He̍briyu 11:11 - Ya Baru nga Tulag

¹¹ Ket orey to Sara nga asawa nito Abraham, gapu mettas ka panamati, nabucsit met, orey bacbaket se̍ lakay da nga unay itunin, ta namnamaen na ngamin nga tungpalen ngarud ne̍ Apu Diyus ya kari na igida.

He̍briyu 11:11 Iomraidhean Croise

Lukas 1:36

“Ket malagip mu pe̍ nge̍ kabagiyam nga E̍lisabe̍t nga kunen da itun nga lupes. Ket ita, mabucsit mettin, orey no bacbaket nga unayin, ket lalaki met ya bucsit na. Ennem nga bulan niya bucsit nan.

Ruma 9:8

Dikad pe̍ kayat na nga kagiyen nga diya maibilang nga anac ne̍ Apu Diyus, bekken nga diya uwed ngas kadawyan nga pannakaiyanac da nga kapututan nito Abraham. Diyan nas naiyanac iya nakatungpalan nito kari ne̍ Apu Diyus ito Abraham diya maibilang nga pudnu nga anac nito Abraham.

Galasiya 4:23

Ket to anac na ito tagabu, kadawyan nas ya pannakaiyanac na. Ngem to anac na ito asawa na nga bekken nga tagabu, naiyanac nga pakatungpalan nito kari ne̍ Apu Diyus igida.

He̍briyu 10:23

Ipateg tida kuma ngarud pe̍ nga sipapasnec ya pammati tida maipanggep iya pagnamnamaan tidan. Ta emmu tida nga e̍ Apu Diyus, tungpalen na ngarud diya kari na.