He̍briyu 10:25 - Ya Baru nga Tulag

²⁵ Uwed met dito duduma nga mamati nga liwayan da ya panaggigimung da. Ngem dactida, madi tida kuma ngarud nga liwayan, no di ad-adda kuma lugud nga agpipinnabileg tida, ta mailasin tida nga dumandani yin ya Timpu niya Apu.

He̍briyu 10:25 Iomraidhean Croise

Matyu 10:15

“Ket ibagac dakayu ya kinapudnu na, nga no timpu nad niya panangukum, nangnangruna nad nga kaasiyan ne̍ Apu Diyus dito iSuduma se̍ iGumura ngem diya toltoley iyan nga ili nga madi mangrispitar dakayu.”

Matyu 18:20

Ta no uwed orey duwa winno tellu nga agtitipun nga sidadayaw gapu iyaken, uwed dac pe̍ iyan nga pagtitipunan da,” kunen na.

Juan 12:48

Ngem uwed ngarud met isa nga pangukum kadiya toley nga agmadi iyaken se̍ madi mamati iya kagic. Ya pangukum kadiya madi mamati, ket itu mettas diya kagi nga nibalikas ku. Ta diya kagic nga nipalawag ku, itu met ya pakaukuman da nad iya kaodiyan nga algew.

Aramid 16:16

Ket iya isa nga algew, nawe̍ kami manin de̍ Pablu ito pagkararagan. Ket uwed simabet dakami nga isa nga balasang nga tagabu. Ket to balasang, nalaing nga mammadtu maipanggep iya maadpangan, ta naluganan met ka sairu. Ket adu ya kuwarta diya amu nan, gapu ta adu diya tangdan na nga mammadtu.

Aramid 2:1

Ket ito nadatngan ya algew niya Padaya Pe̍nte̍koste̍s, uwed dito amin nga mamati nga naur-urnung iya isa nga lugar.

Aramid 2:42

Nagaget da pe̍ nga nagpacpaisuru kadito apustule̍s. Ket pe̍yeng da nga nagtitipun, se̍ nagsasangu nga mangan se̍ agkararag.

Aramid 20:7

Ito nadatngan to gidam Sabadu win, naguurnung kami. Ket itu ya pannangan mi nga panangilagip mi iya Apu. Ket gapu ta pumanaw kami kuma de̍ Pablu iya kadamlag na, nibaybayag ne̍ Pablu to panangbagbaga na kadiya toley, patingga ka tengnga gabi.

Ruma 12:8

Ket no ya pannakabalin nga mangpabileg iya lemlemmet niya pada tida nga toley ya nae̍cde̍ dactida, itu kuma ngarud ya biyangan tidan. Ket no uwed dactida ya pannakabalin nga mange̍cde̍ kadiya uwed dactida, nasayud tida kuma ngarud nga mangiwaras kadiya kasapulan diya toley. No uwed dactida ya pannakabalin nga mangipangulu, nagaget tida kuma ngarud nga mangipangulu. Ket no ya panangaasi ya nae̍cde̍ nga pannakabalin tida, mangaasi tida kuma ngarud nga siraragsac.

1 Kurintu 11:20

Ket iya agten iyan, no aguurnung kayu nga mangilagip ito nodi nga pananggidam niya Apu, bekken mettin nga ya Apu ya tutu nga laglagipen nu iya pannangan nu.

1 Kurintu 14:23

Kaspagarigan no aguurnung kayu nga amin nga mamati, se̍ no sabali nga pagkakagi kuma ya kagkagiyen niya tunggal isa dakayu, ket no uwed umbe̍t makigimung dakayu nga isa nga toley nga madi pekkem makaawat iya panggep nu, winno ya isa nga di pekkem mamati, ipagarup na no agel-ellut kayun.

1 Kurintu 14:3

Ngem no ya mangikasaba iya kagi ne̍ Apu Diyus, ket diya toltoley nga gennung ya katbar na. Ket pabilgen na da, se̍ bagbagaan na da, se̍ liwliwaen na da pe̍.

1 Kurintu 3:13

Ket maiparangarang nad met ya winangel niya tunggal isa no madatngan nad ya Timpu niya Apu. Ta arig nga uwed apuy nad nga mangsagat kadiya winangel niya tunggal isa nga toley. Ket iya agten iyan, maemmuwan nad ngarudin ya pudnu nga pateg diya winangwangel da.

1 Kurintu 5:4

Dikad pe̍ nad no aguurnung kayu, se̍ maemmuwan nun ya panpanunut ku maipanggep iyan, ket gapu iya pannakabalin niya Apu tida nga Je̍sus,

Pilipus 4:5

Maipasingen kuma ngarud kadiya toltoley ya kinanacman nu, nga laglagipen nu nga dandani yin ya umbe̍t manin niya Apu.

1 Te̍salunika 4:18

Dikad pe̍ itan, agpipinnabileg kayu kuma kadiyan nga kagi.

1 Te̍salunika 5:11

Dikad pe̍ itultuluy nu ngarud ya agiinnalayu nu se̍ agpipinnabileg nu kadiya panpanunut nu, agten mettas iya sigud nga wangwanglen nu.

He̍briyu 10:24

Emmuwen tida kuma ngarud pe̍ ya kasasaad diya pada tida nga mamati, tasun mabalin tida nga awisen ya tunggal isa dactida, nga agtitinnulung tida iya panagayat tida se̍ iya panagwangel tida ka nabaru.

He̍briyu 10:37

Ta agten ito naisurat iya Bibliya nga kunen na, “Iya di mabayag, umbe̍t ngarudin ya it-itonan nu, ket madi met agtactac.

He̍briyu 13:22

Ala kakabsat, anusan nu was nga denggen ya pannakaibasa nidi nga surat ku nga pamagbagac dakayu, ta e̍teng ngas met ya panagsurat ku.

He̍briyu 3:13

Ngem ya wangwanglen nu kuma nga gennung iya agdama nga timpu, nga kinunen na nga “ita nga timpu”, ket agten idi: Agpipinnabileg kayu kuma lugud nga inalgew, tasun awan kuma dakayu ya agbalin nga nasukir gapu ka basul nga pakaiyaw-awanan na.

Santiyagu 5:8

Agten kayu kuma pe̍ iyan nga naanus. Pabilgen nu kuma ya panpanunut nu, ta nganngani yin ya umbe̍t niya Apu.

1 Pe̍dru 4:7

Dandani met aggibus ya aminin, dikad pe̍ nanakem se̍ natanang kayu kuma nga managkararag.

2 Pe̍dru 3:11

Ket gapu ta emmu nun nga mapukaw nad mettas nga agten iyan diya amin, masapul ngarud nga agbibiyag kayu nga sililinteg, nga tungtungpalen nu kuma nga pe̍yeng diya makaay-ayu ngas e̍ Apu Diyus.

2 Pe̍dru 3:14

Dikad pe̍ dakayu nga patpatgec, gapu ta namnamaen nu diyan, wanglen nu kuma ya patingga niya kabaellan nu nga mangtungpal kadiya gabay ne̍ Apu Diyus, tasun ibilang nakayu nga awan mansa winno pagkurangan na, nga katunus nakayun.

2 Pe̍dru 3:9

Itu ya madi maawatan diya duduma, ta uwed da mangipagarup nga naladaw ya Apu iya panangtungpal na ito nikari na. Ngem bekken met nga agten iyan, ta ya kinapudnu na, ipampamoya nakayu ngas nge̍ Apu Diyus. Ta di na gabay nga uwed mapukaw, no di lugud gabay na no agbabawi kuma diya amin nga toley.

Hudas 1:19

Itu didi diya toley nga mangpataud ka panagsusupyat nga mangpasina kadiya toley. Diya banbanag ngas idi nga lubung ya ipatpateg da, ket awan igida ya Ispiritu ne̍ Apu Diyus.