3 Juan 1:12 - Ya Baru nga Tulag

¹² Ket no e̍ De̍me̍triyu, agdindinamag kadiya aminin ya kinanacman na. Ta nabatad ya kinanacman na gapu kadiya wangwanglen na nga maikanatad iya pudnu nga pammati. Ket dakami met pe̍ ya mangipanecnec iya kinanacman na, ket emmum nga napudnu ya panangpanecnec mi.

3 Juan 1:12 Iomraidhean Croise

Juan 19:35

Ket ya toley nga nakasingen kadiyan nga napasamac, igina mettas ya mangipakaemmu kadiyan dakayu ita. Ket pudnu ngarud ya ipacpakaemmu na, ta yan nas kinapudnu ya ibagbaga na maipanggep kadiyan, tasun mamati kayu kuma met pe̍.

Juan 21:24

Ket tun nga adalan, ket igina mettas ya mangipakaemmu win iya kinapudnu maipanggep kadiyan nga banbanag, se̍ ya nangisurat pe̍ kadiyan. Ket dakami, emmu mi nga pudnu met yani nga panangipakaemmuc.

Aramid 10:22

Ket dito naibon, kinunen da, “E̍ Kapitan Kurne̍lyu ya nangibon dakami. Ket e̍ Kapitan Kurne̍lyu, isa nga nalinteg nga toley, se̍ managdayaw e̍ Apu Diyus. Ket orey pe̍ amin diya padam nga Hudyu, raemmen da pe̍. Ket nibon nakami idi, ta uwed kanu isa nga anghe̍l ne̍ Apu Diyus nga mangpaayab igina ikew, tasun denggen na kanu diya ibagam,” kunen da.

Aramid 22:12

“Ket uwed isa nga taga-antuni nga agnagan ka Ananyas. Napasnec nga agtungpal iya Linteg tida, dikad pe̍ rinaem amin dito kapadpada na nga Hudyu ka Damasku.

Aramid 6:3

Nabarbaru ngarud, kakabsat, no mangpili kayu ka pitu nga lalaki dakayu, ta igida kuma ya pagiwarasen tida ka kasapulanin. Ket masapul nga maraem da kadiya toley se̍ paiturayan da iya Ispiritu Santu se̍ iya kinasirib nga nabaru.

1 Te̍salunika 4:12

Agten iyan ya wanglen nu kuma ngarud, tasun raemmen nakayu diya di pekkem mamati, se̍ tasun bekken kayu nga siaadeng kadiya duduma iya kasapulan niya panagbiyag nu.

1 Timutyu 3:7

Ket masapul pe̍ nga naraem kadiya madi mamati, tasun awan pakaiyal-alyewwan na, nga itu ya maiyarig iya isa nga ilug niya diyablu nga mangsilu igina.