nu kuma yani nga wayawaya nu nga agsisinnirbi, gapu iya panagiinnayat nu.

Galasiya 5:22

Ket ya masingen kadiya toley nga paiturayan iya Ispiritu ne̍ Apu Diyus, bekken nga agten kadiyan. Ta ya patauden nga gennung niya Ispiritu, itu diya panagayat, panaganggem, se̍ ya panagtalna gapu iya panagtutunus. Agten pe̍ kadiya panaganus, panangaasi, panangtulung, se̍ ya panagpudnu,

Galasiya 5:6

Ta diya toley nga naitipun e̍ Kristu Je̍sus gapu iya panamati da, bekken met nga ya ugali diya toley nga agpakugit winno ya ugali da nga madi agpakugit ya napateg. Ta ya nasken lugud, itu ya panamati nga mangipasingen ka panagayat.

E̍pe̍su 4:3

Ta arimanen nu kuma ya amin nga kabaellan nu nga agtultuluy iya panagkaykaysa nu nga patauden niya Ispiritu ne̍ Apu Diyus, gapu iya panagbubulun nu nga situtunus.

E̍pe̍su 5:2

Ta to panangipateg ne̍ Kristu dactida itun, itu kuma ya ugali nga tultuladen nu ita iya panagbiyag nu. Ta e̍ Kristu, nipalubus na met ya pannakaidatun niya beggi na mettas para dactida. Ket inannamungan ne̍ Apu Diyus yan nga winangel na, nga arig nga nabangug nga sagut se̍ datun nga makaay-ayu mettas e̍ Apu Diyus.

2 Te̍salunika 1:3

Kakabsat, nabaru no pe̍yeng kami nga agyaman e̍ Apu Diyus gapu dakayu. Kustu yan, ta bumilbileg nga unayin ya panamati nu. Ket bumilbileg pe̍ yin ya panagiinnayat nu iya isa ken isa dakayu.

He̍briyu 10:24

Emmuwen tida kuma ngarud pe̍ ya kasasaad diya pada tida nga mamati, tasun mabalin tida nga awisen ya tunggal isa dactida, nga agtitinnulung tida iya panagayat tida se̍ iya panagwangel tida ka nabaru.

1 Pe̍dru 1:22

Ket itan, nadalusan kayu mettin gapu iya panagtungpal nu iya kinapudnu. Dikad pe̍ uwed din dakayu ya napudnu nga panagayat kadiya kakabsat nu ka pammati yin. Itu nga ipasnec nu kuma ngin ya napudnu nga panagiinnayat nu.

1 Pe̍dru 2:17

Dayawen nu ngarud amin nga toley. Ayaten nu diya kakabsat nu ka pammati. Se̍ ipatpateg nu ngarud nge̍ Apu Diyus, ket dayawen nu kuma pe̍ ya ari.

1 Pe̍dru 3:8

Ket ita, idi ya mod-odi nga ibagac: Dakayu nga amin, ket agkaykaysa kayu kuma kadiya panpanunut nu. Agsisinnakit kayu kuma, se̍ agiinnayat kayu nga arig nga diya agkakabsat. Ket mangaasi kayu kuma, se̍ agpakumbaba kayu pe̍.

1 Pe̍dru 4:8

Ket ya kangrunaan na, ituluy nu kuma nga pe̍yeng ya panagiinnayat nu nga sipapasnec. Ta ya panagayat, itu ya pakalingdan diya adu nga basbasul.

2 Pe̍dru 1:7

Ket iya panagtungpal nu e̍ Apu Diyus, iraman nu kuma ya panangipateg kadiya kakabsat nu ka pammati. Ket iya panangipateg nu kadiya kakabsat nu, iraman nu kuma pe̍ ya panagayat.

1 Juan 3:23

Ket didi nga bilin ne̍ Apu Diyus nga tungpalen tida, ket agten idi: Mamati tida iya kinaturay niya Anac na nga Je̍su Kristu, se̍ agiinnayat tida pe̍, maikanatad ito nibilin na dactida.

1 Juan 4:20

Ngem no uwed agkunen nga ayaten na kanu nge̍ Apu Diyus, ngem kagura na met latta ya kapada na, agbusid met. Ta no madi na ayaten ya kapada na nga masingen na, madi met mabalin nga ayaten na nge̍ Apu Diyus nga madi na masingen.

Paltiing 2:4

“Ngem uwed met pe̍ madic gabay ikew, ta bekken nac kun nga ay-ayaten nga agten ito damu.