3 Juan 1:6 - Ya Baru nga Tulag

⁶ Ket uwed da met kadidi diya nangipadamagin iya bungguy mamati ennidi maipanggep iya panagayat mu igida. Ket no uwed da manin dumagdagus iyan, pangngaasim kay ta nabaru met no tulungam da iya orey nagan na nga masapul da iya panagbulay da. Ta itu ya tumutup nga ugali diya agsirsirbi e̍ Apu Diyus.

3 Juan 1:6 Iomraidhean Croise

Aramid 15:29

Madi kayu kuma mangan kadiya masida nga naidatun kadiya didiyusen, se̍ madi kayu agsida ka daga, se̍ madi kayu pe̍ agsida kadiya di napadaga, se̍ madi kayu makikamalala. “No liclikan nu didi nga banbanag nga nisurat mi, nabaru ya pagbanagan nu. “Ket agten iyan nas ya maibaga min,” kunen da.

Aramid 15:3

Ket dito nibon nito bungguy mamati, nawe̍ da ngarud. Ket dimagas da ka Pe̍nisiya se̍ Samarya, ket nibaga da kadito kakabsat da ka pammati antuni to panagbalin pe̍ nga pasurut dito bekken nga Hudyu win. Ket naganggem da nga unay nga amin ito nagicna da.

Aramid 21:5

Ket ito nakaduminggu kami antuni nin, pimanaw kami lattan. Ket igida nga amin nga pasurut nga pati babey se̍ diya aanac da, nawe̍ dakami nitulud patingga iya pingit niya baybay iya laskig nito ili, ket nagparintumeng kami nga nagkararag ito panapanag.

Ruma 15:24

Ket sapay kuma ta no mabalin, dumagas sac iya edyan nu nga bumisita nad dakayu no agpa-Ispanya ngac. Ket kalpasan niya pannakianggem ku nad dakayu ka e̍teng, mabalin nga tulungan dac kuma iya panagbulay ku nga mawe̍ ka Ispanya ngin.

2 Kurintu 1:16

Ta pinanggep ku ngamin itun nga dagasen nakayu nga sacwaran no mawe̍ yac ka prubinsiya nga Mase̍dunya. Se̍ nad manin no agawir rac nga gayat antuni, sacwaran nakayu manin ya kunec, tasun matulungan dac nad kuma kadiya masapul ku nga agpa-Hudya.

Pilipus 4:14

Ngem orey agten iyan, nabaru yan nga panangisakit nu iya pakarigatac ki.

Kulusas 1:10

Ket agten iyan ngarud ya ikarkararag mi, ta gabay mi no agbiyag kayu kuma nga tumutup iya Apu. Ta diyan nas makaay-ayu igina ya pe̍yeng nu nga wangwanglen kuma, ta agbanag kuma ka nabaru diya amin nga nadumaduma nga wangwanglen nu, se̍ umad-adu kuma pe̍ ya pannakaemmu nu maipanggep iya gangey ne̍ Apu Diyus.

1 Te̍salunika 2:12

Ta binagbagbagaan dakayu, pinabpabileg dakayu, se̍ liniwliwa dakayu nga tunggal isa. Agten iyan ngarud ya winangwangel mi, tasun agbiyag kayu kuma nga pe̍yeng nga makaay-ayu e̍ Apu Diyus nga nangpili dakayu nga mairaman iya pangiturayan na se̍ pakadayawan na.

Titu 3:13

Ikarigatam kuma pe̍ ya panangtulung mu kade̍ Se̍nas nga abugadu se̍ e̍ Apulus iya panagbulay da, tasun maalac da diya amin nga masapul da.

1 Pe̍dru 2:20

Ket no uwed dake̍c nga winangel nu, awan met pakaidayawan nun, orey no itured nu kuma nga siaanus ya dusa nu nga danug. Ngem no nabaru nga gennung ya wangwanglen nu, se̍ maparparigat kayu pekkem, ipateg nakayu nge̍ Apu Diyus, no anusan nu.

3 Juan 1:12

Ket no e̍ De̍me̍triyu, agdindinamag kadiya aminin ya kinanacman na. Ta nabatad ya kinanacman na gapu kadiya wangwanglen na nga maikanatad iya pudnu nga pammati. Ket dakami met pe̍ ya mangipanecnec iya kinanacman na, ket emmum nga napudnu ya panangpanecnec mi.