He̍briyu 10:26 - Ya Baru nga Tulag

²⁶ Agten iyan kuma ngarud, ta ya kinapudnu na, no naemmuwan tidan ya kinapudnu maipanggep iya pammati tida, ngem guraten tida pekkem ya agbasbasul, ket awan met sabali nga datun nga pakapakawanan diya basul tidan.

He̍briyu 10:26 Iomraidhean Croise

Lukas 12:47

“Ket ya tagabu nga nakaemmu iya tarigagay niya amu na, ngem madi nakasagana winno madi na tinungpal to gabay niya amu na, madusa ngarud ka mame̍n-adu nga baut.

Juan 13:17

Ket ita, gapu ta emmu nun yan nga nibagac dakayu, maragsakan kayu met no tungpalen nu.

Juan 9:41

Ket kinunen ne̍ Je̍sus igida, “No kulap kayu kuma nga tutu, mabalin nga awan pakabasulan nu. Ngem gapu ta kunen nu met nga makasingen kayu, naibilang ngarud nga uwed pekkem dakayu ya kargu nu,” kunen na.

2 Te̍salunika 2:10

Awan kinadake̍c nga di na nad iyusar nga pangallilaw kadiya toltoley. Ket diya allilawen na nad, itu diyan diya toley nga madusa nga mapukaw, ta di da nipateg ya kinapudnu tasun maisalakan da kuma.

1 Timutyu 1:13

Ito nona, nagkagkagi yac ka maikuntra igina. Ket igina met ya nakaipaayan nito panangirurumen se̍ pananguy-uyaw ku. No pe̍ agten iyan, kinaasiyan nac pekkem nge̍ Apu Diyus, ta madi yac naawatan dito winangwangel ku itun, gapu ta madi yac pekkem mamati itun.

1 Timutyu 2:4

Ta e̍ Apu Diyus, tarigagayan na met nga maisalakan diya amin nga toley, nga maemmuwan da kuma no nagan ya pudnu maipanggep igina.

Santiyagu 4:17

Dikad pe̍ tandaanan nu ngarud yani: No uwed makaemmu iya rumbeng nga wanglen na kuma, ngem bekken met latta nga itu ya wanglen na, basul na mettin.

1 Juan 5:16

Ket iya agten iyan, no uwed isa dakayu nga makasingen iya kabsat na ka pammati nga agar-ariman ka basul, agpacpakaasi kuma e̍ Apu Diyus maipanggep iyan nga agbasbasul. Ket no bekken nga itu ya panagbasbasul nga agbanag ka patey, mae̍cdan ka biyag. Uwed met panagbasbasul nga agbanag ka patey, ngem bekken nga itu ya kunec nga ikararagan nu kuma.