He̍briyu 11:13 - Ya Baru nga Tulag

¹³ Ket amin ditun nga toley, natey da nga sipapati, orey madi da pekkem naawat itun to nikari ne̍ Apu Diyus igida. Ngem arig nga nasingen da mettin, gapu ta namati da. Ket iya agten iyan, binigbig da ngarud nga arig da nga gan-gannaet idi nga lubung, nga awan pekkem kustu nga ili da itun.

He̍briyu 11:13 Iomraidhean Croise

Matyu 13:17

Tutu ngarud met nga adu dito mammadtu se̍ dito nalinteg nga toley itun nga nagkalikagum nga makasingen kuma idi nga masingsingen nu ita, ngem madi da met nasingen. Ket nagkalikagum da met pe̍ nga makagicna kuma idi nga magicgicna nu ita, ngem madi da met pe̍ nagicna.”

Juan 12:41

Kinunen nito Isayas yan, ta naipasingen pe̍ igina itun ya kinadayaw ne̍ Je̍sus, ket e̍ Je̍sus met ya nikasaba nito Isayas itun pekkem.

Juan 8:56

Ket to Abraham nga ama nu, siraragsac itun nga ninamnama na ya inumbe̍t ku idi. Ket naragsakan ngarud to Abrahamin, ta nasingen nan ya panagparang ku,” kunen na.

Ruma 4:21

Sinanama nga unay nge̍ Abraham itun nga kabaellan nga tungpalen ne̍ Apu Diyus to kari na igina.

Ruma 8:24

Ket tutu met nga namnamaen tida yanin gapu iya pannakaisalakan tida. Mangnamnama tida pekkem ngarud, ta no uwed dactidan ya ninamnama tida, bekken nin nga tutu nga namnama yanin. Ta awan ngarud mangnamnama nga mangpadpadaan iya uwed iginan.

2 Kurintu 4:18

Ta bekken nga diya masingsingen idi nga lubung ya laglagipen mi, no di lugud diya di masingen nga banbanag. Ta diya masingen nga banbanag, ket agpatingga da nad mettas. Ngem diya madi masingen nga banbanag, ket agnanayun da met.

2 Kurintu 5:6

Itu nga natalged nga pe̍yeng ya panpanunut mi. Ket emmu mi nga bayat niya kinauwed pekkem didi nga beggi mi, madi kami pekkem nga makipagedyan iya Apu iya edyan na.

E̍pe̍su 2:19

Dikad pe̍ itan, dakayu nga bekken nga naibilang nga toley ne̍ Apu Diyus itun, bekken kayu nga arig nga gan-gannaet winno pakiyan nin, no di lugud agkakailiyan kayun, nga makitipun kayu kadiya toley ne̍ Apu Diyusin. Ket kamkameng nakayu met pe̍ yin ya pamilya na.

He̍briyu 11:14

Itu nga maawatan tida nga uwed pekkem namnamaen da nga sabali nga ili da, ta kunen da met nga gan-gannaet da kanu.

He̍briyu 11:17

Ket to Abraham manin, gapu ta uwed panamati na, idatun na kuma nga tutu ya anac na nga Isaac kin, ito nibilin ne̍ Apu Diyus to pangsigir na ito Abraham. Ket to Abraham, idatun na kuma nga tutu win to kackaisu nga anac na itun, orey to Abraham mettas to nakaibagaan nito kari ne̍ Apu Diyus.

He̍briyu 11:27

Ket gapu pe̍ ito panamati nito Muyse̍s, pimanaw ka E̍hiptu nga situtured, ket madi nansing orey emmu na ya gura nito ari. Ket gapu ito panamati na, madi ngarud nagduwaduwa, ta arig ngamin nga masisingen nito Muyse̍s itun nge̍ Apu Diyus nga madi masingen.

He̍briyu 11:39

Ket amin ditun nga toley, nipakaemmu ne̍ Apu Diyus nga inannamungan na da ngarud gapu iya panamati da. Ngem orey inannamungan ne̍ Apu Diyus da, madi pekkem natungpal igida itun to nikari na igida.

1 Pe̍dru 1:1

Iyaken nge̍ Pe̍dru, nga isa nga apustul nga agpaay e̍ Je̍su Kristu. Surat ku yani dakayu nga pinili ne̍ Apu Diyus nga toley na, nga dakayu nga arig nga gan-gannaet nga naiwaraswaras kadiya il-ili kadiya prubinsiya nga Puntu, Galasiya, Kapadusiya, Asiya, se̍ Be̍tanya.

1 Pe̍dru 1:17

Ket emmu tida nga e̍ Apu Diyus, awan idumduma na iya panangeddeng na, no di lugud mangikeddeng iya pagbanagan niya tunggal isa nga toley sigun nas iya wangel da. Ket igina met ya aw-awagan nu nga Ama nu, itu nga bayat niya pannakaibilang nu nga gan-gannaet idi nga lubung, masapul ngarud nga pe̍yeng nga timbengngen nu ya panagbiyag nu nga siaannad.

1 Pe̍dru 2:11

Dakayu nga patpatgec, maibilang kayu nga sangsangaili se̍ gan-gannaet ngas met idi nga lubung. Itu nga bilinen nakayu nga sipapasnec, nga bekken kuma nga diya dake̍c nga tarigagay diya beggi nu ya tungtungpalen nu, ta mangkuntra didi kadiya nabaru nga panggep nu.

1 Juan 3:19

Ket ya napudnu nga panagayat tida iya kapada tida, itu ya pakaemmuwan tida nga kameng nactida ya pudnu nga pammati. Ket iya agten iyan, agtalged tida pe̍ iya imatang ne̍ Apu Diyus.