He̍briyu 1:2 - Ya Baru nga Tulag

² Ngem ita nga kaodiyan nga timpu win, nipakaemmu nan ya kagi na dactida gapu iya Anac na. Igina met pe̍ ya pinagparsuwa ne̍ Apu Diyus iya amin nga uwed iya lubung, se̍ igina pe̍ ya pinili ne̍ Apu Diyus nga agtawid kadiya amin.

He̍briyu 1:2 Iomraidhean Croise

Matyu 13:39

Ket to gumurgura nga nagiwaris kadito dake̍c nga ruut, ket ya diyablu met. To panaggani, itu ya panagpatingga nidi nga timpu. Ket dito naggani, itu diya anghe̍le̍s.

Matyu 17:5

Ket ito madama pekkem nga agkagkagi nge̍ Pe̍dru, uwed met gayam nadarang nga ulep nga nangbugus igida. Ket uwed met pe̍ nagicna da nga timec nga gayat ito ulep, nga kinunen na, “Itu yani ya Anac ku nga dungdungnguwec. Igina ya pakaay-ayuwac. Ipangag nu ngarud ya kagi na!” kunen na.

Matyu 21:38

“Ngem dito makisugsugpun, ito nasingen da to anac na, nagtetebbar da nga ig-igida, nga kinunen da lugud, ‘Ala, igina yani ya agtawid! Tidan! Patayen tida lugudin, ket dactida nad ya agtagikuwa iya tawiden nan,’ kunen da.

Matyu 26:63

Ngem madi neg-egkim nge̍ Je̍sus. Ket kinunen ngarud manin nito kangatuwan nga agsirsirbi iya Te̍mplu, “Ibagam nga sisasapata iya turay niya sibibiyag nga Diyus, no tutu nga ikew ya Kristu, nga naipadtu nga Anac ne̍ Apu Diyus,” kunen na.

Matyu 28:18

Ket e̍ Je̍sus, imadenni igidan, ket kinunen na igida, “Naitalec iyaken amin nga turay nga uwed ka langit se̍ iya lubung ngi.

Matyu 3:17

Ket itun, uwed met timec nga nagicna antuni nga nagtaud ka langit, nga kinunen na, “Itu yani ya Anac ku nga dungdungnguwec. Igina ya pakaay-ayuwac,” kunen na.

Markus 1:1

Agten idi to pangrugiyan niya Makaparagsac nga Damag maipanggep e̍ Je̍su Kristu nga Anac ne̍ Apu Diyus.

Markus 12:6

“Ket is-isa ngas mettin ya mabalin nga ibon nito akin-kuwa, nga itu ya patpatgen na nga anac nga lalaki. Ket iya agten iyan, nibon na ngarud to anac na mettas nga mawe̍ ito edyan dito makisugsugpun, ta kunen na nga, ‘No anac ku mettas ya ibon ku, emmuc nga dayawen da met,’ kunen na.

Markus 12:7

“Ngem dito makisugsugpun, nagtetebbar da nga kinunen da lugud, ‘Ala, igina yani ya agtawid! Tidan! Patayen tida lugudin, ket dactida nad ya agtagikuwa iya tawiden nan,’ kunen da.

Juan 1:10

Ngarud, ya mangwada, uwed idi nga lubung itun. Ket amin nga uwed iya lubung, naparsuwa gapu igina. Ngem orey pe̍ no agten iyan, diya toltoley iya lubung, madi da met naawatan ya maipanggep igina itun.

Juan 1:14

Ngarud, to maawagan ka Kagi, ket nagbalin nga toley itun, ket nakipagedyan dactida idi nga lubung. Ket dakami, nasingen mi ya kinadayaw na nga tumaud e̍ Apu Diyus nga Ama na. Igina ngarud ya nadayaw nga kackaisu nga Anac ne̍ Apu Diyus, ket yan nas siaayat nga asi, se̍ kinapudnu ya uwed igina.

Juan 1:3

Ket amin nga pinarsuwa ne̍ Apu Diyus, nipaparsuwa na igina. Ngarud, awan met naparsuwa no di gapu was igina.

Juan 13:3

Ngem e̍ Je̍sus, emmu na nga uwed igina mettas ya kadackellan nga pannakabalin nga nipaay niya Ama igina. Ket emmu na pe̍ nga e̍ Apu Diyus ya naggayatan se̍ ya kapennan na.

Juan 13:32

Ket gapu ta maidaydayaw nge̍ Apu Diyus gapu igina, e̍ Apu Diyus mettas ya mangipadayaw igina ka kinadayaw na mettas. Ket ita ngarudin ya panangipadayaw ne̍ Apu Diyus igina.

Juan 15:15

Dikad pe̍ manipud ita, bekken nga agsirsirbi yin ya pangawag ku dakayu. Ta ya agsirsirbi, madi na met emmu diya pangpanggeppen niya amu na. Ngem no dakayu, awagan nakayu ka gagayyem, ta amin nga nibaga niya Amac iyaken, nipakaemmuc met dakayun.

Juan 16:15

Ta awan met ipaidam niya Ama iyaken, itu nga kinunec nga ipakaemmu nad niya Ispiritu Santu diya gabay ku nga ibaga dakayu.”

Juan 17:2

Ta ne̍cdam ya Anac mu ka turay nga mangituray kadiya amin nga toltoley, tasun maipaay na ya biyag nga agnanayun kadiya amin nga nitalec mu igina.

Juan 3:16

Tutu met yan, ta gapu iya napalaus nga panagayat ne̍ Apu Diyus kadiya toltoley idi nga lubung, niyawat na ya kackaisu nga Anac na, tasun amin nga mamati igina, madi mapukaw, no di lugud mae̍cdan ka agnanayun nga biyag.

Juan 3:25

Ket ya napasamac itun, nakidisdiskutir dito adalan nito Juan iya isa nga pada da nga Hudyu maipanggep iya panagdalus nga alagaden niya pammati da nga Hudyu.

Juan 5:26

Tutu met nga agten iyan, ta ya Ama mettas ya pagtaudan niya biyag, ket itu nga ne̍cde̍ na met pe̍ iya Anac na ya turay nga mange̍cde̍ ka biyag.

Juan 5:27

Ket se̍ ne̍cde̍ na pe̍ iya Anac ya turay nga mangukum, gapu ta igina ngarud met ya Anac nga Naipatoley.

Juan 9:29

Emmu mi met nga binilin ne̍ Apu Diyus to Muyse̍s. Ngem no maipanggep iyan nga toley, madi kami emmu orey no awac ya naggayatan na!” kunen da.

Aramid 10:36

“Emmu nun ya Makaparagsac nga Damag nga nipakaemmu ne̍ Apu Diyus dakami nga iIsrae̍l maipanggep e̍ Je̍su Kristu nga Apu diya amin nga toley. Ta e̍ Je̍sus, igina ya mangitunus dactida e̍ Apu Diyus.

Aramid 2:17

Nisurat nito Huwe̍l to kinunen ne̍ Apu Diyus nga agten idi: ‘Iyalubuc nad ya Ispirituc iya amin nga toley iya kaodiyan nga timpu. Ket diya anac nu nga lalaki se̍ babey, ikaskasaba da nad ya kagic. Diya agtutubu nu nga lalaki, maparmata da nad pe̍ diya ipasingec igida, se̍ mapasmeggan nad pe̍ diya lallakay nu diya ipapasmeg ku igida.

Ruma 1:4

Ket no maipanggep iya kinaDiyus na, nipakaemmu niya nadiyusan nga Ispiritu nga igina ya Anac ne̍ Apu Diyus, gapu ito nakaskasdaaw nga pannakabalin nga naipasingen ito panagungar na. Ya Apu tida nga Je̍su Kristu met yani.

Ruma 8:17

Ket gapu ta anac nactidan, agtawid tida nad met pe̍ yin. Ngarud, agtawid tida nad e̍ Apu Diyus, nga makipagtawid tida e̍ Kristu. Ket agten iyan ngarud, ta no tutu nga makipagrigat tida e̍ Kristu, mairaman tida nad met pe̍ iya pannakapadayaw na.

1 Kurintu 2:7

Ngem ya kagiyen mi nga gennung, itu ya kinasirib ne̍ Apu Diyus mettas nga madi pekkem naipacpakaemmu itun kadiya toley, ta nalimed igida itun. Ket ito madi pekkem naparsuwa ya lubung, nikeddeng ne̍ Apu Diyus nga maariman yani nga panggep na maipanggep iya kinasirib na. Ket maipaay met yani iya pakaidayawan tida.

1 Kurintu 8:6

Ngem no dactida nga mamati, is-isa ngas ya ibilang tida nga Diyus tida, nga itu nge̍ Apu Diyus nga Ama, nga igina ya pagtaudan niya amin, se̍ igina pe̍ ya pagpaayan tida. Ket is-isa pe̍ ya ibilang tida nga Apu tida, nga itu nge̍ Je̍su Kristu, nga igina ya paggayatan niya amin, se̍ igina met pe̍ ya gapu niya kinauwed niya biyag tida.

Galasiya 4:4

Ngem ito nadatngan ya kustu nga timpu win, nibon ne̍ Apu Diyus ya Anac na idi nga lubung. Nibon na nga paiyanac iya isa nga babey. Ket nasakupan met pe̍ itun niya turay niya Linteg diya Hudyu,

E̍pe̍su 1:10

Ta ya panggep ne̍ Apu Diyus nga tungpalen na nad no madatngan ya kustu nga timpu, itu ya panangipasakup na kadiya amin nga parsuwa iya panangipangulu ne̍ Kristu, orey diya uwed ka langit se̍ diya uwed idi nga lubung.

E̍pe̍su 3:9

Ket iyaken pe̍ ya pinili na nga mangipalawag kadiya amin nga toley maipanggep iyan nga panggep ne̍ Apu Diyus nga madi pekkem naipakaemmu itun. Ta agingga ita nga timpu, e̍ Apu Diyus nga namarsuwa ka amin, igina ngas met ya makaemmu iyan nga panggep na.

He̍briyu 1:5

Tutu met yan, ta awan pulus kadiya anghe̍le̍s ya nangibagaan ne̍ Apu Diyus iya agten idi: “Ikew ya Anac ku. Ket ita nga algew, nagbalin nac nga Ama mun.” Se̍ bekken nga maipanggep iya isa nga anghe̍l to kinunen na nga, “Iyaken nad ya Ama na, ket igina nad ya Anac ku.”

He̍briyu 1:8

Ngem no maipanggep iya Anac na nga gennung, kunen ne̍ Apu Diyus nga agten idi: “Ikew nga Diyus, agnanayun nga awan patingga na ya panangituray mu, ket nalinteg met pe̍ ya panagturay mu.

He̍briyu 11:3

Ket dactida pe̍, gapu ta uwed panamati tida, naemmuwan tida nga naariman ya lubung gapu mettas iya pannakabalin niya kagi ne̍ Apu Diyus. Ket iya agten iyan, naemmuwan tida nga diya masingen tida iya lubung, bekken da nga napataud kadiya masingen nga banbanag, no di lugud gapu mettas iya kagi ne̍ Apu Diyus.

He̍briyu 2:3

Dikad pe̍ ita, madi tida ngarud met pe̍ makalisi iya pannakadusa tida, no liwayan tida ya panangipateg idi nga pannakaisalakan tida. Ta ya Apu nga mismu ya nona nga nangipakaemmu idi nga pannakaisalakan nga ipaay na. Ket dito nakagicna igina itun, igida mettas ya nangipanecnec dactida nga pudnu yan nga pannakaisalakan.

He̍briyu 3:6

Ngem e̍ Kristu nga gennung, bekken nas met nga eb-ebbonen, no di lugud Anac ne̍ Apu Diyus, ket managtungpal iya panangituray na kadiya toley nga arig nga pamilya ne̍ Apu Diyus. Ket dactida, pamilya nactida met pe̍ no sipupudnu tida nga mangsalimetmet iya panagtalged se̍ panagnamnama tida igina nga pakaragsakan tida, agingga iya panungpalan.

He̍briyu 4:14

Dikad pe̍ ipateg tida kuma ngarud nga sipapasnec ya panamati tida. Ta uwed met naturay nga Kangatuwan nga Agsirsirbi, nga mangibegbeggi dactida e̍ Apu Diyusin, nga itu nge̍ Je̍sus nga Anac na. Igina mettas ya nakapen ka langitin nga edyan ne̍ Apu Diyus.

He̍briyu 5:8

Ngarud, orey Anac mettas ne̍ Apu Diyus nge̍ Je̍sus, nasursuru na pe̍ ya panagtungpal, gapu kadito panaglak-am na ka rigat.

He̍briyu 7:28

Ket to pannakaisaad nidi nga nagbalin nga mangibegbeggi dactida e̍ Apu Diyus, bekken met nga agten ito pannakaisaad dito nadutukan nga kangatuwan nga agsirsirbi itun sigun ito Linteg nito Muyse̍s. Ta igida, nadutukan da orey uwed met pagkurangan da. Ngem to pannakaisaad niya Anac ne̍ Apu Diyus nga gennung, bekken met nga sigun ito Linteg nito Muyse̍s, no di lugud sigun ito kari mettas ne̍ Apu Diyus nga nisapata na nga nod-odi ngem ito pannakabangun nito Linteg. Ket napanecnekkanin nga awan ngarud pagkurangan niya Anac ne̍ Apu Diyus ka agnanayun.

He̍briyu 7:3

Ket madi tida met emmu no nagan ya ama se̍ ya ina nito Me̍lkise̍de̍c, se̍ awan pe̍ makaemmu no nagan ya nagtactaudan na nga kapututan. Awan pe̍ makaemmu no nungey to pannakaiyanac na se̍ to pannakatey na. Ket agten mettas iya Anac ne̍ Apu Diyus, ta awan met panagpatingga niya panangibegbeggi na ka toley.

He̍briyu 9:26

Ta no masapul nga pe̍yeng nga mabaliwan ya pannakaidatun na kuma, masapul ngarud met nga pe̍yeng nga mapatey nge̍ Je̍sus, manipud ito pannakaparsuwa niya lubung. Ngem ya kinapudnu na, nagparang nga nam-ame̍nsan, ket kustu win para iya amin nga timpu yan nga panagparang na. Nagparang ngarud ito nadatngan ya pannakatungpal niyan nga timpu win, tasun ipac na diya basbasul gapu iya panangidatun na iya beggi na.

1 Pe̍dru 1:20

Ket orey ito di pekkem naparsuwa yani nga lubung, e̍ Kristu ya napili yin nga maibon maikanatad iya sigud nga panggep ne̍ Apu Diyus. Ket iya ita nga kaodiyan nga timpu, naipakaemmu nge̍ Kristu win tasun agpaay dakayun.

2 Pe̍dru 3:3

Idi ya mona nga ipakaemmuc dakayu: Maawatan nu kuma nga iya kaodiyan nga timpu wi, uwed da nad mangnguyaw nga tumaud. Agtungtungpal da ngas kadiya dake̍c nga tarigagay diya begbeggi da, ket uy-uyawen dakayu nad met.

Hudas 1:18

Ta kinunen da dakayu nga, “No madatngan ya kaodiyan nga timpu win, uwed nad diya toley nga manguy-uyaw iya pammati nu. Ket agtungtungpal da kadiya dake̍c nga tartarigagay da kem pe̍ yasin,” kunen da.