3 Juan 1:5 - Ya Baru nga Tulag

⁵ Patgec nga gayyem, maitutup met iya pammati tida ya panagrispitar mu kadiya kakabsat tida ka pammati, orey no madi mu da em-emmu.

3 Juan 1:5 Iomraidhean Croise

Matyu 24:45

“Kaspagarigan no ya maibilang nga mapagtalkan se̍ nasirib nga tagabu. Ket igina mettas ya pangitalkan niya amu na nga makaemmu kadiya pada na nga tagabu iya baley niya amu na, tasun igina ya mange̍cde̍ ka kanen niya tunggal isa igida kada kustu nga uras na.

Matyu 25:16

“Ket to nae̍cdan ka lima nga ribu, sigida nga nawe̍ na nikume̍rsiyu, ket nakaganansiya met ka lima nga ribu win.

Lukas 12:42

Ket kinunen niya Apu, “No nagan kuma ya maibilang nga mapagtalkan se̍ nasirib nga mangsingen iya baley niya amu na, ket igina mettas ya pangitalkan niya amu na nga makaemmu kadiya pada na nga agsirsirbi iya baley niya amu na, tasun igina ya mangbingay ka kanen niya tunggal isa igida kada kustu nga uras na.

Aramid 1:15

Ket iya isa nga algew itun, naguurnung diya mamati. Agdagup ngata ka sangagasut ket duwa nga pulu da. Ginumnukat nge̍ Pe̍dru ket nagkagi igida, nga kinunen na,

Ruma 12:13

Biyangan nu kuma diya kapada nu nga mamati, nga tulungan nu da kadiya kasapulan da. Ket managsangaili kayu kuma.

Galasiya 6:10

Dikad pe̍ gapu ta uwed gundaway tida nga agwangel ka nabaru ita, ipaay tida kuma ngarud kadiya amin nga toley, nangruna kadiya kakabsat tida ka pammati.

Kulusas 3:17

Ngarud, sipapati kayu kuma ngas e̍ Apu Je̍sus iya orey nagan na nga ar-arimanen nu, orey kadiya kagkagiyen winno wangwanglen nu. Ket sigun iya kinaturay ne̍ Apu Je̍sus, agyaman kayu kuma ngarud e̍ Apu Diyus nga Ama.

He̍briyu 13:2

Ket madi nu liwayan ya rebbeng nu iya panagsangaili nu kadiya orey di nu nga em-emmu nga toley. Agten iyan kuma ngarud ya wanglen nu, ta uwed da nagpadagus itun, nga madi da nailasin nga anghe̍le̍s met diya sinangaili da.

3 Juan 1:10

Itu nga no umbe̍t tac nad iyan, ipalawag ku dakayun diya dake̍c nga wangwanglen na, ta uwed met kagkagiyen na nga dake̍c maipanggep dakami. Ket bekken nas nga iyan ya wangwanglen na nga dake̍c, ta no uwed kabsat tida ka pammati nga dumagus iyan, madi na da met awaten. Ket no uwed dakayu diya mayat nga umawat igida, paritan na da met, se̍ na da met pe̍ laskigen iya bungguy mamati yin.

3 Juan 1:3

Emmuc nga nabaru nga tutu ya nakem mu, ta uwed kakabsat tida nga inumbe̍t idi, ket naragsakan nac nga unay gapu ito nipadamag da iyaken. Ta nibaga da ya napudnu nga panagbiyag mu, nga sumursurut ka kanu iya pudnu nga pammati.