3 Juan 1:4 - Ya Baru nga Tulag

⁴ Naragsakan nac ngarud gapu ikew, ta aganggem mac nga unay no madamag ku nga uwed da anac ku ka pammati nga sumursurut iya pudnu nga pammati. Itu ya kadackellan nga makapaanggem iyaken.

3 Juan 1:4 Iomraidhean Croise

2 Kurintu 6:13

Ket gapu ta ibilang nakayu nga anac kun, kunec dakayu nga subalitan nu kuma ya panangipateg mi dakayu, nga awan kuma kessay niya panangipateg nu dakami.

Galasiya 2:14

Ngem ito nadlaw ku nga bekken nga kustu ya winangwangel da, gapu ta bekken nga maitutup iya banag niya panursuru maipanggep iya Makaparagsac nga Damag, nilbec ku ngarud nge̍ Pe̍dru iya imatang da mettas nga amin. Kinunec ngarud igina, “Isa ka nga Hudyu, ngem itun, tinultulad mu met diya ug-ugali diya bekken nga Hudyu, nga madi ka tinungpal diya ug-ugali diya Hudyu. Ape̍ ipapilit mu ita kadiya bekken nga Hudyu ya panangtungpal kadiya ug-ugali Hudyu?” kunec.

Galasiya 4:19

Dakayu nga arig nga an-anac kun, masakitan ya nakem kun gapu dakayu, nga maiyarig iya pannakapasakit niya isa nga babey nga agpakiskis nga aganac. Ket agten iyan ngarud ya panagrigat ku gapu dakayu, agingga nga ya gangey ne̍ Kristu kuma ngin ya mangituray nga pe̍yeng dakayu.

1 Te̍salunika 2:11

Ket emmu nu pe̍ nga to winangwangel mi dakayu itun, arig met nga pamagbaga niya isa nga ama kadiya anac na.

1 Timutyu 1:2

Isurat ku yani nga surat ikew, Timutyu nga ibilang ku nga pudnu nga anac ku ka pammati. Sapay kuma ta uwed ikew ya siaayat nga asi, tulung, se̍ talna, nga gayat e̍ Apu Diyus nga Ama se̍ e̍ Kristu Je̍sus nga Apu tida.

2 Timutyu 1:2

Suratan naka, Timutyu, nga ikew ya ibilang ku nga patgec nga anac. Sapay kuma ta uwed ikew ya siaayat nga asi, tulung, se̍ talna, nga gayat e̍ Apu Diyus nga Ama se̍ e̍ Kristu Je̍sus nga Apu tida.

Pilimun 1:10

agpacpakaasi yac ngarud ikew win maipanggep e̍ Une̍simu, nga ibilang ku nga anac ku ka pammati yin. Ta bayat niya pannakaibalud ku wi, nagbalin nac nga pannakaama na ka pammati.

1 Juan 2:1

Isurat ku didi nga banbanag dakayu nga patpatgec nga an-anac, tasun madi kayu kuma agbasul. Ngem no uwed makabasul, uwed met agpakaasi nga mangibegbeggi dactida iya Ama, nga itu nge̍ Je̍su Kristu nga nalinteg.

2 Juan 1:4

Naragsakan nac nga unay, ta naemmuwac nga uwed da anac mu nga sumursurut iya pudnu nga pammati, sigun ito nibilin niya Ama dactida.