He̍briyu 1:1 - Ya Baru nga Tulag

¹ Itun pekkem nga timpu, name̍n-adu ya panangipakaemmu ne̍ Apu Diyus iya kagi na kadito am-ama tida. Nipakaemmu na ngarud ya kagi na igida ka nadumaduma nga wagas gapu kadito mammadtu itun.

He̍briyu 1:1 Iomraidhean Croise

Lukas 1:72

Tinungpal na yan tasun kaasiyan nactida kuma, sigun ito nikari na kadito am-ama tida, se̍ tasun tungpalen na ngarudin to nadayaw nga kari na igida.

Lukas 24:27

Ket iya agten iyan, nipalawag ne̍ Je̍sus igida ya banbanag nga naisurat iya amin nga Bibliya maipanggep mettas igina, nga nirugi na kadito nisurat nito Muyse̍s, se̍ nituluy na kadito kinagi dito amin nga mammadtu nga naisurat iya Bibliya.

Lukas 24:44

Kalpasan na, kinunen na igida, “Itu yani to nibagac dakayu ito nakibulbulun nac pekkem dakayu itun, nga masapul nga matungpal amin nga naisurat maipanggep iyaken iya Linteg nito Muyse̍s se̍ kadiya liblibru dito mammadtu se̍ iya libru nga Salmu,” kunen na.

Juan 16:13

Ngem nad no umbe̍t ya Ispiritu Santu win, gagara na ya mangipakaemmu iya kinapudnu maipanggep e̍ Apu Diyus. Itu nga igina nad ya mangiturung dakayu tasun maawatan nu ya amin nga kinapudnu. Pudnu ngarud ya ipakaemmu na, ta madi nad mangisuru ka kabucbukudan na nga sursuru, no di lugud isuru na nad diya naitalec igina. Ket ipakaemmu na nad pe̍ dakayu diya sumarunu nga mapasamac.

Juan 7:22

Ngem to winangel nito Muyse̍s, nibilin na dakayu nga ipakugit nu diya aanac nu nga lalaki, ket tungtungpalen nu met, orey iya Algew Ngilin. Ngem ya kinapudnu na, bekken nga ito Muyse̍s to nangirugi iyan nga ugali nga agpakugit, no di lugud dito non-ona ngem igina nga am-ama tida.

Juan 9:29

Emmu mi met nga binilin ne̍ Apu Diyus to Muyse̍s. Ngem no maipanggep iyan nga toley, madi kami emmu orey no awac ya naggayatan na!” kunen da.

Aramid 13:32

Ket itu pe̍ ya kauwed mi idi nga mangikasaba dakayu iya Makaparagsac nga Damag maipanggep ito nikari ne̍ Apu Diyus kadito am-ama tida.

Aramid 2:30

Isa nga mammadtu to Ari Dabid kadito nipaikagi ne̍ Apu Diyus igina. Ket naemmuwan na ya kari ne̍ Apu Diyus igina, ta nikari ne̍ Apu Diyus ka napasnec ito Dabid nga pagbalinen na nad nga ari ya isa kadiya kapututan nito Dabid, nga agten mettas iya panagari nito Ari Dabid.

Aramid 28:23

Ket nipatulag da ngarud ya algew nga panaguurnung da ito pagedyanan ne̍ Pablu. Ket ito inumbe̍t dan, ad-adu da ngem ito damu. Ket nanipud iya agsapa agingga ka gabi, nangilawlawag nge̍ Pablu igida ka maipanggep iya pammati na. Nipakaemmu na ngarud diya pudnu nga banbanag maipanggep iya panangituray ne̍ Apu Diyus. Ket nibanag na pe̍ dito naisurat ito Linteg nito Muyse̍s se̍ dito nisurat dito mammadtu itun, tasun mapanecnekkan da kuma maipanggep e̍ Je̍sus.

Aramid 3:21

E̍ Je̍sus, aged-edyan pekkem ita ka langit patingga ka di pekkem pabaruwen ne̍ Apu Diyus diya amin nga banbanag, sigun ito nipaibaga ne̍ Apu Diyus kadito pinili na nga mammadtu itun.

He̍briyu 11:18

Ta nikari ne̍ Apu Diyus igina itun nga kinunen na, “E̍ Isaac nad met ya tumaudan diya kapututam,” kunen na.

He̍briyu 11:2

Ket gapu ta uwed panamati diya am-ama tida itun pekkem, inannamungan ne̍ Apu Diyus da.

He̍briyu 12:25

Ket itu nga annadan nu ngarudin, nga madi kayu agmadi iya panangbagbaga niya mangbagbaga dakayu itan, nga itu nge̍ Apu Diyus. Ta madi kayu kuma tuladen dito toley itun, nga madi da nalisiyan ya dusa da itun, ito nagmadi da iya nibilin niya nangbagbaga igida ito uwed da pekkem idi nga lubung. Ket no madi nakalisi ditun ito dusa da, di ngarud nangnangruna tida ita nga madusa, no agmadi tida iya ibilin niya mangbagbaga dactida ita manipud ka langit?

He̍briyu 2:2

Ta laglagipen tida kuma nga to linteg ne̍ Apu Diyus, nipaikagi na mettas kadiya anghe̍le̍s itun, ket napanecnekkan met nga pudnu. Ket diya amin nga nagsalungasing winno nagsukir kadito bilbilin itun, nagbanag ngarud ka tumutup nga dusa da.

He̍briyu 2:3

Dikad pe̍ ita, madi tida ngarud met pe̍ makalisi iya pannakadusa tida, no liwayan tida ya panangipateg idi nga pannakaisalakan tida. Ta ya Apu nga mismu ya nona nga nangipakaemmu idi nga pannakaisalakan nga ipaay na. Ket dito nakagicna igina itun, igida mettas ya nangipanecnec dactida nga pudnu yan nga pannakaisalakan.

He̍briyu 3:5

Ket to Muyse̍s, arig nga igina ya eb-ebbonen ne̍ Apu Diyus kadiya toley na itun. Ket nibilang met ne̍ Apu Diyus nga managtungpal to Muyse̍s ito panagsirbi na kadito amin nga toley nga naiyarig nga pamilya ne̍ Apu Diyus. Ket to Muyse̍s, igina ya nangipakaemmu ngas met itun maipanggep iya paibaga ne̍ Apu Diyus kadiya toley iya sumarunu nga timpu.

He̍briyu 4:8

Ket to Huswe̍ itun, orey nidateng na dito pada na nga Israe̍lita ito ginet da, bekken met nga itu to pagtalnaan nga nikari ne̍ Apu Diyus. Ata kalpasan nito pannakadateng de̍ Huswe̍ itun ito ginet da, nagkagi manin nge̍ Apu Diyus maipanggep ka sabali pekkem nga timpu.

He̍briyu 5:5

Agten met pe̍ iyan nge̍ Kristu, ta bekken met nga igina ya nangtudu iya beggi na nga Kangatuwan nga Agsirsirbi, no di lugud e̍ Apu Diyus ya nangpili igina. Ket e̍ Apu Diyus, kinunen na met e̍ Kristu itun, “Ikew ya Anac ku. Ket ita nga algew, nagbalin nac nga Ama mun.”

He̍briyu 9:19

Ta to Muyse̍s itun, nipakaemmu na nga nona kadito toltoley dito amin nga bilbilin ito Linteg. Kalpasan na, namet ka daga diya urbun baka se̍ diya kalding, nga uwed lauc na nga danum. Ket se̍ na winarsiyan to nakaisuratan nito Linteg, se̍ dito amin nga toltoley. To pangwarsi na, dutdut karne̍ru nga nakulur ka nadgang, se̍ isa nga ruut nga maawagan ka hisupu.