He̍briyu 1:14 - Ya Baru nga Tulag

¹⁴ Ngem no diya anghe̍le̍s, emmu tida nga igida nga amin diya madi masingen nga eb-ebbonen ngas ne̍ Apu Diyus. Ket ibon ne̍ Apu Diyus da nga tumulung kadiya amin nga maipaayan ka pannakaisalakan.

He̍briyu 1:14 Iomraidhean Croise

Matyu 1:20

Ngem ito uwed iya lemlemmet na pekkem yan, uwed met isa nga anghe̍l niya Apu nga nagpasingen igina iya pasmeg na. Ket kinunen met nito anghe̍l, “Huse̍ nga kapututan ne̍ Ari Dabid, madi ka umikeb nga umawat e̍ Marya nga asawa mun, ta gapu mettas iya Ispiritu Santu ya bucsit na.

Matyu 13:41

Ta ibon nad niya Anac nga Naipatoley diya anghe̍le̍s na, ket ipac da nad ngarud iya pagiturayan na diya amin nga pakabasulan toley se̍ amin diya managdacdake̍c,

Matyu 18:10

“Agannad kayu kuma ngarud tasun madi kayu kuma laisen ya isa nga agten kadidi nga tekkut nga ebbing. Ipateg nu da kuma lugud, ta kinapudnu na, diya anghe̍l da ka langit, pe̍yeng nga uwed da iya imatang ne̍ Amac nga uwed ka langit.

Matyu 2:13

Ito nakapanaw dito gan-gannaet tin, uwed met isa nga anghe̍l niya Apu nga nagparang e̍ Huse̍ iya pasmeg na. Ket kinunen nito anghe̍l, “Bumangun kan, ta italew mu diya agina, nga mawe̍ kayu enna E̍hiptu win. Agedyan kayu ngarud antuni agingga nga ibagac nga sumoli kayu ennidi. Ta ipasapul nad ne̍ Ari He̍rude̍s ya ebbing, tasun patayen na,” kunen na.

Matyu 24:31

Ket uwed nad magicna nga nabileg nga uni tangguyub manipud kadito ulep, ket itu nad ya panangibon na kadiya anghe̍le̍s nan. Ket mawe̍ diya anghe̍le̍s kadiya eppat nga pagtaudan niya belluut, nga urnungen da nad diya pinili ne̍ Apu Diyus nga toley na. Ngarud, urnungen da nad da nga gayat kadiya amin nga parte̍ niya lubung.”

Matyu 25:34

“Ket kunen nad niya Ari kadiya uwed iya madiwanan na, ‘Umbe̍t kayun, dakayu nga pinagasatan niya Amac! Makipagtawid kayu ngarudin iya pannakairaman nu iya pagiturayan, nga itu ya tawid nu nga naisagana para dakayu manipud ito pannakaparsuwa niya lubung.

Matyu 4:11

Ket to diyablu, pinanawan na ngarud nge̍ Je̍susin. Ket itun, uwed da met anghe̍le̍s nga nawe̍ nangistimar e̍ Je̍sus.

Markus 10:17

Ket ito agrubwat nge̍ Je̍sus nga pumanaw antuni nin, uwed met isa nga lalaki nga nanagtag nga imadenni igina. Ket nawe̍ ngarud nagparintumeng iya sangu ne̍ Je̍sus, nga kinunen na igina, “Nalinteg nga Mistru, ibagam kay iyaken ya masapul nga wanglec tasun magun-ud ku ya biyag nga agnanayun,” kunen na.

Lukas 1:19

Ket kinunen nito anghe̍l, “Iyaken nge̍ Gabriye̍l nga agsirsirbi iya imatang ne̍ Apu Diyus. Naibon nac met tasun makitbar rac ikew, nga ibagac ikew yani nga damag nga makaparagsac.

Lukas 1:23

Ito nalpasin ya timpu nga panagsirbi ne̍ Sakaryas iya Te̍mplu, nagawirin.

Lukas 16:22

“Ket ya napasamac, natey to panglaw. Ket nimet diya anghe̍l, se̍ da nipaabay ito Abraham, nga itu to pakaliwliwaan nito Lasaru enna pennan diya natey. Ket natey met pe̍ to bacnang, ket naitamen ngarud.

Lukas 2:13

Ket pagamwan da, uwed dackel nga bungguy anghe̍le̍s nga nagparang nga gayat ka langit, nga kabulun nito isa nga anghe̍l. Ket nagdaydayaw mettin dito anghe̍le̍s e̍ Apu Diyus, nga kinunen da,

Lukas 2:9

Ket itun, uwed met isa nga anghe̍l niya Apu nga nagpasingen igida, ket nadarangan da mettin iya darang niya dayag niya Apu. Napalaus ngarud ya ansing dan.

Aramid 11:22

Ket to bungguy mamati ka He̍rusale̍m, ito nadamag da ya maipanggep kadito bekken nga Hudyu nga mamati enna Antiyakiya, nibon da nge̍ Be̍rnabe̍ antuni.

Aramid 12:23

Ket sigida nga dinusa niya isa nga anghe̍l niya Apu nge̍ Ari He̍rude̍sin, gapu ta bekken nga e̍ Apu Diyus ya pinadayawan na. Tutu ta naegsan nge̍ Ari He̍rude̍sin, se̍ natey.

Aramid 12:7

Ket pagamwan na ngas nga uwed wada iya uneg nito pagbaludan, ket uwed met anghe̍l niya Apu iya edyan ne̍ Pe̍dru win. Kinulbit na to tacgang ne̍ Pe̍dru nga linukag na, se̍ kinunen na, “Wey! Bumangun ka, gawaam!” kunen na. Ket dito kawar kadiya ima ne̍ Pe̍dru, niterkag da met pe̍ yin.

Aramid 13:2

Ket iya name̍nsan nga algew, madama da nga agsirsirbi maigapu iya Apu, se̍ niparit da pe̍ yin iya beggi da ya mangan. Ket ya Ispiritu Santu, kinunen na igida, “Isibna nu ngarud nga ipaay de̍ Be̍rnabe̍ nge̍ Saulu, ta uwed panggep ku nga ipawangel igida,” kunen na.

Aramid 16:26

Ket pagamwan da ngas nga nangyegyeg ka nabileg. Ket nagyosoyosew ya gessar nito pagbaludan, ket naclatan met nga nalukatan amin dito giset nito pagbaludanin, se̍ naukas pe̍ amin dito panggapus kadito baludin.

Aramid 27:23

Emmuc nga mapasamac ya agten iyan ta uwed anghe̍l ne̍ Apu Diyus nga inumbe̍t nangibaga iyaken ito gabi. Ket no iyaken, e̍ Apu Diyus met ya daydayawec, se̍ igina ya makin-kuwa iyaken.

Aramid 5:19

Ngem ya napasamac, ket ito gumabi yin, uwed inumbe̍t nga anghe̍l niya Apu nga nawe̍ nangilukat kadiya giset nito pagbaludan, se̍ na pinaruwar dito apustule̍s. Ket idi to kinunen nito anghe̍l igida:

Ruma 11:14

Ipasnec ku ngarud ya panagsirbic, tasun no maemmuwan kuma diya padac nga Hudyu ya kasasaad nun, bareng no apalan da pe̍. Ket no apalan da ya kasasaad nu, bareng no uwed da nad pe̍ maisalakan igida.

Ruma 13:6

Ket itu pe̍ yan ya gapu na nga agbuis kayu. Ta diya agtuturay iya pagiliyan tida, ket nisaad met ne̍ Apu Diyus tasun agsirbi da para igina. Ket pagrebngan da met nga biyangan diya agten iyan.

Ruma 15:16

Ta nisaad nac ngarud nga agsirsirbi e̍ Kristu Je̍sus para kadiya bekken nga Hudyu. Agsirsirbi yac kunec, ta gapu iya panangikaskasabac iya Makaparagsac nga Damag, iyarig ku met yani nga wangel ku kadiya wangel diya agsirsirbi iya Te̍mplu. Ta ipaay ku e̍ Apu Diyus diya bekken nga Hudyu nga mamati yin, nga arig nga igida ya idatun ku e̍ Apu Diyusin. Ket igida, maiyarig da nga pagdatun nga makaay-ayu ngarud e̍ Apu Diyus, ket nagbalin dan nga agpaay igina gapu iya Ispiritu Santu.

Ruma 15:27

Igida mettas ya akin-nakem nga tumulung kadiya Hudyu ka He̍rusale̍m. Ket ya kinapudnu na, uwed ngarud arig nga utang da kadiya mamati nga Hudyu. Ta diya bekken nga Hudyu, nairaman dan kadiya nabaru nga banbanag nga nipaay ne̍ Apu Diyus kadiya Hudyu. Itu nga rebbeng ngarud met diya bekken nga Hudyu ya tumulung kadiya Hudyu kadiya kasapulan niya panagbiyag da.

Ruma 8:17

Ket gapu ta anac nactidan, agtawid tida nad met pe̍ yin. Ngarud, agtawid tida nad e̍ Apu Diyus, nga makipagtawid tida e̍ Kristu. Ket agten iyan ngarud, ta no tutu nga makipagrigat tida e̍ Kristu, mairaman tida nad met pe̍ iya pannakapadayaw na.

1 Kurintu 1:21

Ket sigun iya sirib ne̍ Apu Diyus, nirimidyu na nga dactida nga toley, madi tida kabaellan ya mangemmu igina gapu ngas iya kinasirib tida. Ket iya agten iyan, nikeddeng ngarud ne̍ Apu Diyus nga isalakan na nga gennung diya amin nga mamati iya isursuru mi, nga itu met pe̍ ya panursuru nga kunen diya duduma nga awan kanu kaipapennan na.

2 Kurintu 9:12

Ta gapu iyan nga itutulung nu, bekken nas nga matulungan dito toley ne̍ Apu Diyus kadiya kasapulan da, no di lugud ya pagbalinan nidi, ket adu diya agyaman e̍ Apu Diyus.

Galasiya 3:29

Itu nga no naikameng kayu e̍ Kristu win, maibilang kayu met pe̍ yin nga kapututan nito Abraham. Ket no kapututan nakayu to Abraham, makipagtawid kayu pe̍ iginan, sigun ito nikari ne̍ Apu Diyus igina.

Galasiya 3:7

Ngarud, maemmuwan nu kuma ngin nga diya toley nga uwed panamati da, itu diya maibilang nga kapututan nito Abraham.

Galasiya 3:9

Itu nga agten ito kunec, nga diya amin nga uwed panamati da e̍ Apu Diyus ita, matulungan da ngarudin, nga nairaman da mettas ito Abraham nga namati pe̍ e̍ Apu Diyus itun.

E̍pe̍su 3:6

Ket ya panggep na nga nipakaemmu nan, ket agten idi: Gapu iya Makaparagsac nga Damag, uwed dakayu nga bekken nga Hudyu ya gundawayin nga makipagtawid kadiya ipatawid ne̍ Apu Diyus kadiya Hudyu. Naibilang kayu pe̍ yin nga kamkameng niyan nga is-isa nga bungguy, se̍ nairaman kayu pe̍ yin iya pagbanagan nito nikari ne̍ Apu Diyus kadiya Hudyu. Kuwa nu ngarud pe̍ diyanin gapu iya pannakaitipun nu e̍ Kristu Je̍sus.

Pilipus 2:17

Ket ya panamati nu, maiyarig ka pagdatun niya panagsirsirbic nga ipaay ku e̍ Apu Diyus. Ket iyaken, mabalin nga maiyarig gac ngas ka pagdatun nga mainum nga maibucbuc mettas kadidi nga ipaay ku e̍ Apu Diyus. Ngem orey arig gac nga maibucbuc ngas a, ta pakaragsakac met, ket makipaganggem mac ngas dakayu nga amin.

Pilipus 2:25

Ket kunec pe̍ nga masapul nga ibon ku iyanin nge̍ E̍papruditu nga kabsat ku ka pammati, se̍ kabulun ku iya panagsirbic iya Apu, se̍ padac pe̍ nga arig nga suldadu na. Ket igina mettas to nibon nu nga pannakabeggi nu nga nangistimar iyaken itun.

2 Te̍salunika 1:7

Ngem dakayu nga maparparigat, pagnam-ayen nakayu nad met, agten pe̍ iya pamaay na dakami. Mapasamac nad didi no agparang nge̍ Apu Je̍sus nga gayat ka langit. Ibulun na nad diya anghe̍le̍s na nga mae̍cdan ka pannakabalin.

Titu 3:7

Winangel ngarud ne̍ Apu Diyus yan, tasun gapu iya siaayat nga asi na dactida, mabalin nga mapalinteg tida iya imatang nan. Ket iya agten iyan, dactida ya agbalin nga patawidan nan, nga namnamaen tida ya biyag nga agnanayun.

He̍briyu 10:11

Ket sigun ito nona nga wagas nga panagdaydayaw e̍ Apu Diyus, ket inalgew nga sisisikad nga mangibegbeggi diya agsirsirbi iya pagdaydayawan. Ket ulit-uliten da nga idatun diya agten mettas nga kita datun. Ngem diyan nga datdatun, pulus nga madi da kabaellan ya mangipac ka basul.

He̍briyu 2:3

Dikad pe̍ ita, madi tida ngarud met pe̍ makalisi iya pannakadusa tida, no liwayan tida ya panangipateg idi nga pannakaisalakan tida. Ta ya Apu nga mismu ya nona nga nangipakaemmu idi nga pannakaisalakan nga ipaay na. Ket dito nakagicna igina itun, igida mettas ya nangipanecnec dactida nga pudnu yan nga pannakaisalakan.

He̍briyu 5:9

Ket ito nakasagana nge̍ Je̍susin para iya awan pagkurangan na nga saad na, igina ya nagbalin nga pakaisalakanan ka agnanayun diya amin nga agtungpal igina.

He̍briyu 6:12

Ta madi kayu kuma agsadsadut, no di lugud tuladen nu diya nagtawidin kadiya nikari ne̍ Apu Diyus. Nagtawid da ngarud gapu iya panamati se̍ panaganus da.

He̍briyu 6:17

Ket agten pe̍ iyan to winangel ne̍ Apu Diyus itun, ta gabay na nga ipanecnec nga nalaing kadiya pinatawidan na nga napudnu met ya panggep na nga madi na ibabawi yin. Ket nipanecnec na met to kari na ka sapata nga mangpatalged.

He̍briyu 8:6

Ngem ya kinapudnu na, nangatngatu nga unay ya panagsirsirbi nga naisaad e̍ Je̍sus ngem iya panagsirsirbi diya uwed idi nga lubung. Ta igina mettin ya mangibabaet dactidan e̍ Apu Diyus maikanatad mettas iya namaymayat nga tulag. Ket idi nga namaymayat nga tulag tida, namaymayat ngarud ngem ito non-ona nga tulag. Ta namaymayat ngamin ya nakaibangunan na, nga itu dito nikari ne̍ Apu Diyus.

He̍briyu 9:28

Ket agten pe̍ iyan nge̍ Kristu, ta nam-ame̍nsan ngas nga naidatun, ket kustu para iya amin nga timpu to pannakaidatun na. Naidatun ngarud tasun inagtu na nga nipac diya basbasul diya adu nga toltoley. Ket agparang nad manin nge̍ Kristu ka maikadduwa, ngem bekken nin nga maigapu ka basul ya maikadduwa nga umbe̍tan na, no di lugud tasun mailayunin ya panangisalakan na dactida nga sinanama nga agpadpadaan igina.

Santiyagu 2:5

Tandaanan nu yani, patpatgec nga kakabsat: Diya ibilang diya toley nga napanglaw, itu met diyan diya pinili ne̍ Apu Diyus nga pangipaayan ka nabaked nga panamati, nga arig nga nabacnang da ka panamati da. Ket napili da pe̍ nga makipagtawid iya pannakairaman da kadiya iturayan ne̍ Apu Diyus, nga itu ya nikari na kadiya agayat igina.

1 Pe̍dru 1:12

Ket nipakaemmu ne̍ Apu Diyus kadito mammadtu itun nga bekken nga maipanggep igida itun ya kaipapennan nito panagsirsirbi da, no di lugud maipanggep dakayu ita nga timpu. Ket ita, itu yani ya Makaparagsac nga Damag nga nipakaemmu diya mangaskasaba dakayu, gapu iya Ispiritu Santu nga naibon nga gayat ka langit. Ket orey pe̍ diya anghe̍le̍s ne̍ Apu Diyus, kinalikaguman da met pe̍ nga maemmuwan kuma ya banag nidi nga damag.

1 Pe̍dru 1:4

Ket idi nga nabalbaliwan nga pannakaiyanac tida, itu pe̍ ya gapu na nga namnamaen tida ya maipaay nad dactida nga tawiden tida. Ket awan pulus pakapukawan winno pakamansaan niyan nga naisagana para dactida enna langit, ket agnanayun met ya pateg na.

1 Pe̍dru 3:7

Ket dakayu nga lalaki, nanakem kayu kuma kadiya asawa nu iya panagtipun nu, nga ibilang nu nga nakapkapsut ngem dakayu ya babey nga asawa nu. Ket idayaw nu da ngarud, ata gapu iya siaayat nga asi ne̍ Apu Diyus dactida, agpapada kayu nga mapatawidan ka biyag nga agnanayun. Agten iyan kuma ya wanglen nu tasun awan kuma makatiped iya panagkararag nu.

Hudas 1:14

Ket orey to E̍nuc itun, nga maikapitu ito kapututan nito Adan, uwed nipadtu na itun pekkem maipanggep iya agten kadiyan nga toley. Ta kinunen na ito padtu na, “Denggen nu! Umbe̍t nad met ya Apu agraman diya rinibribu nga anghe̍le̍s na,

Paltiing 5:6

Ket itun, uwed pe̍ nasingec nga Urbun Karne̍ru, ket arig nga isa nga napatey ya beggi na. Nakasikad met iya sangu nito trunu nga line̍cbut dito eppat nga sibibiyag nga parsuwa se̍ dito panglakayen. Ket to Urbun Karne̍ru, uwed pitu nga sacgud na, se̍ pitu nga mata na, nga itu diya pitu nga ispiritu nito agkapitu nga Ispiritu ne̍ Apu Diyus nga naibon iya amin nga lubung.