He̍briyu 11:1 - Ya Baru nga Tulag

¹ Ket no maipanggep iya panamati, itu ya panangnamnama tida nga sitatalged, se̍ ya pannakaemmu tida nga uwed nga tutu diya di pekkem masingen nga banbanag.

He̍briyu 11:1 Iomraidhean Croise

Aramid 20:21

Se̍ napasnekkac pe̍ nga mangbagbaga kadiya kapadac nga Hudyu, se̍ orey pe̍ kadiya bekken nga Hudyu, ta nibagac nga sumurut da kuma nga sibababawi e̍ Apu Diyus se̍ mamati da iya Apu tida nga Je̍sus.

1 Kurintu 13:13

Ket uwed ngarud tellu nga awan panagpatingga da, nga itu ya panamati, se̍ ya sinanama nga panpanunut, se̍ ya panagayat. Ngem kangrunaan kadidi ya panagayat.

2 Kurintu 11:17

Ket maemmuwan nu kuma pe̍ yin nga idi nga ibagbagac, bekken nga maikanatad iya gangey niya Apu, a. Ta arig ngarudin nga panagpasindayaw niya isa nga agkurang.

2 Kurintu 4:18

Ta bekken nga diya masingsingen idi nga lubung ya laglagipen mi, no di lugud diya di masingen nga banbanag. Ta diya masingen nga banbanag, ket agpatingga da nad mettas. Ngem diya madi masingen nga banbanag, ket agnanayun da met.

2 Kurintu 5:17

Ket agten iyan met pe̍ ya panangibilang niya orey nagan na nga toley nga maitipun e̍ Kristu. Ta ya toley nga maitipun e̍ Kristu, maiyarig nga kabarbaru nga parsuwa ngin. Ket nabaliwanin dito daan nga panpanunut na ka kabarbaru nga panpanunutin.

2 Kurintu 5:7

Ta ita, panamati ngas met maipanggep iya pannakaitipun tida nad igina ya pagnamnamaan mi iya panagbiyag mi, ta madi tida pekkem masingen.

2 Kurintu 9:4

Ta no umbe̍t tac nad iyan nga edyan nu, kaynun no uwed da nad kabulun ku nga iMase̍dunya. Ket no madateng da nga bekken kayu pekkem nga nakasagana iya itulung nu, ket mapaalyew kamin, ket nangruna dakayu. Ta no agten iyan, agbalin nga busidin ya panagnamnama mi dakayun.

Galasiya 5:6

Ta diya toley nga naitipun e̍ Kristu Je̍sus gapu iya panamati da, bekken met nga ya ugali diya toley nga agpakugit winno ya ugali da nga madi agpakugit ya napateg. Ta ya nasken lugud, itu ya panamati nga mangipasingen ka panagayat.

Titu 1:1

Iyaken nge̍ Pablu nga isa nga agsirsirbi e̍ Apu Diyus se̍ isa nga apustul nga agpaay e̍ Je̍su Kristu. Naibon nac nga mangpabileg iya panamati diya pinili ne̍ Apu Diyus nga an-anac na, se̍ tasun mangiturung ngac pe̍ igida iya kustu nga sursuru niya pammati tida, nga itu ya sursuru nga agiturung iya panagtungpal iya tarigagay ne̍ Apu Diyus.

He̍briyu 10:22

Dikad pe̍ umadenni tida kuma ngarud e̍ Apu Diyus, nga sipupudnu tida kuma se̍ awan kuma duwaduwa tida iya panagtalged tida nga sipapati yin. Ta awan kansing tidan nga pannakadusa gapu ka basul, ta arig nga nawarsiyan diya lemlemmet tidan. Ket se̍ diya beggi tida, naibilang da nga nadalusanin, nga arig nga naugasan ka nadalus nga danum.

He̍briyu 10:39

Ngem no dactida, bekken nactida met nga kamkameng dito mangadeyyu nga siaalyew, nga itu diya mapukaw nga toley. Kamkameng nactida ngarud diya mamati, nga itu diya maisalakan.

He̍briyu 11:13

Ket amin ditun nga toley, natey da nga sipapati, orey madi da pekkem naawat itun to nikari ne̍ Apu Diyus igida. Ngem arig nga nasingen da mettin, gapu ta namati da. Ket iya agten iyan, binigbig da ngarud nga arig da nga gan-gannaet idi nga lubung, nga awan pekkem kustu nga ili da itun.

He̍briyu 11:27

Ket gapu pe̍ ito panamati nito Muyse̍s, pimanaw ka E̍hiptu nga situtured, ket madi nansing orey emmu na ya gura nito ari. Ket gapu ito panamati na, madi ngarud nagduwaduwa, ta arig ngamin nga masisingen nito Muyse̍s itun nge̍ Apu Diyus nga madi masingen.

He̍briyu 11:7

Ket to Nue̍ pe̍, gapu ta uwed panamati na, tinungpal na to bilin ne̍ Apu Diyus ito nilawag ne̍ Apu Diyus igina ya maipanggep kadiya banbanag iya maadpangan nga di na pekkem nas-asingen. Tinungpal ngarud nito Nue̍ nga situtudyu, ta inariman na to daung nga nakaisalakanan da nga sangapamilya ito layus. Ket gapu ito panagtungpal na nga situtudyu, naipakaemmu itun nga uwed met pakaukuman diya uwed idi nga lubung. Ket to Nue̍, gapu ta uwed panamati na, nibilang ne̍ Apu Diyus nga nalinteg.

He̍briyu 2:3

Dikad pe̍ ita, madi tida ngarud met pe̍ makalisi iya pannakadusa tida, no liwayan tida ya panangipateg idi nga pannakaisalakan tida. Ta ya Apu nga mismu ya nona nga nangipakaemmu idi nga pannakaisalakan nga ipaay na. Ket dito nakagicna igina itun, igida mettas ya nangipanecnec dactida nga pudnu yan nga pannakaisalakan.

He̍briyu 3:14

Ta siguradu nga nagbalin tidan nga kabulun ne̍ Kristu no ituluy tida nga sipupudnu ya sigud nga panagtalec tida igina nga sipapasnec, agingga iya panungpalan.

He̍briyu 3:6

Ngem e̍ Kristu nga gennung, bekken nas met nga eb-ebbonen, no di lugud Anac ne̍ Apu Diyus, ket managtungpal iya panangituray na kadiya toley nga arig nga pamilya ne̍ Apu Diyus. Ket dactida, pamilya nactida met pe̍ no sipupudnu tida nga mangsalimetmet iya panagtalged se̍ panagnamnama tida igina nga pakaragsakan tida, agingga iya panungpalan.

He̍briyu 6:12

Ta madi kayu kuma agsadsadut, no di lugud tuladen nu diya nagtawidin kadiya nikari ne̍ Apu Diyus. Nagtawid da ngarud gapu iya panamati se̍ panaganus da.

2 Pe̍dru 1:1

Iyaken nge̍ Simon Pe̍dru nga isa nga agsirsirbi e̍ Je̍su Kristu se̍ ya isa nga apustul nga agpaay igina. Agsurat tac dakayu nga nae̍cdan ka pammati nga kapada mettas niya napateg nga pammati mi, gapu iya nalinteg nga gangey niya Diyus tida se̍ Mangisalakan dactida, nga itu nge̍ Je̍su Kristu.