He̍briyu 10:22 - Ya Baru nga Tulag

²² Dikad pe̍ umadenni tida kuma ngarud e̍ Apu Diyus, nga sipupudnu tida kuma se̍ awan kuma duwaduwa tida iya panagtalged tida nga sipapati yin. Ta awan kansing tidan nga pannakadusa gapu ka basul, ta arig nga nawarsiyan diya lemlemmet tidan. Ket se̍ diya beggi tida, naibilang da nga nadalusanin, nga arig nga naugasan ka nadalus nga danum.

He̍briyu 10:22 Iomraidhean Croise

Matyu 3:11

“Ket iyaken ita, danum ya pamautisar ku dakayu gapu iya panagbabawi nu. Ngem uwed nad umbe̍t nga sumarunu iyaken nga dacdackel ya pannakabalin na ngem iyaken, ket di yac pe̍ maikari nga orey no mangabsin ngas iya palloka na para igina. Ket igina, ya Ispiritu Santu se̍ apuy met ya pamautisar na nad dakayu.

Lukas 1:1

Patgec nga Apu Tiyupilu, adu win diya nagisurat nga nangurnus ka istorya maipanggep kadito napasamac iya edyan mi.

Juan 3:5

Ket kinunen manin ne̍ Je̍sus igina, “Pudnu met yani nga ibagac ikew: Madi mabalin nga aglak-am ya orey nagan na nga toley iya panangituray ne̍ Apu Diyus no madi maiyanac gapu iya danum se̍ gapu pe̍ iya Ispiritu ne̍ Apu Diyus.

Juan 8:9

Ket ito nagicna dito nagsaludsud to kinagi na, pimanaw da nga sagge̍sa ngin. Nona dito lallakay, patingga nga diya nabati ngasin, ket e̍ Je̍sus se̍ to babey nga agsisikad pekkem iya sangu na.

Aramid 22:16

Ket itan, madi ka agsagudadeng. Gumnukat kan, ta agpabautisar kan, se̍ ipakawan mu diya basbasul mu, nga awagam nga sitatalec ya Apu win,’ kunen ne̍ Ananyas iyaken.

Aramid 8:21

Awan bibiyang mu winno bagim idi nga wangwanglen mi, ta emmu ne̍ Apu Diyus nga bekken nga nabaru ya lemlemmet mu.

1 Kurintu 6:11

Ket agten kadiyan ngarud diya duduma dakayu itun. Ngem ita, nagpadalus kayun kadiya basbasul nu, ket naipaay kayun e̍ Apu Diyus, se̍ napalinteg kayu pe̍ yin iya imatang na, gapu mettas iya kinaturay ne̍ Apu Je̍su Kristu se̍ ya Ispiritu niya Diyus tida.

2 Kurintu 7:1

Ket dakayu nga patpatgec, gapu kadiyan nga nikarkari ne̍ Apu Diyus dactida, ipac tida kuma ngarudin diya amin nga makapadake̍c iya beggi winno panpanunut tida. Ket an-anayen tida lugud ya panagbiyag tida nga sililinteg, gapu ta daydayawen tida nga situtuluc nge̍ Apu Diyus.

E̍pe̍su 3:12

Ket itan, gapu iya pannakaitipun tida e̍ Kristu, agtalged tida nga umadenni nga siwayawaya e̍ Apu Diyusin gapu iya panamati tida e̍ Kristu.

E̍pe̍su 5:26

tasun madalusan tida nga bungguy na kadiya basbasul tida, gapu iya kagi na. Ta nipac nan diya basbasul tida nga bungguy na, nga arig nga inugasan nactida ka danum.

E̍pe̍su 6:5

Dakayu nga tagabu, managtungpal kayu kuma nga sidadayaw se̍ siaannad kadiya ipawangel diya amu nu dakayu. Sipapasnec kayu ngarud nga agtungpal kadiya amu nu idi nga lubung, nga arig nga e̍ Kristu mettas ya pagsirbiyan nu.

1 Timutyu 4:2

Diyan nga panursuru, gayat da met iya pangallilaw diya agbusbusid nga toley. Ket diyan nga toley, arig nga nacset tin ya kananakem da, ta madi da met mailasin ya kinapudnu win.

Titu 3:5

itu win to nangisalakan nan dactida. Ket to panangisalakan na dactida, bekken nga gapu kadiya nabaru nga tinungpal tida, no di lugud gapu was iya asi na. Nisalakan nactida gapu iya panangugas niya Ispiritu Santu dactida. Ta gapu iya Ispiritu Santu, nagbalin tida nga anac ne̍ Apu Diyusin, se̍ nae̍cdan tidan ka kabarbaru nga biyag.

He̍briyu 10:1

Agten idi nin: To Linteg ne̍ Muyse̍s, bekken nga naan-anay, no di arig nga niniwing ngas diya nabaru nga banbanag nga sumarunu. Ta sigun ito Linteg, masapul nga dinagun nga mabaliwan ya panangidatun kadito agten mettas nga kita datun, nga awan panagpatingga na. Ngem madi met kabaellan nito Linteg nga pagbalinen nga awan pagkurangan niya kasasaad diya toley iya imatang ne̍ Apu Diyus, gapu kadiyan nga datdatun, orey agdaydayaw da igina.

He̍briyu 10:19

Ket ita, kakabsat, nawaya tidan nga umadenni nga sitatalged iya edyan ne̍ Apu Diyus iya Kasantuwan nga Edyan, gapu ito naiyayus nga daga ne̍ Je̍sus.

He̍briyu 11:28

Ket gapu pe̍ ito panamati nito Muyse̍s, tinungpal na to nipawangel ne̍ Apu Diyus igina, nga nibilin na kadito pada na nga kapututan nito Israe̍l nga arimanen da to pannangan da nga maawagan ka Padaya Nitatalib ita. Nibilin na met pe̍ nga dagaan da diya gagayangan da, tasun madi iraman nito anghe̍l da ito panangpatey na kadito inauna nga lalaki nga an-anac dito iE̍hiptu, ito itatalib na itun.

He̍briyu 12:24

Se̍ nadateng nu ngarud pe̍ yin ya edyan ne̍ Je̍sus, nga igina met ya mangibabaet dactida e̍ Apu Diyus sigun mettas iya paglinteggan niya baru nga tulag. Se̍ nakadateng kayu pe̍ yin iya nagbanagan nito daga na, nga itu ya pannakawarsi nga pakadalusan nun. Ket bekken ngarud nga agten nas ito naiyayus nga daga nito Abe̍l yan, no di lugud agsirbi iya namaymayat nga banag.

He̍briyu 4:16

Dikad pe̍ agtalged tida kuma nga umadenni ngarudin iya edyan ne̍ Apu Diyus nga pagtaudan niya siaayat nga panangaasi nga ipaay na dactida. Umadenni tida kuma ngarud, tasun kaasiyan nactida, se̍ tasun tulungan nactida kuma pe̍ gapu iya siaayat nga asi na dactida no uwed kasapulan tida.

He̍briyu 6:11

Ket ya gabay mi, ket agpasnec kuma ya tunggal isa dakayu iya panangpabileg nu iya panamati nu, nga agten mettas iya panagipasnec nu iya panangtulung nu kadiya kapada nu. Agten iyan kuma ya wanglen nu, tasun agingga iya panungpalan, awan pagkurangan niya kinatalged nu gapu iya namnama nu e̍ Apu Diyus.

He̍briyu 7:19

Ta awan met naibilang nga awan pagkurangan na iya imatang ne̍ Apu Diyus gapu ito Linteg. Ket ita, uwed met namaymayat nga pagnamnamaan nga naipakaemmu dactidan, ket itu ya pakaiyadenniyan tidan e̍ Apu Diyus.

He̍briyu 9:10

Ta dito datdatun da itun, al-alagaden ngas met nga agpaay ngas kadiya masingen nga banbanag, nga agten kadiya pannangan, panaginum, se̍ nadumaduma nga al-alagaden maipanggep iya pannakadalus. Ket napateg diyan agingga ngas iya timpu niya panangbangun ne̍ Apu Diyus iya kabarbaru nga panggep na.

He̍briyu 9:19

Ta to Muyse̍s itun, nipakaemmu na nga nona kadito toltoley dito amin nga bilbilin ito Linteg. Kalpasan na, namet ka daga diya urbun baka se̍ diya kalding, nga uwed lauc na nga danum. Ket se̍ na winarsiyan to nakaisuratan nito Linteg, se̍ dito amin nga toltoley. To pangwarsi na, dutdut karne̍ru nga nakulur ka nadgang, se̍ isa nga ruut nga maawagan ka hisupu.

Santiyagu 1:6

Ngem ya agadeng e̍ Apu Diyus, sipapati kuma nga madi agduwaduwa. Ta no agduwaduwa ya agadeng, arig met nga palung ka baybay nga ipurad niya belluut.

Santiyagu 4:8

Umadenni kayu ngarud e̍ Apu Diyus, ket e̍ Apu Diyus, umadenni pe̍ dakayu. Ket dalusan nu lugud ya kinadake̍c diya nakem nun, dakayu nga managbasul! Ilaylayun nu lugudin ya panangipateg nu e̍ Apu Diyus, dakayu nga agduwaduwa iya panamati nu!

1 Pe̍dru 1:2

Suratan nakayu nga napili na maikanatad iya sigud nga panggep ne̍ Apu Diyus nga Ama. Ket ya Ispiritu na, pinagbalin nakayu nga agpaay ngas igina, tasun sumurut kayu kuma e̍ Je̍su Kristu, se̍ tasun madalusan kayu gapu ito daga na, nga arig nga nawarsiyan kayu. Sapay kuma ta nawadwad ya siaayat nga asi, se̍ talna, nga gayat e̍ Apu Diyus nga naipaay dakayu.

1 Pe̍dru 3:21

Ket ya pannakabautisar nu ita, maiyarig ito danum itun, ta itu pe̍ ya pakaisalakanan nu ita. Ngem bekken nga pakadalusan diya beggi nu ka rugit, no di itu ya panangipasingen nu e̍ Apu Diyus nga natalna ya nakem nun, gapu ito panagungar ne̍ Je̍su Kristu.

Paltiing 1:5

se̍ gayat pe̍ e̍ Je̍su Kristu. E̍ Je̍su Kristu ya mapagtalkan nga mangipakaemmu iya pudnu, se̍ igina met ya kaonaan nga Anac nga napagungar nga katurayan, se̍ igina met pe̍ ya agiturayin kadiya ar-ari iya lubung ngi. Daydayawen tida kuma ngarud nge̍ Je̍su Kristu win, ta igina met ya mangay-ayat dactida, se̍ ya nangwayawaya dactida iya pannakabalin diya basbasul tida, gapu iya pannakaidaga niya beggi na mettas.