He̍briyu 11:7 - Ya Baru nga Tulag

⁷ Ket to Nue̍ pe̍, gapu ta uwed panamati na, tinungpal na to bilin ne̍ Apu Diyus ito nilawag ne̍ Apu Diyus igina ya maipanggep kadiya banbanag iya maadpangan nga di na pekkem nas-asingen. Tinungpal ngarud nito Nue̍ nga situtudyu, ta inariman na to daung nga nakaisalakanan da nga sangapamilya ito layus. Ket gapu ito panagtungpal na nga situtudyu, naipakaemmu itun nga uwed met pakaukuman diya uwed idi nga lubung. Ket to Nue̍, gapu ta uwed panamati na, nibilang ne̍ Apu Diyus nga nalinteg.

He̍briyu 11:7 Iomraidhean Croise

Matyu 2:12

Ket ito simoli da ito ili da, sabali ya dinalan dan, gapu ta uwed nipakaemmu ne̍ Apu Diyus igida iya pasmeg da nga madi da nga sumolsoli iya edyan ne̍ Ari He̍rude̍sin.

Matyu 24:15

“Itu nga masingen nu nad nga nakasikad iya nasantuwan nga edyanin to ‘Nakar-aryec nga Mangpirdi’, nga nipadtu nito mammadtu nga Danye̍l itun. (Ikew nga agbasbasa idi nga naisurat, masapul nga maawatam ya kaipapennan nidi.)

Matyu 24:25

Tandaanan nu ngarud didi nga kagic. Nipakaemmuc didi dakayun sacbay nga mapasamac da.

Matyu 24:38

Ta ito timpu sacbay nito layus itun, nitultuluy ngas met dito toltoley to winangwangel da nga nangnangan se̍ nagin-inum, se̍ nagaasawa. Itu ngarud met to winangwangel da latta, agingga ito algew nga imuneg de̍ Nue̍ ito daung.

Matyu 3:7

Ket ito nasingen ne̍ Juan nga adu diya Parisiyu se̍ Sadusiyu nga umbe̍t agpabautisar, kinunen na met igida, “Arig kayu ngas nga putputut diya nagita nga malaga! Ape̍? Nagan kad ya nangibaga dakayu nga masapul nu nga ilisi diya beggi nu iya maadpangan nga pannakaukum?

Lukas 17:26

“Ket no kumaan to kasasaad dito toltoley ito timpu nito Nue̍ itun, ket agten nad met iyan no madatngan ya timpu niya Anac nga Naipatoley.

Ruma 1:17

Tutu met nga isalakan ne̍ Apu Diyus diya mamati, ta gapu iya Makaparagsac nga Damag, maipakaemmu ya panangpalinteg na iya toley. Ket idi nga pannakapalinteg, ket gapu ka panamati nga agbanag mettas pe̍ ka panamati manin. Agten mettas iyan ya naisurat iya Bibliya nga kunen na, “Diya naibilang nga nalinteg, agbiyag da nad nga situtured gapu iya panamati da.”

Ruma 10:6

Ngem bekken nga agten iyan ya pannakapalinteg niya toley sigun iya paglinteggan niya panamati. Ta nisurat pe̍ nito Muyse̍s nga, “Madi ka kuma ipagarup nga masapul nga uwed agpangudu nga mawe̍ ka langit,” kunen na, ket kayat na nga kagiyen nga tasun uwed kuma mangipasegged nga mange̍lbe̍t e̍ Kristu idi dactida.

Ruma 3:22

Ket agten idi: Gapu iya panamati diya toltoley nga mamati e̍ Je̍su Kristu, ibilang ne̍ Apu Diyus da nga amin nga nalinteg iya imatang na. Agten iyan ngarud, ta iya imatang ne̍ Apu Diyus, awan pulus pagdudumaan diya toley.

Ruma 4:11

Ket to pannakakugit nito Abraham, itu ya isa nga pagilasinan nga mangpanecnec nga nibilang ne̍ Apu Diyus nga nalinteg gin, gapu ngas iya panamati na, orey ito di pekkem nakugit itun. Agten iyan ya napasamac tasun to Abraham, agbalin nga maibilang nga ama diya amin nga toltoley nga sumarunu igina nga ibilang ne̍ Apu Diyus nga nalinteg, gapu ngas iya panamati da, orey no bekken da nga nakugit.

Ruma 4:13

Laglagipen tida kuma pe̍ to nikari ne̍ Apu Diyus itun e̍ Abraham se̍ kadiya kapututan na, nga tagikuwaen da nad ya amin nga uwed iya lubung, nga arig nga tawid da. Ta nikari ne̍ Apu Diyus yan, bekken nga gapu ta nagtungpal to Abraham ka linteg, no di lugud gapu ta naibilang nga nalinteg gapu iya panamati na.

Ruma 9:30

Dikad pe̍ agten idi ya maemmuwan tidan: Dito bekken nga Hudyu, madi da sinapsapul itun ya pannakapalinteg. Ngem itan, naipaay met igidan, ta naibilang da nga nalinteg gin gapu iya panamati da.

Galasiya 5:5

Ngem no dakami, namnamaen mi ya pannakaibilang mi nga nalinteg iya imatang ne̍ Apu Diyus gapu iya Ispiritu na. Itu nga sinanama kami gapu iya panamati mi.

Pilipus 3:9

Ket gapu iya pannakaitipun ku igina, maibilang ngac nga nalinteg gin. Ngem bekken nga gapu iya panangtungpal ku ito Linteg ya nakapalinteggac, no di gapu mettas iya panamatic e̍ Kristu. Ket itu yan ya kinalinteg nga gayat e̍ Apu Diyus, nga gapu was ka panamati.

He̍briyu 11:1

Ket no maipanggep iya panamati, itu ya panangnamnama tida nga sitatalged, se̍ ya pannakaemmu tida nga uwed nga tutu diya di pekkem masingen nga banbanag.

He̍briyu 12:25

Ket itu nga annadan nu ngarudin, nga madi kayu agmadi iya panangbagbaga niya mangbagbaga dakayu itan, nga itu nge̍ Apu Diyus. Ta madi kayu kuma tuladen dito toley itun, nga madi da nalisiyan ya dusa da itun, ito nagmadi da iya nibilin niya nangbagbaga igida ito uwed da pekkem idi nga lubung. Ket no madi nakalisi ditun ito dusa da, di ngarud nangnangruna tida ita nga madusa, no agmadi tida iya ibilin niya mangbagbaga dactida ita manipud ka langit?

He̍briyu 5:7

Ket ito kauwed ne̍ Je̍sus idi nga lubung, nagkarkararag nga nagad-adeng e̍ Apu Diyus, nga igina ngarud ya uwed pannakabalin na nga mangilisi e̍ Je̍sus ka patey. Nagberrit se̍ imawag nge̍ Je̍sus ka nabileg ito panagkararag na. Ket dinngeg ngarud ne̍ Apu Diyus, gapu ta sipapakumbaba nga nagtungpal nge̍ Je̍sus igina.

He̍briyu 8:5

Ngem ya kaipapennan niya panagsirsirbi diya agsirsirbi idi nga lubung, kaiyarigan ngas met niya kustu nga uwed enna langit, ta arig nga kaasping winno niniwing ngas niya pudnu. Ta agten met ito timpu nito Muyse̍s, ito nisuru ne̍ Apu Diyus igina ya panangbangun na ito pagdaydayawan nga tulda itun. Ta nibilin ngarud ne̍ Apu Diyus ito Muyse̍s itun, nga kinunen na, “Kadiya amin nga arimanem, annadam ngarud ya panangtulad mu, tasun maikanatad nga tutu ito nisuruc ikew enna Tageytey Sinay,” kunen na.

1 Pe̍dru 3:20

Itu dito kararuwa dito toley nga madi nagtungpal e̍ Apu Diyus ito timpu nito Nue̍. Nit-iton ne̍ Apu Diyus nga siaanus ya panagbabawi da itun, ito ar-arimanen pekkem nito Nue̍ to daung. Ket walwalu ngas met dito toley nga naglugan ito daung, nga itu to nakaisalakanan da gapu ito danum.

2 Pe̍dru 1:1

Iyaken nge̍ Simon Pe̍dru nga isa nga agsirsirbi e̍ Je̍su Kristu se̍ ya isa nga apustul nga agpaay igina. Agsurat tac dakayu nga nae̍cdan ka pammati nga kapada mettas niya napateg nga pammati mi, gapu iya nalinteg nga gangey niya Diyus tida se̍ Mangisalakan dactida, nga itu nge̍ Je̍su Kristu.

2 Pe̍dru 2:5

Agten iyan pe̍ kadito nona nga toley idi nga lubung, ta madi da pe̍ nakalisi itun, ito linayus ne̍ Apu Diyus ya ginet nga pagedyanan dito toley nga madi agdayaw igina. Ito Nue̍, nga nangipakaemmu iya kinalinteg nga gabay ne̍ Apu Diyus, se̍ dito pitu nga kabulun na, igida ngas diya nisalakan ne̍ Apu Diyus ito layus.

2 Pe̍dru 3:6

Ket danum met pe̍ ya inusar ne̍ Apu Diyus nga nangpukaw kadito parsuwa na nga uwed iya lubung, ito linayus na da itun.