He̍briyu 12:3 - Ya Baru nga Tulag

³ Ngarud, utuben nu kuma ya maipanggep e̍ Je̍sus, tasun mapabileg ya panaganus nu, se̍ tasun bekken kayu nga nalaka nga makumsa. Ta e̍ Je̍sus, niturtured na met itun to nakaru nga pananggura igina dito toley nga managbasul.

He̍briyu 12:3 Iomraidhean Croise

Matyu 11:19

Ket nagparang ya Anac nga Naipatoley, nga mangmangan se̍ makiin-inum met nga gennung, ket kunkunen da manin, ‘Ahah! Narawet se̍ age̍ng-e̍nglew met yani, ket makigayyem met pe̍ kadiya agsingsingir ka buis se̍ diya managbasul,’ kunen da met nga sidedellaw. Ngem orey no agten iyan ya kunkunen da, ket emmu tida nga ya pudnu nga kinasirib, maipasingen met gapu kadiya naar-ariman,” kunen na.

Matyu 12:24

Ngem ito nadamag dito Parisiyu to winangel ne̍ Je̍sus, kinunen da, “Ya panangpatalew na ka sairu, ket gapu was met iya turay nga e̍cde̍ ne̍ Be̍e̍lse̍bub nga pangulu diya sairu igina,” kunen da.

Matyu 15:2

“Ape̍ nga madi tungpalen diya adalan mu diya ug-ugali nga nipatawid dito am-ama tida? Madi da ngarud tungpalen, ta madi da met agbeggu nga kustu age̍ da nga mangan,” kunen da.

Matyu 21:23

Ket nawe̍ nge̍ Je̍sus enna Te̍mplu. Ket ito madama nga mangisursuru win, nawe̍ ito edyan na dito pangulu diya agsirsirbi iya Te̍mplu se̍ dito panglakayen diya Hudyu. Ket nagsaludsud da e̍ Je̍sus, nga kinunen da, “Awac ngarud ya naggayatan niya turay mu nga agariman kadiya ar-arimanem? Nagan ya nange̍cde̍ ikew iyan nga turay mu?” kunen da.

Matyu 21:46

Ket gabay da nga tacmen kuma, ngem nansing da kadito toltoley, gapu ta ibilang diya toltoley nga isa nga mammadtu ne̍ Apu Diyus nge̍ Je̍sus.

Matyu 22:15

Ket dito Parisiyu, pimanaw da itunin, nga nawe̍ da nagiinnumanan no kumaan da kuma nga pagbasulen nge̍ Je̍sus gapu iya kagiyen na.

Lukas 14:1

Ket iya name̍nsan nga Algew Ngilin, nawe̍ nakipangan nge̍ Je̍sus iya baley niya isa nga pangulu diya Parisiyu. Ket sinicsiiman da nge̍ Je̍susin.

Lukas 15:2

Ket ito nasingen dito Parisiyu se̍ dito manursuru iya Linteg yan, nagtanabotob da maipanggep e̍ Je̍sus, nga kinunen da, “Ibulun met nidi nga toley diya managbasul, se̍ kasangu na da pe̍ nga mangan!” kunen da.

Lukas 16:14

Ket ito nagicna dito Parisiyu yan nga kinagi ne̍ Je̍sus, inuyaw dan, gapu ta mangipatpateg da met nga tutu ka kuwarta.

Lukas 2:34

Ket nikararagan ne̍ Simyun da, ket kinunen na e̍ Marya nga ina nito ebbing, “Ngarud, naipaay met yani nga ebbing nga pakaipaseggeddan se̍ pakaipangatuwan diya adu nga toley idi nga Israe̍l. Ket igina pe̍ ya naipaay nga pagilasinan nga kunkuntraen nad diya toley.

Lukas 5:21

Ket dito manursuru iya Linteg, se̍ dito Parisiyu, kinunkunen da iya lemlemmet da, “Ahah! Maikuntra met e̍ Apu Diyus ya kagkagiyen nidi nga toley! Awan met makapakawan ka basul no di yas e̍ Apu Diyus,” kunen da.

Juan 10:20

Adu igida diya agkunkunen nga, “Naluganan met ka sairu yan! Agel-ellut mettin! Ape̍ nga dengdenggen nu ya kagi nan?” kunen da.

Juan 18:22

Ket ito apaman nga naikagi ne̍ Je̍sus yan, tinungpa met niya isa kadito guwardiya nga uwed antuni, nga kinunen na e̍ Je̍sus, “Nih! Ape̍ nga agten iyan ya panagsungbat mu iya isa nga kangatuwan nga agsirsirbi iya Te̍mplu?” kunen na.

Juan 5:16

Dikad pe̍ dito pangpangulu diya Hudyu, nawe̍ da kinuntra nge̍ Je̍susin, ta nangpalaing iya Algew Ngilin.

Juan 7:12

Ket diya toltoley iyan nga makipadpadaya ngin, adu diya nagiinnasasim ka maipanggep e̍ Je̍sus. Kinunen diya duduma nga nanacman kanu nge̍ Je̍sus. Ngem “Bekken,” kunen met diya duduma, “ta allilawen na met diya toltoley,” kunen da.

Juan 8:13

Ket kinunen dito Parisiyu igina, “Ikew mettas ya mangpanecnec iya beggi mun. Dikad pe̍ bekken nga nakapapati ya pammanecnec mun,” kunen da.

Juan 8:52

Ket dito Hudyu, kinunen da iginan, “Iyan! Masiguradu min nga nasairuwan kan! Natey met to Abraham se̍ dito mammadtu, ngem kunem met nga madi nad matey diya mangtungpal iya kagim.

Juan 8:59

Ket iya agten iyan, pimidit dito Hudyu ka batu tasun dampagen da kuma. Ngem sililinged nge̍ Je̍sus nga pimanaw iya Te̍mplu win.

Juan 9:40

Ket uwed da pe̍ antuni diya duduma nga Parisiyu iya denni e̍ Je̍sus, ket nagicna da to kinagi na. Ket sinaludsud da igina, “Kayat mu kad nga kagiyen nga kulap kami pe̍?” kunen da.

1 Kurintu 15:58

Dikad pe̍ patpatgec nga kakabsat, nabileg kuma nga pe̍yeng ya panamati nu, se̍ madi kayu kuma maawis ka sabali. Ket napasnec kuma nga pe̍yeng ya panagsirbi nu iya Apu, ta emmu nu nga uwed paglaingan niya panagbannug nu iya panagsirbi nu iya Apu.

2 Kurintu 4:1

Ket gapu iya panangaasi ne̍ Apu Diyus dakami, nitalec na dakami yani nga panagsirbi mi nga mangipakaemmu maipanggep e̍ Kristu. Itu nga madi kami makumsa iya panagsirbi mi,

2 Kurintu 4:16

Itu yan ya gapu na nga madi kami makumsa iya panagsirbi mi. Ket ya kinapudnu na, orey no kumapkapsut diya beggi mi, inalgew met nga mapabileg diya panpanunut mi.

Galasiya 6:9

Itu nga madi tida kuma nga makumsa iya panagwangel ka nabaru. Ta no madi tida kumapuy kadidi, uwed ngarud arig nga maapit tida nga nabaru, no madatngan nad ya kustu nga timpu na.

2 Te̍salunika 3:13

Ngem dakayu nga bekken nga agten iyan, kakabsat, madi kayu kuma ngarud nga mauma nga agwangel ka nabaru.

He̍briyu 12:2

Ket e̍ Je̍sus kuma ngas ya namnamaen tida, nga arig nga igina ya sisingen tida. Ta igina met ya nangariman iya pangnamnamaan niya panamati tida, se̍ igina met pe̍ ya mangtungpal. Ket e̍ Je̍sus, niturtured na met nga siaanus to pannakatey na ito krus, nga madi na linaglagip to nakaiyal-alyewwan na. Ta laglagipen na nga gennung ya pakaanggemman na nga naikari igina. Ket ita, uwed met nga tutu win nga agtugtugew iya kadayawan nga edyan, nga itu ya madiwanan niya trunu nga pagtugawan ne̍ Apu Diyus.

He̍briyu 12:5

Ket madi kayu kuma male̍panan to makapabileg nga balakad ne̍ Apu Diyus dakayu nga anac na, nga kunen na, “Anac ku, madi ka kuma ipagarup nga bekken nga napateg ya panangpatigmaan niya Apu ikew, se̍ di ka kuma makumsa, no ilbec naka.

He̍briyu 3:1

Itu nga dakayu nga kakabsat nga pinili ne̍ Apu Diyus nga toley na se̍ kabulun mi nga maipaayan ka nailangitan nga saad, ut-utuben nu kuma ya maipanggep e̍ Je̍sus. Ta igina met ya nibon ne̍ Apu Diyus nga arig nga apustul, se̍ igina pe̍ ya tutu nga Kangatuwan nga Agsirsirbi nga mangibegbeggi iya pammati tida.

1 Pe̍dru 2:23

Ket ito linais da, madi bimalbales nga limais. Ket ito nangparigat da igina, madi met namanpansing igida ka dusa da, no di lugud nitalec na ngas ya kasasaad na iya napudnu ya pananglinteg na, nga itu nge̍ Apu Diyus.

Paltiing 2:3

Ket emmuc met pe̍ nga naanus ka, ta itured mu ya agrigat gapu iya panagsirsirbim iyaken, ket di ka pe̍ nakumsa.