He̍briyu 11:5 - Ya Baru nga Tulag

⁵ Ket to E̍nuc pe̍, gapu ta uwed panamati na, madi natey, ata inalac ne̍ Apu Diyus nga nipen ka langit ito sibibiyag pekkem. Ket madi nasmac dito pada na nga toley, ta naalac mettin. Ket emmu tida maipanggep ito panamati na, ta sigun ito naisurat iya Bibliya maipanggep igina, naemmuwan tida nga ito sibibiyag pekkem to E̍nuc idi nga lubung, naay-ayu na nge̍ Apu Diyus.

He̍briyu 11:5 Iomraidhean Croise

Lukas 2:26

Ket nipaltiing niya Ispiritu Santu ito Simyun itun nga madi pekkem kanu matey agingga nga di na masingen ya Kristu nga ibon niya Apu.

Lukas 3:37

To Lamec, anac nito Matusale̍m, to Matusale̍m, anac nito E̍nuc, to E̍nuc, anac nito Hare̍d, to Hare̍d, anac nito Mahalale̍e̍l, to Mahalale̍e̍l, anac nito Kainan.

1 Te̍salunika 2:4

Ket iyan nas maikanatad iya gabay ne̍ Apu Diyus ya balbalikasen mi, ta inannamungan nakami nga matalec iya Makaparagsac nga Damag. Bekken met nga toley ya gabay mi nga ay-ayuwen kadiya balbalikasen mi, no di lugud e̍ Apu Diyus. Ta igina met ya mangsuut iya ranta tida.

He̍briyu 11:6

Ngarud, no awan panamati tida, madi met mabalin nga ay-ayuwen tida nge̍ Apu Diyus. Ta ya orey nagan na nga mayat nga umadenni kuma nga agdayaw e̍ Apu Diyus, masapul ngarud nga patiyen na nga uwed Diyus, se̍ patiyen na pe̍ nga e̍ Apu Diyus, igina ya manggun-guna nga tutu kadiya mangemmu igina.

He̍briyu 2:9

Ngem emmu tida nga e̍ Je̍sus, nagbalin ngarud itun nga nanumnumu ngem kadiya anghe̍le̍s, ngem madi nagbayag yan nga timpu. Ket gapu iya siaayat nga asi ne̍ Apu Diyus dactida, nalak-aman ne̍ Je̍sus ya pannakatey nga maipaay iya tunggal isa nga toley. Ket ya emmu tida ngarud itan, ket arig nga nabalangatan met nge̍ Je̍sus nga sibaballaigi yin. Ta napadayawan nga tutu win nga nae̍cdan ka maraem nga saad nan, gapu ito linak-am na nga pannakatey.

1 Juan 3:22

Ket orey nagan na nga adngen tida igina, ipaay na dactida, ta tungpalen tida diya bilin na se̍ wanglen tida pe̍ diya makaay-ayu igina.

Hudas 1:14

Ket orey to E̍nuc itun, nga maikapitu ito kapututan nito Adan, uwed nipadtu na itun pekkem maipanggep iya agten kadiyan nga toley. Ta kinunen na ito padtu na, “Denggen nu! Umbe̍t nad met ya Apu agraman diya rinibribu nga anghe̍le̍s na,